teknologia berriak
software librea | blogak | Internet | copyleft
-
I support basque peace process, and you?
The aim of this website is to provide a reliable insight on the opinion and initiatives developed by Abertzale Left in order to overcome the ongoing political conflict. We will also pay special attention to different international initiatives promoted in relation to the peace process.
The International Community has an important role to play on the resolution of the Basque Conflict and Abertzale Left understands that it must establish direct sources for them to understand where Abertzale Left stands.
The meaning of Abertzale is strongly associated with a particular understanding of Basque nationalism as a progressive and internationalist movement involving a wide range of organisations such as political parties, unions, cultural organisations, and significant parts of the women, environment and internationalist movements who believe in the liberation of Basque Country. As republicanism has a special understanding in Irish context, abertzale could not be translated as mere nationalism without understanding this progressive role.
Abertzale Left advocates for an independent and socialist Basque Country. But our priority is to establish a democratic scenario where all political projects can be implemented accordingly to the will of the people. To reach such scenario we believe that the conflict has to be solved through democratic and peaceful means, on a multi party based dialogue, negotiation and agreement process ruled by the Mitchell principles.
-
Asmo berri(tu)ak sarean
Soziologia digitala aldarrikatzen
Urteak joan, urteak etorri, ari gara sare bat osatzen.
Edukiak, informazioa, denborapasa, bideoak, irakurgaiak… denetarik daukagu, baita euskaraz ere.
Baina soziologia digitalaren aroan ere murgildu beharko gara.
Zuzeun marka berriak dituzte helburu. Azken urteko datuak jarri dituzte agerian, lehenago ere datuak elkarren aurrean erakusten aritu ginen. Baina afera edo kontua ez da zeinek gehiago, zeinek handiago. Ondo sartzea, ondo sortzea baizik. Eta ondo ari al gara?
- zenbat da asko, euskaraz? Galderari erantzunak ematen hasi beharko genukela iruditzen zait. Mahainguruan, barcamp batean, blogetan eztabaidatuta, edo blogak eta zerbezak uztartuz. Baina emaitzak aztertzen hasi beharko genuke, gure emaitzak prozesatu. Bada garaia, intuizio hutsetik haratago jotzeko. Heldutasunera heltzen ari da euskarazko blogosfera bezala, euskarazko sarea bera ere.
- zenbat gara? Euskaldunak Interneten. Eustaten datuak baino ez ditugu, lantzean behin, Euskal Erdian (EAErkidegoan) egiten dituztenak. Baina euskararen sareak, zazpi euskal herriak gainditu ditzake gainera. Euskara dagoen lekuan dagoelako euskarazko sarea ere. Soziologia apur bat behar dugu, estadistika. Soziolingustika aplikatua, sareari aplikatua, hain zuzen be.
- Soziologia digitalerako
abiapuntuak sarean
Horregatik, soziologia eta sarea uztartuko dituzten adituak behar ditugu. Gure datuak interpretatuko dituzte soziologoak, ikerlariak, entusiastak. Merkatu legeetan ez dugu euskara sartu eta lehiatzerik izango, publizatate euskarria ere ez gara izango agian… baina komeni zaigu euskaldunoi zenbat garen, zelan ari garen, zer interesatzen zaigun, eta zertan ari garen jakitea.
Beraz, euskaldun batzuk batu, mahaiaren bueltan ahal bada, hitz egin, garagardoak hartu… eta hurrengo pausuak zehazten hasi gaitezke. Urte hasierako proposamen edo erronka bezala.
- albisteak 2.0, gaztelumendi.eus, hurrengo geltokia, ikusi eta ikasi, software librea, su-etena | ceasefire | tregua, teknologia berriak
zelan urtea badoan
Milurtekoa izan zen, hamarkada, eta hau ere badoa.
10 urte 2000an, XXI. mendeon… eta hau ere badoa.
2011 dator, bihar, edo etzi. Eta urtea badoa, negua joaten den bezala. Egunak datozenlez.
Ez gara zaharragoak, bizkorragoak, jakintsuagoak… atzokoak gara, bihar. Ere.
Tokatzen da esatea, gogoratzea, oroitzea, agurtzea, eta ondo ondo geratzea.
Urteak askorako eman du, beste buelta bat eman du gure mundu arrano honek. Eta buruari ere buelta asko eman dizkiogu, ideia txoro asko izan ditugu buruan, eta batzuk gauzatzeko aukera suertatu zaigu. Eta ez da gutxi. Pentsatzen jarrita, asko, askotxo… larregi inoiz ez. Baina badoa, eta oroimenean geratzen dira. Egunerokotasunean.
