-
Gasteizko plazatik mundura
Asko idatzi esan adierazi zabaldu eta hedatu da Gasteizko herri harresiaren inguruan. Desobedientzia hedatzen ari den seinale.
Arduraz jokatzen duen gazte mugimendua erditik kentzeko boterea lanean ari da, berak dakien moduan. Arduratsu erantzun zaio hemendik errepresioari, zigorrei eta kartzelari.Gasteizko irudiak mundu osoan hedatu diren bezala, badira gertuagotik irudi hoiek ez zabaltzeko lana hartu dutenak, Gasteizen bertan ziurrenik, Lakuan. Jaurlaritzaren Barne saileko bulegoetan
Ia 500 pertsona lotan gelditzeko prest!!! Onenak zarete peña!! #ResistGasteiz Lortuko dugu!! pic.twitter.com/nHbvdEoTy4
— AskeGunea (@AskeGunea) May 17, 2015
#resistGasteiz #resist7
Manifestazio jendetsu eta koloretsuaren ostean, plazaren erdian milaka laguneko herri harresia osatu zen. Beste behin. Gau hotzari aurre egin zioten ehundaka batzuk. Eta astelehen goizean agertu ziren ia 20 furgoneta ertzain amorratuz beteak.
Gero 3 orduko oldarraldi desobediente baketsua. 3 orduko poliziaren eraso ezin bortitzagoa. Eta argazki kamerak, bideoak, mugikorrak, sare sozialak, jendea sutan!Munduari itzulia eman dioten argazki irudi eta mezuak. Salaketa publikoa.
Nazioartean
What is the Basque popular wall (#HerriHarresia) phenomenon? http://t.co/N9wYDCZXGL #Resist7 #free7 pic.twitter.com/pihI4Yl9gH
— Lander Arbelaitz (@larbelaitz) May 19, 2015
Gasteizko harresiko irudiak, mundu osoko hedabideetan @iontelleria http://t.co/ccLGnRLr2b … #Resist7 #Free7 pic.twitter.com/zPbb4DWMiz
— naiz: (@naiz_info) May 19, 2015
Police arrest Basque activists amid human wall of protests http://t.co/BRnmmQOHPA #ResistGasteiz pic.twitter.com/g2cP51OKBN
— The Stream (@AJStream) May 18, 2015
#basque RAGE against the (police) Machine https://t.co/H3n1cHzkoc @tmorello @RATM @muguruzafm FREE #LIBRE! #resist7 Basque Country
— gaztelumendi.eus (@iPatxi) May 19, 2015
Osteko errepresioa
Amaitzeko zentsura
Eta badirudi Lakuatik bertatik, Erkoreka bozeramaileak proportzioak neurtzen lan egiten duen tokitik mugitu dutela youtubeko kanaletatik ertzainen basakeriak kentzeko agindua. Eta youtubek bete ere, 100.000 ikustaldi baino gehiago (ETBko programarik arrakastatsuenak baino gehiago, bidenabar esanda) dituen bideoa kenduz.
Bideoa noski, berriro igo dute youtubera. Eta sare sozialetan hedatzen ari da, apurka apurka.Balorazio azkar bat
Zebrabidea saioan, komunikazioari buruzko solasaldian egunotako kontuak aztertzen.
[audio:http://bitakora.arrosasarea.org/podpress_trac/web/21103/0/PATXI-GAZTELUMENDI-150520.mp3]Ander Gillenea euskal argazkilariaren lana Mundu mailan ikusteko parada gaur, @guardian egunkarian #Resist7 pic.twitter.com/uCHmH2OYnL
— gaztelumendi.eus (@iPatxi) May 18, 2015
-
Larrabetzu Eskura webapp eta Badok.info
Informazioaren aroan bizi gara, baita herri txikietan ere.
GAUR > Musika kultura eta teknologia berriak @LARRABETZU #Eskura eta @Badokinfo pic.twitter.com/nm8z6QDCku
— barkatu ama (@barkatu_ama) June 26, 2014
Larrabetzu eskura aplikazioaren azken bertsioak aurkeztu ditugu gaur. Orain arte mugikorretarako garatutakotik, pausu bat emon eta webapp be aurkeztu dugu jendaurrean. Sarean dago jada: larrabetzu.net/app< gunean.
