larrabetzutik
Larrabetzutik Euskal Herrira
-
Literaturia aurkeztu ostean
Bilbo. Kafe antzokia.
Eguerdiko 12etan hitzordua lagun, kulturgile eta prentsaekin.
11.30etan bi, gero hamabi. Hainbat ezagun, herrikide eta kazea
prentsaurrekoa hasi, hiru hizlari.
Literatura Eskolako Gotzon, antolatzaile moduan.
Guraso Elkarteko Ines, ume eta gazteentzat egindako lana.
larrabetzu.org saretik ni neu, blogak/letrak aurkeztu eta sareari buruz apur bat ekiteko.
Gugaz batera herriko liburuzaina, beste guraso bat eta batez ere kulturgile eta euskalgintzako lagunak.Prentsa idatzia kubritzeko Berria eta Gara. Oso ondo. Korniketan ondo islatu da guk esandakoa.
Hamaika telebistakoek aurkezpena grabatu eta zerbait bota behar dute gure herrian ikusten ez den telebistan.
Nontzeberrirako kronika egin du Juanra Madariagak.Beste medioren bat ere egon da.
Non dago eitb? euskara hutsez egingo den Euskal Herriko lehen azokak ez du garrantziarik mediko publiko euskaldunarentzat?
Irrati publikoak, telebistak, eitb.com atariak ez du deus esango herri txiki batek auzolanean antolatu duen euskarazko literaturaren inguruko asteburuari buruz?
Argazkiak.org | blogak & letrak © cc-by-sa: gaztelumendi
Badakigu, egunotan dana da Athletic, dana da PatxiLopez… baaina gero ez gaitezen euskaraz, kulturaz, hontaz eta hartaz kezkatu…. aupa athleti, gora eitb! -
Gure herrian
zer ez den antolatzen. Bertso eskola, gaztetxea, literatur irakurleen kluba, hirugarren adineko gimnasia, txirrindulari frogak, mendi karrera herrikoi bat, afari eta bazkari ugari, jaiak franko… eta aspaldion gazteenak skate gainean dabiltza. Ikasten ari dira, eta lau txirrinka eta egur baten gainean zer egiteko gai diren erakusten digute, kalean bertan. Libre.
Ikasi bakarrik ez, herritarrontzat bestelako ekitaldiak antolatzen be hasia da Sk8la.
Asteon bideo proiekzioa dago gaztetxean, bariku arrastian.
Argazkiak.org | sk8la Bideo proiekzioa © cc-by-sa: gaztelumendiSk8lan lagunak ditut, guraso eta gazteak. Dinamika polita iruditzen zait sortu daitekela honen inguruan. Kirola da, kalekoa, librea. Modernoa eta merkea. Herritarra edo popularra zelan esan. Markek garrantzia handiegia duten arren, badago eszena underground bat ere. Musikarekin, kaleko artearekin ere harreman polita dago skate munduan. Eta horrek gehiago erakartzen nau. Egur gainean ez naiz etxeko abilena, baina laket dut nik ere lau txirrinkaren gainean ibiltzea. Eta sk8lakoei normalean dieinuak eta bloga egiten laguntzen diet. Eginez. Irudia, komunikazioa.
Bart, blogeko goiburua grafitteatu nien. Sprai batekin banengolez, photoshopen margotu nien gainetik, eta beste irudi batzuk gehitu…
Argazkiak.org | header bat grafitteatzen © cc-by-sa: gaztelumendi
Sareak aukera asko ematen ditu. Ikusten dituzuen skater hoiek, letrak dira, sarean topatutako tipografia batekoak. Rodrigo Germanek sortutako skate tipografia bat da. -
blogak eta letrak Literaturian
Ekaineko lehen asteburuan Larrabetzu literaturia bilakatuko da. Literatura, liburuak, letren inguruko uria izango da gurea.
Interneten inguruko kontuak be egongo dira, baina hoiek Internet bidez antolatzea pentsatu dugu: blogak & letrak
Argazkiak.org | blogak & letrak © cc-by-sa: gaztelumendiHorregatik, egitaraua, hizlariak, mahainguruak, musika proposamen asko egiteke dago oraindik. Guztion artean egin asmo ditugulako. Idazle blogariak gonbidatu, blogetako irakurleak erakarri, kazetariak deitu, literaturzale blogileak ekarri, musika pintxatu, liburu elektronikoaz galderak pausatu, bideoak editatu…
Orain arteko sareko ekimenak
Partehartzailea eta irekia behar du blogak & letrak ekitaldiak. Orain arte, blog&beers egin dugu herrian, basquecamp bat antolatu dugu eta orain blogak eta letrak ditugu helburu.Literaturia
Literaturia Literatura Eskolaren ekimen bat da, herriko elkarte, gaztetxe eta enparauekin batera antolatua. Ekainaren 5, 6 eta 7an Larrabetzun gauzatuko dena.