Azkar, urteko hiruzpalau flash.
euskalherrian.info proiektuan murgildu gara aurten. Zer ari da gertatzen Euskal Herrian? galdera horrek, badu erantzuna sarean. Bizkor ari da hedatzen. Proiektu berriak, irekiak, partehartzaileak ari dira sortzen. Eta batzutan, harritu ere egiten gara, abiadurarekin. Indarrarekin. Kemenarekin. Ausardiarekin. Irudimenarekin. Eta egia esan, Euskal Herrian gauza asko ari da gertatzen. ZoriONez. Eta ari gara kontatzen. Eta zabaltzen. Libre, partehartzaile, zabal, ireki, euskaldun. Hori da nahi duguna, horrela nahi dugu, horrela kontatzen dugu. komunikazioa, Informazioa, Teknologia (sarea + euskal herria)albisteak 2.0 webtv libre eta euskalduna sortu gura genuen, eta ikasten ari gara, sortzen. Astero. Eta asteko berri ematen dugu albistegi teknologiko bitxi batean. Bi lagun, lantalde itzela, medio onak, giro aproposa eta gogoa batipat. Eta urtean egindakoa biltzen hasi, eta ematen du zeozer aurreratu dugula. Balio izan duela. Merezi duela saiatzeak, aurrera egiteak, ikasteak, egunean jartzeak… baina batez ere ahalegintzeak.
#albisteak2010
Teknologia berriak hizpide hartzen ditugu, tresna moduan erabiltzen ditugu, komunikazio kanal dira. Internet, irratigintza, mezu libreak uztartzeko parada ematen digute. Berdin Info7 irratian, Hala Bedin edo beste nonbaiten. Zebrabidean geldi geratu barik, oinez ibiltzen gara, Bilbon bide gorritik baina isilik inoiz ez.
ekultura.net Euskal kulturgintza hizpide izan ohi dugu, eta berba egiteko jakin egin behar da. Kulturgintzan euskaldunzaharra naizen arren, alfabetatzeko beharra ikusi nuen. Eta horretarako eskolara jo behar. Hartu ninduten. Eta gustura ari naiz, eguaztenero Eskoriatzan, HUHEZIko EKT ikastaroan. Nire koadernoa da ekultura.net eta nire lanaren ardatza izan nahi du. Euskal kultura digitalaz mintzatu nahi dut, eta formazio fasean nago. Apunteak hartzen. Baina izango duzue lanaren berri, ikerketaren emaitza, ikasitakoaren ondorioak. Sintesi bat. www.ekultura.net
Sabin Intxaurraga ere joan da, Lete bezala, Bidador bezala, gertukoak bezala, urrunagokoak bezala… eta Sabinen egoeraren berri izan nuenetik, bueltaka ibili zait ideia bera. Zenbat lan isil egin duen, ikusi gura lukeena besteok ikusi dezagun. Bizi dezagun. Lagun nuen Sabin, bertsoa hizpide. Eta batez be, zaletasunak batzen gintuen. Herria, kultura, hizkuntza. Eta batez be, plazan batzen ginen. Plazak batzen gintuen. Txapelketa, saioa, antzokia… azkenekoz irailaren 11an izan nintzen beragaz, eta oroitzapen horregaz geratuko naz, duintasunaren irudia. Zor diogu, ikusi behar dugun hau. Beste guztia historia izango da.
Independentistak sarea, abian den prozesu politikoa, egoera, aldaketa, urratsak… bada zerbait, eta pozik nago horrekin ere. Eta urte hau, garrantzitsua izan da bide horretan. Altsasu, Brusela, Gernika…. toki izenak, mapa bat osatzeko. Mapa horrek, Euskal Herria du helburu. Ni neu, herrigintzan ari naiz. Pozik. Baina nazio mailako edo nazioarteko ekimenetan parte hartzeko sarea badut, eta sareak ematen digu aukerarik.. ekimenak zabaldu, ireki eta antolatzeko. Horra hor nire eskuhartzea. independentistak.net
Argazkiak.org | Independentzia lip dub koloretsua © cc-by-sa: gaztelumendi -
11amaika ikusteko, 11 minutu eta 11 segundutan
11amaika telebistara joaten gara astero. Eta bertan webtv apal bat egiten saiatzen. Eta sarean eskaini. Eta elkarrizketa sortzen ahalegindu. Eta horrela aste bat eta beste bat, bat eta bat magazinean.
