-
#Egunkaria libre saio berezia irratia.com emankizunean
2008ko otsailaren 20an, bost urte atzera.
Guk ere, irratia.com emankizunean zeozer berezia egin gura genuen. Egin gura eta egin. Andoain, Bartzelona eta Bilbo lotu ditugu irrati bidez, eta gure uhinak zabaldu eta gure irratsaioa mundura zabaldu dugu.
Emankizu berezia izan da. Andoaingo ekitaldiari buruz berba egin digu Juan Luis Zabala Pipi kazetari eta idazleak; Bartzelonako ekitaldiak eta elkartasuna izan ditu hizpide Jon Elordik, eta Bizkaian antolatu direnei buruz berba egin digu Gotzon Hermosillak.
Sarean Egunkariaren aldeko elkartasunak izan duen oihartzunaz be mintzatu gara.
Kauta, Conxita, Ruper Ordorika, Hertzainak… izan ditugu entzuteko. Kantu hautatuak. Horretan ere fin ibili da Ibon gure teknikari eta argazkilaria.107. saioa entzun gura baduzu:
[audio:http://bilbohiria.com/docs/podcast/irratiacom/irratiacom080220.mp3] -
Zaindu maite duzun hori #Egunkaria libre!
Kantu hau entzuten dudan aldiro, Euskaldunon Egunkaria etortzen zait burura. Badakit, Ruper Ordorikak ere, sasoi horretan sortu zuela kantua. Bost urte igaro dira, baina hutsunea nabarmena da.
Gaur beraz, kantu bat, hutsune hori betetzeko. Kantu hau, 5 urteotako zuloa estaltzeko. Kantu bat minari eusteko. Kantu bat, negar malkoak lehortu, eta ukabilak zabaldu eta idazten jarraitzeko.
Egunkaria libre! ozen esaten dugu. Gaur eta hemen. Larrabetzun, Andoainen, Bilbon, Euskal Herrian.
Technorati: Egunkarialibre!