Tresna honek berdin balio du FirefoxOS sistema eragiledun mugikorrentzat zein iOS edo Android telefonoentzat -iPhone eta beste guztiak…-.Aurrerantzean gure herriko berri, askoz modu eraginkorrean eskaintzeko aukera izango dugu: kultur agenda, elkarteen berri, herriko abisu eta mezuak, albisteak, blogetako informazioa….
Badok.info
Barrutik ezagutzen ari gara @Badokinfo ataria, euskal musikagintzari buruzko tresna indartsuena, eguneratuena @berria pic.twitter.com/lztvorQwsO
— barkatu ama (@barkatu_ama) June 26, 2014
Ekitaldi berean Badok.info euskal musikaren ataria ere aurkeztu du Jon Eskisabel kazetariak. Musika entzuteko eta bizitzeko sekulako tresna sortu du Berria egunkariak. Zorionak!
-
kazetari independentista
Kazetaritza, informazioa eta komunikazioari lotuta bizi naiz, bizi dut.
Irratian, telebistan, prentsan eta Interneten aritu naiz luzez. Ari naiz.
Independentista naizela esango nuke, txiki txikitatik. Banaiz oraindik.
Nazioarteko berriak jarritzen ditut, munduari so nago, leihoak irekita.Eta Internetek aukera ederra ematen digu, kazetari izan, informatzeko, independentista jarraitu eta munduari begirik ez kentzeko. Ametsok bizi naute, izarrik ere.
Mundua begiratzeko modu bat da idaztea eta komunikatzea. Modu aktiboan esan nahi dut. Kontatuz bizi duguna, ikusten duguna idatziz, azalduz sentitzen dena. Irrati uhinetatik, pantailetatik edo aurrez aurre.
Informazio kanal independienteak maite ditut horregatik. We the media liburua irakurri nuenean (2005 urtean edo…. ) argi ikusi nuen grassroot journalism mota honek ainguratuko ninduela komunikazio mundura luzaz… eta horretan jarraitzen dugu, batean eta bestean.Orain albistea zer, non… horretaz ari gara sarean, paperean, irratietan, telebistetan. Bizi dugu. Zenbat eta hurbilagotik, zenbat eta aktiboago orduan eta hobeto. Eta horretan jarraitzen dugu. Eta bizitza eder honek, aukera asko ematen digu horrelako okasioetarako… beti nahi dugu scoop bat edo elkarrizketa bikain bat egin, baina gero konturatzen gara jendea maite dugula, edozein txoko, gertaera bitxiak…. eta albistea elkarrizketa xume batetik sortzen dela, notizia bilakatzen dela edozein lerdokeri, batzuen esanek besteen ekintzek baino gehiago balio dezakete agian…. baina informazioaren munduan jarraitzen dugu, oharkabean.
Montenegrotik Kataluniara
Gauza on asko gogoratzen ditut kazetaritza esperientzietatik. Baina egunotan duela 7 urte Montenegron bizitakoa dut akorduan. Autodeterminazio erreferenduma bizi izan genuen, zuzenean, han bertan. Iñaki Sotok gonbidatuta -gaur GARAko zuzendari dena- erreferenduma jarraitzera joan ginen lau lagun Euskal Herritik. Argazkiak, iritzi artikuluak, kronikak eta harremanak egitera. Hegazkina hartu eta alokatutako autoa biziz, ezagun berrien etxeak eta bertako bizipenak izan ziren gure egunerokoa aste erdi labur batez. Eta independentzia prozesu baten eztanda bizi izan genuen. Eta zuzenean kontatu hemengo medioetan.
Orain begiratuta, poz itzela nabari da gugan letra haiek irakurtzean. GARAko artxiboan daude egun haietako kronikak eta bizipenak.