Gureak dira ideiak eta gidoiak, gure zuzendaritzapean egiten dugu. Errealizazioan jo ta su aritzen da Lander, Oskarrek aholkuak eman ohi dizkigu, eta Anek hasieratik lagundu digu saioa patxadaz egiten. Erredakzioko Anek, edo Ainarak, edo Ziharak edo Ikerrek asko lagundu digute, asko dugu beraiengandik ikasteko.
Albisteak 2.0.011 from Albisteak 2.0 on Vimeo.
Hamaika telebista ikusi ikusten da. Horretaz jabetu gara. Orain Internet bidez, 24 orduz ikusi daiteke, munduko edozein txokotatik. Euskal Herri osoan dago ikusgai, eta horrela ikusi daitekeen telebista bakarra da gainera.
Hamaika eta Internet lotuta daude, eta horretan bidelagun gaituzte. -
Bi hitz
Letrak dantzan jartzeko asmoagaz asmatu genuen hitz joko hau. Iazko Literaturia ekitaldietan, letrak eta musika elektronikoa uztartzearren, mezu laburrek osatutako giroa sortu gura izan genuen gaztetxean.
Dantzan aritu ginen, bideoak ikusten, japonieraz errezitatzen batzuk, twitter bidezko mezuak pantailan ikusten, Gasteiztik bialdutako bidoekin dantzan gaztetxean… denetarik.
Aurten pausu bat gehiago. Musikari zuzeneko bideo irudiak gehituko dizkiogu, bideo jockey batek nahastuta.
Beta saioa 7katu gaztetxean
Eta euskal unibertsoaren jai bat antolatu zuten ikasleek Bilboko alde zaharreko gaztetxeean. Leioa da bide bakarra esaten zuten, musikaren gainetik, eta letrak dantzan jartzen saiatu ginen, musikarekin jendea mugiarazten, eta bideoak horman ikusteko aurkeztu genituen.
Hamaika telebistako Ane Zabalak irudiok grabatu zituen, eta guk Albisteak 2.0 saioan eskaini genituen biharamunean.Hemendik aurrera, Bi Hitz saio gehiago egingo ditugu, Literaturian lehenengo… eta gero gehiago… Gaztetxeetarako ekimen aproposa da. Musika eta irudiak uztartzen dituena. Eskerrik asko.
Albisteak 2.0.008 – Beats and bits from Albisteak 2.0 on Vimeo.
Gustatuko zaizu ere
Udagoieneko kultur eskaintza oparoa
Euskal Herria
Itxialdia, isolamendua eta sorkuntza
-
Geometria eta matematika, sarea eta euskarari buruz berba egiteko
Zuzeu.com agerkari digitalak urtea bete duela eta, mahai biribil batetara deitu gintuzten Lasartera.
Digitalak ekoiztetxearen egoitzara joan, eta hamaika kamera txikik grabatu zuten gure solasaldia.
Emaitza, norberak kudeatu dezakeen irudi sorta da. Soinua entzutearekin batera, ezker eskuin eta goitik behera, teklatuko gezitxoekin maneiatu daitezke irudiok.
Euskara eta Internet genuen mintzagai bertan batutakook. Eta sei zatitan eskaini dituzte bertan esandakoak.
geometria eta matematikak
Mahai hartan esandakoak, grabatuta geratu dira. 6 agerralditan daude gure partehartze guztiak. Eta batzutan etsipenezko berbak dauden arren, aurrera egiteko, hedatzeko, gehiago izateko eta hobeto jarduteko gogoetak ere badaude tartean.
Ordu bete luze hartan esandakoak batu behar izan ezkero, azken bideoan daude nire ustez interesgarrienak. -
RSS jario geolokalizatua | euskalherrian.info
RSS mapa bat
komunikazio librearen gps irekia
+ 
euskalherrian. info Euskal Herriko albiste eta berriak.
Mapa batean kokatu ditugu herrietako albistegi eta komunikazio proiektuak. Eta mapatik klik eginda, albisteen sorlekura joateko aukera dugu.
Komunikazio librearen mapa osatzen ari gara beraz, apurka apurka.
Kode irekian, modu partehartzailean, kultura librea bultzatzen… mapa honek adierazten duen moduan.
Frogatzen hasteko, kodea zabaltzen ari gara, inork bere blogean jarri nahi balu… -
zer ari da gertatzen Euskal Herrian?
Zer ari da gertatzen Euskal Herrian? galdetu dugu asteon, eta sareak damaigu erantzuna. Sarean ari da jendea idazten, sortzen, erakusten gure herrietako berri. Gure herri mugimenduetako albisteak -hedabideetan aipatzen ez diren hoiek berak- eta sareak eskaintzen digu sarelarien, blogarien, hacktibisten barri. Sarean sortzen dena erakustea du xede EuskalHerrian.info ekimen xume honek.