-
Euskarazko film laburrak, eta gurean?
Urtero bezala Topaguneak iragarri du Film laburren zirkuitua. Aurten Euskal Herrian ez ezik, Bartzelonan, Erroman, Londonen, Parisen eta Shangain ere ikusgai izango dira euskarazko laburmetraiak.
Seigarrenez emango dituzte pelikulok. Eta gurean, barriro be filmerik ikusi barik.
Euskara elkartea eta gu
Ez dakit, baina uste dut gurean euskara elkarteak edo ez duela jasotzen Topagunearen berri, edo euskara elkartea zeri begira dagoen… egia esan, elkarteari buruzko informaziorik be ez dogu jasotzen aspaldion bazkideok.
Ez dakit kuota kobratu be egiten ote doskuen. Baina tira… beste kontu batzuk dira horrek. Herri mailakoak, baina…Kontua da, aurten be oso filme interesgarriak egongo direla zirkuituan, eta gure herrian ez bada be, alboko herriren batera jo beharko dogu euskarazko eskaintza jasotzera.
Zorionak Topaguneari, jendeari horrelako eskaintza plazaratzeagatik. Filmeak, kalitatezko ekoizpenak, zirkuitu alternatibo euskalduna, kontzertu eta emanaldi apalak… horrek guztiorrek merezi du eta.
- Topaguneak plazaratutako esku programa hemen ikusteko moduan dago. Filmeak, zuzendariak eta herrietako programazioa.
Klik eginez ikusteko moduan.
- Topaguneak plazaratutako esku programa hemen ikusteko moduan dago. Filmeak, zuzendariak eta herrietako programazioa.
-
HautEZkundeak 09 edo indabak zelan gurago
Hemen egunero dira ospatzen hauteskundeak. Beti gaude kanpaina, beti hautagai, politikari eta enparauak gurean, medioetan, kalean, bizitzan.
Sukalderaino sartzen zaizkigu.
Baina hemen, hauteskundeek ere behera egiten dute. Abstentzioari erreparatuta, ematen du, gogoa piztu barik, ilusioak amatatzen ari dela politikagintza ofiziala.Indaba jana
Herrian indaba bazkari ederra egin genuen atzo, hauteskunde eguneko momentu politena, zoriontsuena… aberatsena izan zen.
Txokoko sutondoaren epelean, goizean zehar putxera batean prestatutako indabak, txorizoak, mortzillak, saiheskia… errioxako ardoa. Lagunarte ederra. Eta bazkalosteko tertulia.
20 lagun mahaiaren bueltan. Pozik, irrifartsu.
Mahaian jezarritakoetatik lau ginen Larrabetzun sortuak. Beste guzti guztiak herrira bizitzera etorritakoak. Adin guztietakoak.
Ematen du pozik daudela gurean, tokia egiten. Dozena erdik gainera, lehen aldiz edo bozkatzen zuten herrian…
Eta pozik mahaiak eman zuenarekin. Emaitza ona platerekoa.
Sua amatatu genuenean, inguru guztiak garbitutakoan uriratu ginen berriro ere, nor bere zereginetara, eta gai nagusiari lotzera berriz ere.
Indaben ordez bozak. Pozak.
Larrabetzuko emaitzak ez dira asko alderatu gainontzeko Euskal Erdiko bozetatik. Gurean be, txakurrak ortozik. -
Esait 2.0
Euskal Herria, nazio bat selekzio bat
Badira hilabete batzuk selekzioaren gaia pil pilean dagoela inguruan. Gaurko deitu zuten -deitu baino filtratu, gogoan baduzue- Euskadi Iran partida.
Ondo gertutik jarraitu dut afera hau, iraila hasieratik Esaiteko lagunekin elkarlanean aritzeko aukera izan dudalako. Larrabetzun herriko kirolariekin batera, eta nazio mailan Esaiteko arduradunekin, Interneten ere selekzioaren adleko aldarrikapena zelan garatu aztertu eta gauzatzen saiatu gara hileotan.Eskura sareko tresnak baino ez. Aurrekontua 0. Eta gogoa bai, baina esku gutxi aidanean.
Komunikazio plangintza bat egin. Eta saiatu gara uztartzen futbolari eta kirolarien mezua, herrietako kirolari eta kideen eskaera eta sarean gureari lekua ematen.