- 1992tik gaurko egunaren zain (Patxi Gaztelumendi, 2006ko maiatzaren 22an)
- Agur Solana! Iñaki Sotoren kronika laburra
Blogek ere eztanda egin zuten 2000. hamarkada horren hasiera/erdialdean, eta sortu genuen bat beren beregi horretarako: Montenegro.mundua.com
Informazioa emateko modu berriak, berrienak ziren. Mugikorrak, portatilak, wifi sareak profitatuz idatzi genituen gure kronikak, eta erreferendumaren gauean ere, Podgoricako Karver kulturgunetik, emaitzak zuzenean jarraitu eta Euskal Herriari eskaini genion zuzeneko informazioa, edozein prentsa agentziak baino lehenago gainera. Iñaki Sotoren gogoeta propioekin, hango lagunen testigantzekin, eta guk geuk egindako argazkiekin.
Oso oroitzapen onak, duda barik. Gordetzekoak.
#viacatalana zuzenean
Azken urteotan bizi bizi dago Kataluniako bidea ere. Iazko Diadak urrats handia suposatu zuen, aurretik herriz herri burututako erreferendumek herri mugimendu nazionala antolatzea ekarri zuten, eta emaitzak denon bistan daude. Aurtengo irailaren 11 ere historikoa izango da, ari da izaten. Eta horregatik, informatzeko eta bizitzeko asmoak uztartuta, asteazkenean Bartzelonan eta Katalunian izango naiz, zuzeneko testigantzak jaso eta Euskal Herrira igortzen. Saretik, uhinetatik zein bestelako euskarriak baliatuz.
#viacatalanaUste dut informazioa, bizipenak, gogoetak eta bestelakoak uztartzen narratiba eta kontaera berri bat eskaini behar dugula. Eskura ditugun tresnak baliatuta, denbora errealean kontatzen dugunak garrantzia berezia daukala, eta gero guzti hori beste euskarri eta baliabideekin uztartuz kontatu behar dugu, denon artean, ahots askotara. Eta horretan, gutako bakoitzak egiten duen ahaleginak indar asko dauka.
-
Al jazeera euskaraz nahi dugu
Al Jazeera telebistari begira gabiltza egunotan. Arrazoiak hamaika: direla Arabiar eremuetako matxinadak, Japoneko lurrikara edo arrisku nuklearra, nazioarteko egoera, kultura eta sorkuntza, twitter zelan baliatzen duten, edo iragarri diguten The Stream emankizun barria. Hara begira gabiltza hemen. Gure pantailetaraino heldu da Al jazeera.
al bisteak 2.0
Hurrengo geltokia: Al Jazeera euskaraz
Horrelako telebista bat interesgarri egiten bazaigu, zergatik ez aldarrikatu holango telebista gurean, euskaraz?
Eta hori eskatzen ez gara hasi ba? #aljazeeraEuskaraz nahi dugula eskatzen hasi gara sare sozialetan. Broma dirudi, baina ironia baino gehiago daroa berarekin aldarrikapenak.
Aldarrikapenak, berehala hartzen du itxura eta izaera sarean. Egun bakar bat, aski da…. gori gori jartzeko eskaera bera. Zuzeu.com albistegian idatzi, sare sozialetan mugitu… eta ikasi dugu euskaldunok ere, holango tresnak zelan erabili.
Eskatu? Aldarrikatu?
Gure hacker izaera frogan jarri, eta Al Jazeera bera euskaratu dugu, euskarazko edukiak sartuta. Gure iritziemaileen artikuluak, kulturgileen sorkuntza, bideoak, elkartasun bideoak, musikarien lana, iritzi politikoak…. Euskal Herritik Al Jazeera bat behar dugula aldarrikatu eta pantailaratu dugu.
Eta bapatean, Fermin Muguruzak telefonoz deitu, sarean ekimenaren berri izan duela, blogean jarri ez ezik, Al Jazeera english kateko zuzendariari deitu behar diola, asko gustatu zaiola ekimena… flipatuta dagoela, flipatzen ari dela… hiruzpalau aldiz flipatu erabili du, mugikorrean utzi duen mezuan.Sare sozialetan oihartzuna
Eskaera aldarrikapen egiteko ere, kodeak ditugu, hoiek kopiatu, sarean jarri… eta gehiago zabaltzeko.
