• agit/prop,  covid19 | koronabirusa,  gaztelumendi.eus,  hurrengo geltokia,  i+g,  ikusi eta ikasi,  teknologia berriak

    [ leihotik mundura ] 20:20

    Komunikazioa.
    Komunitatea.
    Gure leihoek hori erakutsi digute. Krisi sakon honetan, leihoak eta balkoiak bilakatu dira komunikazioa eta harremanen ordezko. Nola gauden ikusteko, arnasa hartzeko, lagun eta auzokideekin hitz egiteko, eta munduari gure berri emateko.

    Leiho teknologiko bat ireki dugu, sarean. Komunikazioa lantzeko, teknologia berriak (bideoak, streaming-a, txatak, sare sozialak) baliatuko ditugu.
    Gorka Julio Teketen eta biok hizketan hasiko gara, baina elkarrizketak ireki eta gonbidatuak izango ditugu gure kanal honetan.
    Ekonomia, kultura, krisi honi buruzko kontuak, kezkatzen gaituzten gauzak hartuko ditugu hizpide.

    Osteguna, apirilak 16
    arratsaldeko 20:20ean
    [ txaloen ostean ]

    leihotik mundura 20:20

    Zu ere gonbidatuta zaude.
    Komunitatea.
    Komunikazioa.

    etzi.pm

  • gaztelumendi.eus

    15 urte hemen idazten, esaten, aldarrikatzen, entzuten, pentsatzen

    2004ko abenduaren 3n sortu nuen nire lehendabiziko bloga.
    Eta geroztik, lantzean behin; batzutan sarri, maiz gutxi, eta ahal dudanero botatzen ditut nire aldarri kezka eta burutazioak hemen.
    Bloga zen, webgunea da, irudia hitza soinua bideoak txioak… sartzen ahal dira hemen.
    Garai batean feed back ugari zegoen, parte hartzea esaten genion.
    Gaur gehiago da artxibo digital bat, izatekotan.

    • Nire bizitzaren herena hemen dago. Garai honetan. Eta maite dut.
    • Adierazpen askatasuna lantzeko tresna izan da niretzat. Horretan dihardut.
    • Eskerrik asko inoiz irakurri duzuenoi, besarkada bat idatzi izan duzuenoi, eta musu bat guztioi, maite zaituztet oraindik!

  • gaztelumendi.eus

    10 urte blog honetan

    2004ko abenduarekin, neguaren atarian abiatu zen proiektu hau.
    Hasieratik informazioa, iritzia eta trukea lantzeko asmoarekin. Diseinua, irudia, software librea, ideia berriak eta eztabaida sustatzeko gogo itzelarekin.
    Garaian garaiko teknologiak, aukerak, tresnak ezagutuz eta frogatuz… urtez urte, aroz aro… lekukotza digitala ematen, uzten.


    Argazkiak.org | gaztelumendi.org zaharra © cc-by-sa: gaztelumendi

    2004ko abenduko sarrera batzuk, oraindik gordeta daude behin eta berriz eraberritutako artxibo digital honetan, gaurko gaztelumendi.org proiektuan.

    Argazkiak.org | Egunkaria libre! © cc-by-sa: gaztelumendi
    Urtebete lehenago Egunkaria itxi zuten. Ez zen aspaldi egin eta egin irratia indarrez itxi zituztela. Egunkaria eta egin irratian lan egin nuen. Adierazpen askatasuna eta informazio eskubidearen kontzientzia banuen, tresna berriak behar genituen. Sortu beharra zegoen.

    gazte10mendi

    WordPress

    Lehen egunetik, lehen hitza argitaratzeko unetik wordpress software librearekin sortu eta garatu da proiektu hau. Hasierako konfiantza areagotu besterik ez da egin bertsioak ezagutu ahala. Gaur egun sarean edukiak modu erraz batean kudeatzeko dagoen tresnarik aproposena da wordpress. Mundu osoan edukiak lantzeko gehien erabiltzen den baliabidea. Librea eta komunitate handi batek garatua eta hedatua.
    Gurean gainera, euskaraz ere bertsioz bertsio gero eta errazagoa, erabilgarriagoa eta txukunagoa.
    wordpress
    Hasierako hautua, aproposa, ondo aukeratua eta estrategikoa suertatu da. Gerora, makina bat gune sortu ditugu inguruan wordpress baliatuta.