Tresna sozialak baliatu ditugu batikbat: Facebook, twitter, bloga, bildu.net, zabaldu.com eta jendearen partehartzea bultzatu. Kirolariena batetik, kirolzale eta euskaltzaleena bestetik.
Gaur tamalez, ez da partidarik izango. Kirolari eta Euskal Herriaren aldeko borondatearen kontra, Euskal erdia momentuz kudeatzen dutenek ezetz erabaki dutelako. Zer presio izan diren agertuko da aurrerantzean prentsan, baina zenbait kirolarik bizitakoa… uffa! Hala ere bejondeiela euskal taldeetako kirolariei, historikoa izan delako beraiek egindako. Euskal Herria zer den, Euskaltzaindiako kideek baino hobeto barneratu dutelako. Eta hori zelaian agertu gura izatearren, sekulakoak eta bi entzun badituzte ere.
Hala ere, sekulako gola sartu diete Sabinetxeako mitxelinei.
Mapa batean daude geolokalizatuak, orain arte herriz herri egindako selekzioaren aldeko aldarrikapen eta agerpenak. Argazki eta puntua gehituta.
Larrabetzu Euskal Herria
Pasa dan barikuan, herrian egin gendun argazkiak ere bat baino gehiago hunkitu zuen. Herriko futbolari eta pilotariak ziren han, adin guztietakoak, eta etxez etxe ari da zabaltzen eta hedatzen orain argazkia bezala, datorren larunbatean Bilbon antolatu den manifestazioko deialdia ere.
-
…danak ala inor ez!
Aurreko asteburu batean gertatu zen gurean. Udalak kartelak jarri zituen euskaraz eta gaztelaniaz ETBk ekoiztutako Go!azen filme musikala pantailaratzeko. Anguleri kultur etxean zuten zita, herriko gazteenek.
Telebistakoen gomendioz, 10 urtetik gorakoentzat aholkatu edo gomendatua. Gurean, gomendioa arau. Udalak 10 urtetik beherakoak ez sartzea erabaki zuen. Kontratatutako begiraleek, hori bete beharra zuten.Heldu zen eguna. Arrastian ume mordoa kultur etxeko atarian. Eta begiraleak zaindari. 10 urtetik beherako umerik ezin dala sartu. Ez zen espazio faltagatik. Alkatearen agindua omen. Eta bete beharra zutela. Eta gehiago ziren kalean 10 urtetik beherakoak ostantzekoak baino. Nagusiagoek baina, txikiak ere sartzea eskatu zuten. -Danak ala inor ez! esan omen zuten.
Eta kontratatutako begiraleak -herrikoak ziren?- dudamudatan. Aginduak betetzeko zeudela han. Eta duda mudatan ibili ostean, baietz, gazteagoak be sartuko zirela…. 9 urtekoak.
Orduan 10 urtetik gorakoak, hasarre… kanporako bidea hartu zuten. Edo herriko ume guztiak sartu edo badoazela funtziotik.
Eta danak sartu ziren. Larrabetzun txikitxuterik errebelde. A ze lezioa, kontratupeko kulturari, gomendio-aginduen kulturari, Tomasadei.
Danak ala inor ez, bada Mikel Laboaren kantu bat be. Bada Mak taldearen bideo honen titulua be, gure herriko gazteenei eskainia. Aire ahizpak eta MAK alkarregaz, musika, sua eta irudiak.
-
Astea zelan badoan
Asteon idatzitako apunteak garbira pasatzen
Blog guztiak irakurrita daudenerako ari naiz berbok idazten. Bazkal aurretik, eta etxeko une lasai bat profitatuz. Ez dira asko izaten gurean, eta horregatik azkar azkar idatzi beharko ditugu bota beharrekoak.
Asteak joan asteak etorri, blogak badirau. Laster dira zenbait urte blogari ekin niola, eta perspektiba horrekin idazten ditut orain honek kontuok. Batzutan bape lotsa barik, beste batzutan ardura gehiagogaz… baina beti badago zer kontatua. Zertaz jardun. Zeri egurra emon. Eta zergaitik iritzia emon. Hori du blogintzak. Eremu librea da, eta askatasuna maite dugunok… ezin lehertu barik iraun.
