Larrabetzuko eskolan be, urtero ospatzen dute martxoaren 8a. Emakume langilearen nazioarteko eguna. Eskolako sarreran jarri duten hormairudian, munduko zein Euskal Herriko hainbat emakumeren biografia eta argazkiak daude. Idazleak, langileak, fisikariak… denetarik.
Hori Bai kritikoagoa
Gaztetxekoek mezu kritikoagoa idatzi eta plazaratu dute blogean martxoaren 8aren inguruan.
Zutik emakumeok!
Larrabetzun bazkaria egin dute Gure Etxeako jubilatuek. Hori da martxoaren 8an, herrian dagoen deialdi bakarra. Lagun asko batu dira bazkaltzeko, gizon eta andra.
Domekan antzerkia egon zan Angulerin, eta literaturari buruzko hitzaldia astean zehar, Irati Jimenez idazleagaz.
Irati Jimenez
Nora ez dakizun hori
martxoak 11, eguena
iluntzeko 8etan Anguleri kultur etxean.
Asteburuan jokatuko da Hori Baiko pin-pong txapelketa.
Asteburuan, zapatu eta domeka arrastian jokatuko da.
Hori Bai gaztetxea.
Larrabetzutik oinez, Pagoeta inguruan
Aurreko domekan, otsailaren 28an, Eskolako guraso elkarteak antolatuta Larrabetzutik oinez lehenengo irteera egin zan. Goizeko 10:30etan uriko plazatik urtenda, Basaras auzoa, Manuene, Belarrinagatik, ganeko depositora, Torretik barriro urira bueltatzeko. Guztira 70 ume eta guraso, giro onean, eta eguraldi ezin hobea lagun. Bezperako haizeari bildur barik, itzel ondo ibili ziren bertaratutako guztiak.
Argazki honen gainean klik eginda, domekako argazkiak ikusiko dozuez.
argazkiak: Xabi Garai
Loturak:
Telebistako lehiakideak Larrabetzun.
Ankapalu konkistatu, txuletak ezin amaitu… nok esango leuke goseak jota ibili zirenik Patagonia aldetik.
larrabetzutik.org: conquistador del fin del mundo Larrabetzun
TX mendiz
mendi
Eskolako guraso elkartean, hilero herritik ume eta gurasoentzako irteera labur bat prestatzen hasi gara.
Asmoa da, herriko auzo eta bazterrak hobeto ezagutzea, baserriak ezagutu, inguruan ibiltzen ikasi eta apurka apurka Larrabetzuko txokoan barri jakitea.
Horretarako, hilero ibilbide labur bat prestatu dogu, eskolako umeakaz egiteko modukoa.
Lehenengo ibilbidea datorren domekan, otsailak 28, egingo dogu.
Goizeko 10:30etan plazatik urtengo gara.
Hamaiketakoa egiteko zeozer eroatea komeni da.
Ordu beteko ibilibidetxo bat egingo dogu, hamaiketakoa eta ordu erdiren buruan barriro uriko plazan.
Guraso elkartea : : Larrabetzuko eskola
Invictus Hori Bai gaztetxeko zineman
domeka arrastian
Nelson Mandela eta rugbya. Nazio bat ekipo bat lema hartu, eta baltzak eta zuriak alkarregaz rugby selekzioaren alde jarriko ditu Hegoafrikako presidente hautatu barri Mandelak.
Kartzelatik urten, eta aldaketa itzela. Hauteskundeak irabazi eta biziza berri bat apartheid osteko Hego Afrikan.
Aurreko astelehenean Guardia Zibilak Larrabetzuko herritarrekaz eukindako jarreraren ganean, iritzia emon deure Iturrikoetxeko bizilagunek.
Herrian zabaldu deure euren salaketa, euskaraz eta erdaraz.
Iturrikoetxe 1eko auzokideok hurrengoa salatu nahi dugu:
larrabetzutik.org : Contra la ocupación militar
Esan Larrabetzu : Okupazio militarrik ez! Pleno deialdia eta mozio proposamena
Otzara : Comunicado Iturrikoetxe 1
Jon Arretxe idazle eta bidaiari ezaguna da.
Euskal idazleen artean, bidaia liburu gehien dituena da basauritarra.
Oraingoan bide laburra egingo du, Anguleri kultur etxean emotekoa dan hitzaldian.
Xahmaran nobela baltza hartuko deu hizpide Arretxek.
Istanbulgo etxe otomano hondatu bat bizileku, gurpildun aulkian preso, Kawa-ren amak egunero ekartzen ditu gogora Ararat mendipeko edertasunak, kurduen leiendak eta leku sakratuak, eta han hil zizkioten senar eta bi seme gerrillarien oroitzapenak. Bien bitartean, eta amaren ezkutuan, jendea akabatzea du Kawa-k ogibide, beti ere enkarguz eta arrazoiak ezagutu gabe.
Baina ohikoak ez bezalako hilketa baten ondorioz, gauzak gaiztotzen hasiko zaizkio Kawari, larritasuna jabetuko da berataz eta bere munduaren oinarriak pitzatzen hasiko dira. Bere ama zahartu eta ezinduarengatik ez balitz, alde egingo zuen Alemaniara, geratzen zaizkion anai-arreben bideari jarraituz. Izan ere, Xezal, etxeko alaba bakarra, eta Baran, anaia nagusia, Munichen daude aspalditik, xenofobiaz kutsatutako gizartean bizirauteko ahaleginetan, nor bere erara.
Jon Arretxek ohikoa du bere liburuen bidez beste kultura batzuk erakustea, irakurlea urruneko eta ez hain urruneko hirietan zehar eramatea, bidaia-gidetan agertzen ez den errealismoa eta giza alderdia landuz. Nobela beltz honek Istanbul eta Munich ditu kokaleku, desberdintasun guztien gainetik harreman estua daukaten bi hiri. Aberri lapurtuaren grina, biziraupenerako borroka, idealak eta desengainuak… hori eta gehiago daXahmaran, ohoretik desohorera doan bidaia.
Xahmaran, Jon Arretxe. Erein argitaletxea.
otsailak 18, eguena 8etan
Anguleri kultur etxean
Otsailaren 15ean, astelehenez Guardia Zibilak Larrabetzuko Iturrikoetxe auzo osoa hartua izan zuen arrasti osoan.
Arrastiko 15:00etan agertu zirenetik eta 21:00ak pasatuta herritik joan ziren arte, Larrabetzuko Lehenendakari Agirre kalea trafikora itxita -ibilgailuak, Bilborako autobusa eta ehundaka auzokideen bizileku eta aparkaleku- umeen jolas parkea eta etxebizitzetara joateko eragozpen eta debekuak.
argazkia: elcorreo / luis calabor
Iturrikoetxeko etxe baten atea indarrez apurtu eta miaketa egin zuten bertan. Miaketa hutsean geratu zen, ez zutelako bertan inor aurkitu. Guardia Zibilek baina ezin euren gaitasun eskasa nabarmen utzi, eta etxez etxe aritu ziren bilaka. Iturrikoetxeko atari osoa miatzeari ekin zioten. Goitik behera. 5 pisu eta hiruna ate… guztira 15 etxebizitza, ganbarak eta lonjak be miatu zituzten, banan banan eta epaitegiko agindu barik.
Kanpoan bitartean, jende mordoa begira, zain, urduri eta artega. Arrasti guztia Larrabetzuko Iturrikoetxe auzoa militarki hartua. Uniforme ezberdinetako poliziak bertan. Kasko gorriagaz batzuk eta militar berdeak besteak.
Gaur herri batzarra eta mobilizazio deialdia 19:00etan plazan.