Gustatuko zaizu ere
Jone #libre
Gazteak sarean territorio libre propioak sortzeko gai dira
Aritmetika arazoak?
-
Egunkarialibre.info
#egunkaria + #libre egunkarialibre.info
Informazioa. Egunkaria hitza, elkartasunaren berba bilakatu dugu sarean, kalean, jendartean, hemen, lanean, hor, han, Madrilen.
Euskaldunon Egunkaria bertatik ezagutzeko parada izan zuen honek, Iñaki Uria eta Martxelo Otamendi lankide izan zituen honek… ozen esan nahi du sentitzen duen hori. Lehen artikulutik azken testu argitaratuetara. Iritzi artikuluak eta kronikak. Guztiak datozkit burura…Egunkaria libre!
Eta horretan ari gara sarean, lanean. Auzolanean. Egunkarialibre.info guztion artean ari gara egiten, sortzen, zabaltzen… eta zuk ere baduzu hori egiteko eta esateko aukera. Ez galdu aukera hau.
Software librea, irudimena, gogoa, irudi batzuk, argazkiak, telefono mugikorretatik grabatutako irudiak… eta irrati emankizun baterako gidoia, kanta batzuk, hitzak, korteak… eta zu!
Bilbon elkartuko gara! -
Gaur bi hitz: #letrARTean Andoainen
Letren herria dugu Andoain. Euskaldunon Egunkariaren itzala, Berriaren argia. Letrak ere saritu ohi dituzte Andoainen, Rikardo Arregiren omenez. Letrek, euskarazkoek berezik kultur parkea ere badute, Martin Ugalde zenaren izenean. Letren herri bilakatuko dugu gaur arrastian ere, LetrARTean ekimenarekin.
Finean; kultura eta artea, informazioa eta komunikazioa edota Internet eta teknologia berriak jorratuko ditugu alde zaharreko Itzala gunean. Berba egitera goaz, sortzera. Ondoan dagoena ezagutu, eta ondoan, alboan, gertu jarraitzeko asmoarekin. Sortzen jarraitzeko, egiten, erakusten, ikasten.
Kultur esperimentu bat ere bada letrARTean, teknologiaren alde ez teknikoa jorratuz. Letrak. Edukia. Hizkuntza. Sorkuntza artistiko eta kulturala. Mezuari erreparatuko diogu, kanalari baino gehiago. Izan ere, kanalei begira gaude ohituegi aspaldion. Teknologiaren lilurak, edukiari garrantzia kentzen diola dirudi. Zer egin daitekeen pentsatzen pasatzen ditugu egunak pantaila aurrean, eta zer egiten dugun jakin beharra dago. Zertan ari garen, zer sortzen, zer ikasten…
Alde horretatik, letrARTean plataforma fisiko eta humanoa ere bilakatu dezakegu, beharbada. Gure gogoa eta indarraren arabera izango da. Eta letrak, gureak, bultzatzeko tresnen beharra aldarrikatu eta profitatu dezakegu. Elkartzen bagara, egiten badugu, pentsatu ezkero, hasi eta abiatu ondoren.
Horretara noa ni. Eta ikastera. Eta jende berria eta gazteagoa ezagutzera. Eta auzolanean, lan berriak eskaintzera auzokei, eta auzokoarenean murgiltzera azken finean.
Kultura, Informazioa eta Teknologia. Horra hor KIT eder bat. Euskaldunontzako tresna erabilgarri bat, dezakegun armarik potenteena gure esku. Teklak eta jarioa. Sorkuntza eta kodea. Hedatzeko eta ikasteko. Ezagutzeko eta zabaltzeko. KIT on bat gure zerbitzura. Balia dezagun.
gauez, letrak dantzan jartzeko asmoz
Arratsaldean bezala, gauez ere jarraituko dugu gure ekimenak. Ludikoago. Sorkuntzaren aldetik, erremixaren logikarekin. Komuneko paperean idatzitakoak irakurri eta entzun, argitaratutakoak eskuratu… eta gero Bi hitz: beats_bits. Teknologia, doinuak, hitzak, musika.. pantaila eta ingurua. Eta dantzarako grina, gogoa.. giroa. Ea asmatzen dugun. Horretan saiatuko gara, eta zuek ere jarraitu dezakezue, pantailan, twitter bidez, streamminga jarraituz… gura bazela. Hurbiletik bezala urrunetik.
dj kaikuren musika, 2tz hashtag berria eta #letrartean dantzan egiteko gogoa.