Musikari erreparatzen
Egia esan, eta atzera begira, egun hauek musikero itxura hartu dute. Bideoak, kantuak, aipamenak, elkarrizketa musikala… ezin afizioari hutsik egin. Durangoko azoka etorri dator, eta aprobetxatu egin behar da musikaren olatua ere. Irrati komertzialetan bezala, gurean ere gora egin du musikak egunotan. Baina ez da dana musika gurean, badira beste kontu batzuk be.irratia.com gogotsu
Bistan denez, esku artean ditugun proiektuen artean, ezagunena eta potenteena irratia.com da, duda barik. Ikasturtea gogoz abiatu dugu, eta elkarrizketa onak egin ditugulakoan gaude. Aurreko astean Fermin Muguruza gonbidatu genuen gurera eta asteon gu joan gara gonbidatu Tagzaniara. Ferminek bere grabatzeko estudio mugikorraren berri eman bazigun, gu gitxiago ez, eta gure estudioa mundura atara dugu.
Maletak hartu eta hor goaz, mundua ezagutzera. Zuzeneko emanaldi bat eskaintzera, Internet bidez. FM bidez. Tagzaniako hiriburua Eibar da. Eta bertaratu ginenean zain genituen tagzaniarrak. Luistxo Fernandez, Gari Araolaza eta Mikel Lizarralde. Guk gure trasteak motxiletatik atara eta mahai gainean jarri genuen gure tresneria guztia -gutxi egia esan, mahai txiki bat, cd erreproduktore bat, bi mikro eta ordenadoreak- eta wifi bidez skype erabilita konexioa egin genuen Bilbo Hiria irratiko estudioarekin. Bat, bi eta hiru. Sintonia jarri eta zuzenean….
Argazkiak.org | Irratia.com Tagzanian © cc-by-sa: garaolaza
Tagzania berria sarean jarri zuten bezpera gauean, eta eibartarren lehenengo elkarrizketa zen. Mamia bazegoen. Gaiak ordea askorako ematen du, Tagzaniatik hasi -mundutik- eta gure ingurura hurbildu ginen apurka apurka, mapak, gps-ak, blogak… denetarik. Berbatarako hiru aditu. Hiru lagun atsegin moldatu zirenak. Entzuleena da hitza orain.
Entzun gura izan ezkero, hemen duzue saioa:
Albistea Indian dago ordea
Eibartik lanera, lanean lanekoak eta etxera buelta. Egun normala. Euskal Herrian bederen. Goizero eskolako atean agurtzen dudanarentzat ordea, bestela dira gauzak. Jarri zuen burua une batez Indiako hotel bateko jatetxean. Jaione eta Karmelo afaltzen ari dira. Euskal Herritik Indiara joanak, lehen eguna bertan. Afaltzen ari direla tiroka hasi dira batzuk, lehenengo hildakoak, odola, eskuko granadak, leherketa gehiago. Kontatzen dutenez, handik, hoteletik ihes egin eta azpikoaldera joatea lortzen dute. Hotel baten azpiak, bestearekin lotzen du. Eta handik parking batera. Beraien lagunak hotelean geratu dira, harrapatuta. Ezin ihes egin. Parkingean bueltaka eman dute gaua, eta gero ezagun batzuen etxera edo. Goizez berba egin dute Euskal Herriko irratiekin. Osteguna da Euskal Herrian.Zerbait aditu dut goizean dendan, ez dut elkarrizketa osoa harrapatu ordea. Ez dakit zertaz ari diren. Mumbai albiste da nonbait. Sarean dena dator kontatuta. Irudiak, bideoak, kontaketak. Indiako demasa izan da. Bi larrabetzuar bertan. Bi lagun. Bi auzokide. Larrabetzuko blogetan be aipatzen da kontua.
Horrelakoetan barruak buelta ematen dizu. Pelikula. Atzo goizean agurtu duzuna, munduaren beste aldetik ari zaizu hizketan irratian. Herriko hizkeran. Bere berbek oihartzun egiten dizute etengabe, Interneteko play horri sakatu…eta ezin sinestu gertatutakoa. Ezin lotu. Argazkiak, kronikak, irudiak… sinestezina.
Larragetxo sound
Musika jarri lasaitzeko, musika entzun burua beste zerbaitetan jarduteko. Egunkariak irakurri. Sarean ibili. Twitter mezu laburrak kateatu. Baina ezin. Hegazkina noiz iritsiko. Noiz dena baretuko. Herrian beste berbagai bat hartu beharko. Kasurako, gaur kontzertua dago gaztetxean. Erromoko talde gazte batek, 15 urte betetzen ditu. Gazte? Oraindik bai. Izenik ez. Gurean ospatuko dute. Larrabetzuko Hori Bai gaztetxean. Ondoan izango dituzte Alproja taldekoak. Aspaldi desagertuak. Errautsetatik baina, garai bateko kantuak aurkeztuko dituzte, barriro be. The Clash taldearen bertsio orijinalenetako bat, 90. hamarkada hasierako rock algortarra. Larragetxon gaude baina. XXI mendean.Astea zelan badoan, gogoetarako tarte gitxi. Iritziak biharamuneko kafearekin urtzen dira. Solasaldiak astun. Berbak ez ditu baina haizeak eroango. Keinu bat nahikoa izango da guztia ulertzeko. klik. play. off.