Sareko proiektu herritar eta libreei, bisibilitatea ematea da helburua. Bizitasuna, bisitak lortzea ekimen hoietako bakoitzak. Eta ez ordea, Euskal Herria. info berak.
Bereziki da interesgarria twitter eta facebook sare sozialetako saiakera. Berria eta teknologikoki aurreratua, RSS jarioen logikaren gainean eraikitako proiektu multimedia bat. Blogak, webguneak, argazkiak, bideoak….
Albisteak 2.0 egiten hasi ginen, baina sareko dinamikari kolorea ematea dugu helburu. Horretan ari gara astetik astera, eta benetan pozgarria da, bide horretan bidelagun asko eta asko topatzen ari garela. Hackerrak, webmasterrak, diseinu grafiko arloko kideak, irakurleak, telebista ezberdinetako profesionalak, literatura munduko adiskideak…. denetarik. Guztioi mila esker anonimo bana. Eta auzolan digital honetan, jarraitu dezagun bide berriak urratzen. Beharrezkoa da eta.
Gustatuko zaizu ere
Slavoj Zizek: “Elkarrekin baino ez gara salbatuko”
Hurrengo geltokia
visca zuek!
-
Bisiten bizitza
Bisibilitatearen erronkak gure webguneetan | sareko hauspoa
Interneten proiekturen bat duen edonork hainbat buruhauste eta kezka ditu, bisiten gainean, bisibilitatearen inguruan.
- zelan lortu bisita gehiago?
- zer egin behar da jendearen arreta erakartzeko?
- zer da zilegi egitea? Etikoa?
- euskaldunok zelan jokatzen dugu sarean….horrelakoetan?
Friki izatetik, euskara Japonen entzutera
Aurreko astean, froga moduko bat egin genuen sarean. Galdera bat bota genuen, Sustatun lehenengo eta sare sozialetan behin eta berriro.
Albisteak 2.0 frikia iruditzen zaizu? Sustatun idatzi eta elkarrizketa sortu zen.
Sare sozialetan, galderak erantzunak, gogoetak, adibideak eta elkarrizketa sortu zuen.
#basqueFREEk etiketa asmatu eta irudi/pegata moduko bat ere egin genuen.
Argazkiak.org | are you basqueFREEk? © cc-by-sa: gaztelumendiIkusgarriagoa egitearren
Helburua xaxatzea zen, kezka eragitea… eztabaida sortu ezkero, pozik. Gainera, inguruan izandako komentario batzuen inguruan be, jendearen ikuspegia jaso nahi genuen… eta eskuartean geneukan saiorako…. giroa sortzeko aproposa. Aitzakia horrekin, aurreko Albisteak 2.0 bideoak gogoratu -aste santuko nagiak astinduz… bidenabar- eta gure telebista ekimenari ikusgarritasun apur bat eskainiz. Beste munduko ezer ez, baina ahalegin apur bat. Post horren inguruan, gauza batzuk idatzi, komentatu, tweeteatu eta jendearen erantzunei so egin. Erantzunak etorri ziren, elkarrizketa sortu zen… eta ikusten genuen jarraitu behar genuela hori elikatzen.
Tagline bezala hautatu dugun esaldiak, bere indarra erakusten du horrelakoetan, baieztatu egiten da: Internet elkarrizketak dira.Bisiten gorakada
Eta konturatzen zara, ahaztuta zaituenari gogoratu diozula zertan ari zaren. Beste batek kuriositatez eman diola klik, jendearen musturraren aurrean jarritako bideoa ikusteari ekin diotela batzuk… eta azken egunetan bisitarik gabe zegoen guneak, bizitasuna irabazi duela. Bisiten bizitzari hauspoa ematen zaio horrela.
Eta sarean, gero eta tranpa gutxiago dago. Datu asko eta asko publikoak dira.
Gure aurrek saio horrek vimeon ditu erakusgai astez asteko ikustaldiak oro.- Bideoa ostiral arratsaldean eskegitzen dugu normalean, eta asteburuan ez ditu bisita asko izaten normalean. Asteburuan ez zituen 20 ikustaldi izan.
- Hurrengo astea ere, on ona ez. Tartean oporrak, ostegun eta ostiralean.. aste santuko jai egunak… 60 ikustaldi.
- Aste santu osteko egunetan beste 25 bisita gehiago. Guztira 100 bisita inguru aste arraro eta opordun hoietan.