-
Soitu.es itxi dute, Indymediarekin ezingo lukete
dont hate the media
become the media
Soituren itxiera izan zen atzoko albiste nagusia inguruko sarean. Espainiako albiste gune garrantzitsu eta ezberdinena itxi zuten, finantziazio arazoak tarteko. Gauza jakina da BBVA banketxeak diru mordoa zuela jarria Gumersindo Lafuenteren eduki digitalen proiektu honetan.
Nik aitortzen dut, soitu.es eta bere sareko ekimenak asko gustatu zaizkit. Jarraitzailea izan naiz, artikulu asko irakurri eta ideia asko konpartitu ditut soitun. Informazioa lantzeko beste modu hori erakargarri egiten zitzaidan.Baina Interneten aspaldian berriz ere -batipat 2.0 aro berri honetan- negozioen inguruan dagoen eredu ustelak ez nau erakartzen. Ondo dago jendea partehartzen ikustea, oso ondo dago web sozialagoa egin gura izatea, ondo daude tresna guzti hauek… baina eredu ekonomikoa ustela dute askok eta askok. Pelotazoaren kultura (dotcom burbuila gogoan) ez da eten. Enprendedore eta CEO gazte eta ez hain gazte flipatu gehiegi somatzen da Interneti lotutako ekimen asko eta askotan.
Eredu horrek porrot egitea, normala da. Gehiago kapitalismoaren eta finantza globalen krisi honen erdian.Indymediaren eredua
Partehartzea, argitaratze irekia, jerarkiarik eza, erredakzio horizontala ez daude hain modan. Baina ez dute zertan porrot egin behar. Indymediarena izan zen, komunikazioaren aroan ezagutu dudan aurrerapausu handiena. Urrats garrantzitsuena kazetaritza eta komunikazio molde hiritar eta partehartzailean.
Indymedia ezin du banketxe batek zarratu. Ez inbertsiogileen porrotak, ez krisi kapitalista batek. Agian polizia eta juezak saiatu daitezke Indymedia lokalen bati presio egiten. Baina sarea bera, globala da dagoeneko. Eta Indymediak hamaika gune ezberdin ditu. Ilusioa, borondatezko lana eta mundu libreago baten aldeko determinazioak egiten du, han hemenka ehundaka aktibistek informazio librearen alde jarraitzea.
Indymediak ere behar ditu aldaketak, berrikuntzak, itxura modernoagoa, software azkarragoak…. baina ziurrenik lortuko du hori eta gehiago ere.
Informazio librearen bidean urratsak emango ditu, emango ditugu. -
Capsula | Argentinatik Euskal Herrira, rockarekin munduari bueltak emateko
Prest! aldizkaria | Deustu
Argentinatik etorritako taldekideek Euskal Herria ezagutu, bertan geratu eta taldea ezagutzera eman zuten: Capsula. 11 urte daramatzate dagoeneko Bilbon, eta musikaren munduan oihartzuna gero eta handiagoa da.
Martin Guevara eta Coni Duchess argentinarrak dira sortzez eta Alberto Diaz Arangoitiko bateriajolea gehitu zen Capsula rock taldera.
Berriki Ivan Julian musikari estatubatuarrarekin The naked flame diskoa kaleratu dute, Ivanek berak hautatutako kantuekin, eta Euskal Herrian ere zenbait kontzertu eskaintzeko parada izan dute, diskoa aurkezpenerako Ivan Julian bertora gonbidatuta. Diskoaren aitzakiaz hurbildu gara Capsulako Martin Guevararengana, eta musika zelan bizi dute azaldu digu.