-
Gabriel Aresti gurean
Ez da besterik entzuten gaur. Irakurri ditut paperezko egunkariak, irakurri ditut blogak, entzun irratia… ta badirudi Arestiren eguna dela Gorka Arresek efemeridei begira proposatutako egun hau. Badu gaitasuna Susako editoreak. Bejondeiola.75 urte Gabriel Aresti Segurola jaio zela.
Gurean ere, jaio nintzen urteko urteberri egunez egin zuen bezala, Gabriel Hori Bai gaztetxean izango da. Orduan hitzaldia eman zuen. Eta kantatu egingo zuen beharbada. Anjel Zelaietak kontatuta dakigu Foteri tabernan mortzilak afaldu zituztela Melik, Gabrielek, Anjelek eta Maribelek.
Gaur Gabriel Aresti izango da gurean. Koldo Izagirre mintzatuko da poesia mailu bat dela idatzi zuenari buruz. Joseba Tapiak soinua jarriko die poetaren koplei. Orain ere egiten dituen bezala. Poeten koplak, poemak, idatziak kantu bihurtzen iaioa da Joseba. Eta gaur ere, gozatua hartuko dugu beragaz, herrian, gaztetxean.
Arestik herrian irakurri erakutsi aurkeztu zuen poema sarean jarri dugu gaurko egunez. Liburu batetik ekarri dugu. Liburu hura baina, poesia argitaragabea zen ordurarte. Bizirik dago orain Aresti guretzat… horrenbeste urte geroago.
Eskerrik asko Gorka, Karmelo, Josu, Joserra, Koldo, Joseba…. bagara herri. Bagara zeozer.
-
Biba zu Eric! edo zelan izan Patakon XXI. mendean
Entzungo zenuten. Gu twitterzaleok, txio txioka albisteak elkarri trukatzen aritu gara. Eric Duran gure Patakon berezia. Bartzelonako ekintzailea da Enric, eta sekulakoa liatu du.
Bankuz banku, kredituak eskatzen eta ez ditu ba ia 500.000 euro eskuratu… orain kapitalismoaren kontrako mugimendu eta elkarteetan banatzeko! Biba zu!
Webgune bat sortu dute guztia azaltzeko.
Bartzelonatik azkar abiatu da albistea mundu osora, eta asaldatuta daude sistema hau justifikatu, bultzatu eta loratzen duten kazetari, bankari, bulegari, ekonomia aditu eta enparauak. Biba zu Patakon!Finanzas.com: Un activista antisistema logra “expropiar” 492.000 euros a 39 bancos
El Mundo: Un antisistema logra 492.000 € en créditos y dice cómo hacerlo antes de huir del paÃs17-s.info Irailaren 17rako prestatutako ekintza berezia izan da, argi itzalketa planteamendu bategaz batera.
Bartzelonako indymedia ere informazio mordoa eskaintzen ari da. Bertatik jaso daiteke argitaratu duten aldizkari bereziaren pdf-a adibidez.
Berriak asko poztu nau. Arretaz irakurri eta ekintzaren sofistifikazioa, pazientzia, estiloa eta oihartzunaz jabetzen ari naiz. Enpresa bat sortu, enpresaren izenean gestioak egin, dena ondo ondo kudeatu. Erosketak, salerosketak, soldatak, nominak, hazienda… dena kapitalari ostiko handi handia emateko. Handiagoa izan zitekeena, gainera.
Ekintza polita eta ausarta dudarik gabe. Irakaspen ona Enric Duran eta atzean daukan kolektibo osoak egin duena.
Niri egia esan, Larrabetzuko Patakon ekarri dit gogora. Globalizazio garaian baina, Internet bidez jakingo dugu horrelakoen berri. Banketxeetan pistola eskuan lapurtu barik, aberatsen etxera sartzen ibili barik, kudeaketa elektroniko hutsa aski da, finantza munduen iruzurra agerian uzteko. Gu enpufatu gura gaituztenak, agerian geratu dira oraingoan. Eta ea zer dioten bertsio ofizialek.
albistea zabaltzen hasi da euskal blogosferanPatakon-eri buruz gehiago jakin gura baduzue, hona hemen Joseba Agirrezkuenagak gure herriko jende nagusia elkarrizketatuta, testigantzak hartu eta egindako ikerketa lantxoa. Pdf artxiboa da. Oso oso interesgarria.