- Friki kontuak sartu, sare sozialetan astindu, sustatun eta blogetan idatzi eta 175 ikustaldi gehiago. Badago alderik.
- Baina bideo berria jartzean eragina biderkatu egin da. Frikiak Japonekin lotu, eta frikien elkarrizketa albistegi berrira bideratzen dugu, ia oharkabean. Elkarrizketa horrek, gehiago eragiten dio horrela, gai berriari. Eta egun gutxi batzutan 200 ikustalditik gora. Eta gora egingo du oraindik… apurka apurka.
Gaia ez da punta puntako gaia. Baina ikuspegian asmatu dugu beharbada. Japoniar tematika ez da askorik landu euskaraz, baina saio ikuspegi transbertsal batetik egiten saiatu gara, murgilduz, blog ezberdinei buruz berba eginez… loturak eskaini eta loturen logikan arakatuz. Musika eta kultura uztartuz… ikusi eta ikasi gure filosofiarekin bat eginez. Frikismoa, albistegi batera ekarriaz. Beste estilo batean. Eta sare sozialetako elkarrizketa telebista saioari lotuz. Eta ikasi gura horretan, emaitzari erreparatzen diogu. Bere txikian, interesgarria egiten zaigu. Eta oraindik hobetu beharra dagoen arren… datu esanguratsuak iruditzen zaizkigu.
Aldaba jo ezean, ez dago barrura sartzerik. Jendea erakarri egin behar da gure edukietara, eta horretarako aldaba ezberdinak, ate diferenteetan jo beharra dago. Modu eta doinu ezberdinetan. Saiatuz. Saioak eginez. Bideoetako edukiak blogetan txertatzu, sare sozialetan loturak eta galderak eginez, erantzunak profitatuz… eta txapa eman barik, baina isil isilik egon gabe. Neurri zehatzik ez dago, baina beti ikasten da zeozer.
Euskaratik, beste hizkuntzetara
Eta Japoniari buruzko saio horrek, bestelako frogak egiteko aukera eman digu. Sarea baliatuz, edukia bera azpititulatu eta bestelako publikoetara heltzeko saiakera ere egin dugu. Gaiaren unibertsaltasun horrek erakartzen duen jendearengana heltzen saiatu gara. Aipatzen ditugun blogetako egileek ere, blogetan txertatu ahal izan dute gure edukia. Eta horregatik euskaraz, gaztelaniaz eta ingelesez jarri ditugu edukiok, azpititulaturik. Eta gure isilpeko nahia zena, gauzatze bidean dagoela dirudi. Japonierazko bertsioa ikusi dezakegu aurki.Gurea ez den publikoak ikusi ditu edukiok, euskaraz mintzo ez den jendeari heldu zaio, printzipioz beraiena ez den mezu edo eduki bat. Ehundaka lagun batzuk dira hoiek ere, gurera lantzean behin erakarri gura ditugunak. Gaika.
Nork esango luke? Baina bai, euskara lehen aldiz entzun duen japoniarraren hitzak irakurri, eta ahaleginak merezi izan duelakoan gaude. Gure herri txiki baina bizi hau… munduan badela nor pentsatzen baitugu horrelakoetan. Ahaleginaren ahaleginez, ezina ekinez egitea lortzen dugulako.
-
Euskal Herria eta Japoniaren arteko linkak
Link munduan bizi gara. Loturak. Harremanak. Bidaiak. Globala eta lokala uztartzen diren sasoia. Eta horregatik Ekialderen dauden herriek eta gurea bezalako kultura txiki batek harremana izan dezakete.
Gora Japon deitu daiteke hemengo musika talde bat, eta gizon probak egingo dituzte Tokyoko kale batean bitamina iragarki baterako. Alaitz eta Maiderren doinu batek sukaldaritza progama baten sintoniarako balio dezake, eta Gosek Japoneko bideoak aurkezten dizkigu sarean.
Albisteak 2.0 saio berezia egin dugu Japon eta Euskal Herriaren artekoa. Eta ikusirik gurean, zelango zaletasuna dagoen horrelako gaiekiko, bideoa azpititulatzeari ekin diogu, eta ea lortzen dugun japonierazko bertsiora heltzea. Demasa litzateke! Euskara bezalako hizkuntza batek, aukera itzelak ditu sareari esker. Telebista saio ttiki bati, Internetek mila aukera eskaintzen dizkio. Hoiek profitatzen asmatu beharra dago. Eta asmatzea, lagunok… inbentatzea ere badenez, ea aziertaten dugun.