Aspaldian gero eta ospetsuagoa da taldea, baina taldekideek “naturaltasunez bizi” dutela aitortzen dute. “Baina energia askorekin, hori bai”. “Talde bezala daroagun sasoi guzti honetan, urratsez urrats abiatu gara, taldea garatuz, eta jende gehiagorengana heltze hori, apurka apurka etorri da. Egia esan, oso pozik gaude taldea gero eta gustagarriago delako, eta gure musika gero eta leku gehiagotan erakutsi dezakegulako”.
Gure artera heldu, eta bidea zelan egin zuten galdetzean, gogoeta egiten digu Martinek: “Taldearen ideia hasieratik errepidean bizi eta gehien gozatzea izan da, eta motor horrek gidatu gaitu. 1998ko udaberrian heldu ginen Bilbora, bira bat egiteko asmoarekin, eta geroztik urtez urte esperientziak gehitu eta bide horretan hiri berriak ezagutzeko aukera izan dugu”. Geroztik hainbat bira egin dituzte Europan zehar ere. Estatu Batuak eta Kanadara ere pare bat alditan joateko beta izan dute. Beste horrenbeste Hego Ameriketatik. Beraz, Euskal Herrira bizitzen etorri arren, munduan zehar musikarekin ibiltzeko beta ez dute galdu.
Bi disko azken hilabeteetan
Eta azken bolada honetan gogotsu dabiltzala dirudi. Izan ere lanak argitaratzeko eragozpenik ez dute Capsula taldekoek. Bartzelonako Bcore disketxearekin “Rising Mountains” plazaratu dute. Blody Hotsak disketxe independiente euskaldunarekin berriz “The Naked Flame” plazaratu dute. “Ivan Julianek gurekin lan egin zuen New Yorkeko bere estudioan, Rising Mountains diskoaren ekoizpenean, bertan egin genituen nahasketak eta masterizazioa. Adiskidetu, eta lan berri bat egiteko aukera sortu zitzaigun. Bilbon zein New Yorken prestatu genituen kantuok, eta hortik sortu da The Naked Flame lan berri hau”. Ivan Julian musikari eta ekoizlearekin lan egitea aukera ezinhobea izan da Capsulakoentzat, izan be Ivanen taldeen jarraitzaile sutsu izan dira orain arte (Richard Hell & the Voidoids, The Clash, Contortions, Fleshtones…).Euskal Herrian musika
Beraien disko berriko kantuak entzun, rock azkarra, kitarra gordinak, Ivan Julianen ahots paregabea…. eta kantuen artean hemengo panoramari buruz berbetan hasi gara. “Euskal Herrian beti egon da eszena potentea, interesgarria. Hemengo talde askok jauzia egin du Estatu mailan edota nazioartean ere, eta hori oso interesgarria da. Gainera, estilo aldetik ere aniztasun bat ematen ari da, eta eszena lokalari indarra emateko ezinbestekoa da hori”.
Aspaldion gustuko dituzten taldeak esateko eskatu, eta zerrenda amaigabea sortu zaio Martin Guevara Capsula taldeko kitarrajoleari: “Eureka Hot 4, Lobo Electrico, NCC, Cancer Moon, Ya te digo, Munlet, Le Noise, Audience, Ama Say, Paniks, Atom Rhumba, Berri Txarrak, Lisabo, Standard, Delorean….. asko dira gustatzen zaizkigun hemengo taldeak, eta ziur gehiago ere sortuko direla”.
Eta ez du arrazoi faltarik. Asko dira bazterrotan dauden taldeak, tartean Capsula. Talde oso interesgarria, musikari bikainak, eta pertsona itzelak. Zabalak, beraien musika bezala.
www.capsula.orgEta bideo interesgarri bat.
-
Lotsa pixka bat es mucho
Astelehena. Laneko ikastaro bat Bizkaiko Foru Aldundiaren Lantik zentro teknologikoan. Topatu dut, heldu naiz.
NAN eskatu, segurtasun neurri batzuk igarota sartu naiz bulegoetara.
Pantailaz mukuru dagoen gelara sartu eta nire burua aurkeztu, dena bat. Bertan dira Bizkaiko Gazte Informazio bulegoetako informatzaileak. Hogei bat edo.