    2004ko artxiboak berrirakurrita, orduko apustuaren arrazoien indarra, eta asmatu izanaren ostea ditut orain begiko.

    Bitakora osatzeko urratsak

    Bitakora edo blog hau egiteko WordPress erabiltzen ari naiz, edukien kudeaketarako, eta batipat blogak egiteko dagoen software librean den programarik onenetakoa, aproposena bai behintzat. Une honetan euskaratze prozesuan dago programa bera, eta laister, gune honetako interfaze guztiak ere euskaraz irakurri ahalko dituzue.

    WordPress oso erraza iruditu zait. Erabilterreza. Aukera asko ematen ditu. Estiloei dagokionez adibidez, aukera asko eskaintzen ditu; css-etaz ezer ez dakienetakoa nauzue, baina Alexking adituaren gunean, estilo ugari ikusi ditut, eta gune honetarako WordPress css lehiaketan bigarren postua erdietsi zuen Rubrick estiloa hautatu dut. Denborarekin aldatuz joango naiz beharbada… ikasiaren podasuz.

    @iPtx
    Eta 10 urteotan asko idazteko aukera izan dut, erantzunak jasotzeko ere bai. Blogaren inguruan, teknologia berriei buruz aritzeko beta izan dut hemen eta han. Gauza asko ikusi, komentatu, eztabaidatu ditugu hemen berton. Gorakadak eta beherakadak izan ditu blogintzak orohar, eta neureak ere. Baina artxibo digital eroangarriak dira, gauzak idatzi, gorde, zabaldu, garatu, ikertzeko aukera paregabea eskaintzen dute, eskaini didate.
    Informazio eta iritzi trukerako (EZtaBAIda) artxibo digital eguneratu bezala ikusten ditut nik oraindik. Eta horretan murgiltzeko asmoa daukat aurrerantzean.
    Ikasteko eta garatzeko aukera paregabea direnik ezin uka. Umeak ikusten dituzu eskolan, zeinen errez baliatzen duten. Elkarte mordo bat, gurean ere badiren komunikazio proiektu herritarrak, alderdiak, herri mugimenduak…. eta pozteko arrazoiak besterik ez daude.
    10 urteotan, hori guztia garatzeko aukera ere egon delako. Edukiak eta jakintza partekatuz, bestelako informazio eredu bat landuz, irekiagoa, herritarragoa libreagoa.

    Ilusioz eta proiektuz betetako urteak


    Argazkiak.org | irratia.com basque digital radio © cc-by-sa: gaztelumendi
    IRRATIA.com proiektua abiatu genuen JAbi Zabala eta biok 2000ko azaroan. Sputnik bat bezala abiatu ere, gogotsu. Ilusioarekin. Internet faxaren lineatik konektatuz, Internetik ez zegoen irrati libre batean. Zuzenean emankizunak eskainiz, elkarrizketak eginez, txat kanalak irekiz, nazioartean saretik elkarrizketak lortuz, komunitate bat eratuz…. ilusioa…. gogoa, ikasteko gogoa, grina. Kazetaritza eredu berri bat, informazioarena, hizkuntzarena eta kultura digitalarena.Podcast berba da garai horretatik gogoan daukadan. Eta Arrosa sarea, eta Bilboko irrati libre eta euskaldunak. Eta beste irrati eta medioekin izandako harremana…