Arrasateko gazte bulegoan ari naiz azken bi urteotan. Eta formazio saio dexente izaten ditugu lan kontuak direla eta.
Normalean Gipuzkoako Diputazioak antolatutakora joan izan naiz, guk geuk proposatuak gehienak. Onak, oso onak batzuk –Gimp software librearekin irudi tratamendua egin genuenekoa adibidez- eta ohikoak beste batzuk, honetara dedikatzen diren enpresek emana.Gaurkoa ezberdina da. Eusko Jaurlaritzak burutzen du. Hauteskundeen aurretik, eta legegintzaldia bukatu aurretik, duela lau urte prometitu zuten tresna eskaini behar ziguten Araba, Bizkaia eta Gipuzkoako gazte informatzaileei.
Tira, gelan sartuta, gaztelaniaz agurtu nau emaileak. Nire pantailaren aurrean jezarri naiz eta windowspeko ordenadorea, explorer zahar batekin, soilik gaztelaniaz. Noski.
Jaurlaritzak prestatu digun Manual de uso de la nueva herramienta informática del sije. Departamento de Cultura. Dirección de juventud y acción comunitaria. Eusko Jaurlaritza.
Uauu! Super fashion! Webgunera sartzeko http://212.145.147.187 idatzi digute arbelean, eta bost bat minutu eman ditugu, horretara sartzeko lortzeko. Eta hau ere gaztelania hutsez. Piska bat es mucho badakizu… izena euskaraz dauka: Gazte informazioa. Nahikoa da ezta Patxi? Baztarrika… es mucho?
Tira, gogoa piztu zait. Lan egiteko, ikasteko… edozertarako. Tweet batzuk idatzi ditut, nabigatzen hasi naiz, mozilla firefox ere deskargatu dut euskaraz… eta hau eta beste.
Argi dago, tresnak ez nauela asko erakarri. Irakaslearen jardunak ere ez, eta gazte informatzaile bizkaitar hauen pasibitateak ere ez. Isil isilik ardiak bezala.
Ez dakit bihar etorriko naizen ere, beharbada Ibarretxeren mitinen batera joatea nahiago… piska bat. -
larrabetzu 2.0 herritarrak+teknologia
Bi urte egin ditu sarean gure komunitate txiki honek. Eta 24 hilabeteotan gure herriko berri sarean hedatzen saiatu gara. Gure herrian gertatu direnak, azaltzen egin dugu ahalegina. Albisteak, kultur ekitaldiak, blogak, argazkiak, zenbait bideo, kirola, politika egunerokoak dira gure arteko elkarrizketetan.Herri txikien erronka moduan ikusten dugu informazioaren aroa, eta apurka apurka ikasten eta garatzen hasi garela somatzen da.
Gogotsu ekin genion, eta indarberrituta atarako gara larrabetzu 2.0 jardueren ostean.
Larrabetzu sarean bada zeozer, aurrerantzean mapetan kokatu gura dugu, eta teknologia berrien alorrean urrats berriak eman gura ditugu. Wifi kalea, blog berriak, bideo albisteak…. asmo berriak ere baditugu.
Urteurrenaren karietara hainbat asmo ditugu egunotarako:
- mendi ibilbidea. gure auzo, baserri eta tontorrak geolokalizatzeko.
- Urko Lasarteren argazki erakusketa gaztetxean
- Politika 2.0 mahaingurua
- Goseren kontzertua
- #basquecamp barcamp euskalduna
Eta asteburuari, eta aurretik datorrenari gogotsu ekingo diogu. Nortasunez, euskaldun moduan, ikasteko gogoz, eta batez ere aurrera begira.
Larrabetzu 2.0 gure egitasmoa da informazioaren aroan. Partehartzea sustatuz, teknologia berriak sozializatuz eta informazioa eskuragarri jarriz, eta gainera euskaraz.
Gustatuko zaizu ere
Zuzenean
Duintasuna 1 – Kutxabank 0
Herri bat martxan (larrabetzu / hori bai gaztetxea )