    Argazkiak.org | irratigintza euskalduna © cc-by-sa: gaztelumendi
    www.irratia.com
    DeLoReaN taldeko Ekhi elkarrizketatu genuen azken saioetako batean:
    [audio:http://bilbohiria.com/docs/podcast/irratiacom/irratiacom100517.mp3]
    ….//…..
    Literatur Emailuak
    2002ko urtarrilean eposta bidez Literatur Emailuak egiteko ardura hartu nuen Susa literatura argitaletxean. Sareko lanak, literaturaren inguruko agenda, berriak eskaintzen hasi ginen. Gerora astero astero jarraitu dugu Emailua igortzen. Lotu barik. Sarean erreferentzia bilakatu da. Proiektu berrien bultzatzaile eta kudeatzaile aparta da armiarma.com egun. Lantalde itzela inguruan, langile porrokatuak, literatura ezer baino gehiago maite duen jendea, jarraitzaile asko nonahi, onarpen zabala, eta sareko erreferentzia gure kulturan. Denborarekin, Literatur Emailuen artxiboa bloga bilakatu zen tresna moduan, agenda, efemerideak, liburu osoen loturak, albistegi digital… denetarik du orain formatu berrian.

    albisteak 2.0
    Ikusi eta ikasi kantatzen genuen Delirium Tremens taldearekin. Eta hor abiatu ginen Galder eta biok telebista saio berritzaile batekin. Sarea, bideoak, jarrera berri batekin. Berrikuntza eta 2.0 helburuekin. Mikrosaio bat, sarean partekatua izateko. Sare sozialetan trebatu eta mugimendua sortzeko. Hainbat egin genituen.

    Memorioa historikoa, gauza asko dago oraindik gogoratu eta kontatzeko, apurka apurka egingo ditugu… guztion artean. Irudi, mezu, sare sozialetako aipamen, artxibo eta elkarrizketen artean.

  • #Patakon,  ikusi eta ikasi

    Patakon astoa eta biok telebistan

    Bart Jon Artanok ETBko nagusiak aztoratu ditu, erreportaia eskaini die albistegietarako. Eta hona etortzekoak dira grabatzera. Askizura.
    Nik neure aldetik, modu naturalenean azaldu asmo diet nire bidaia.
    Etorri dira kamara eta Jon. Askizun, Serorategi txakolindegiaren aurrean hasi gara grabatzen. Oinez jarraitu dugu. Mahasti artetik oso plano onak daude atzean itsasoak lagunduta. Politak irudiak. Ederra eguna.

    Galderak hemen, eta erantzunak hor. Astoa txintxo txintxo. Aske. Geldi. Mugitu. Nik baino hobeto hartu ditu toma guztiak. Euskaraz egin dugu elkarrizketa, eta antza kate bietan ematekoak dira. Eguerdiko albistegirako heltzea du helburu Artanok. Lortuko du. Kazetari handia da. IMG_20140808_095452019_HDR
    Guk gure bidean jarraituko dugu, lasai. Gaurko etapa laburra prestatu dut. Askizu gainetik Meagara heldu, mahasti artetik, eta handik Elkanorantz. Zarautz gainean dagoen Aiako auzoa. Txatxarrora heltzekok Joritz elkartuko zait bidean. Leire eta Asierren etxean egin dugu hitzordua. Egun bat beranduago nator, baina arrasti guztia libre hartu behar dut. Atsedena. Oraindik hartu ez dudan lehen bainua izango dut sari, zorte apur batekin Zarauzko hondartzen.
    IMG_20140808_100503106_HDR
    Barikua. 5 egun jadanik oinez. Nekea eta ilusioa uztartzen dira kresala, mahatsa eta gure izerdiarekin.

    Gaur egun Euskal Telebista


    Nik ez dut telebista ikusi, baina heldu zaizkit mezuak. Horrela agertu da eguerdiko albistegi nagusian. Mila esker Jon.

    ETB 2 Teleberri

  • gaztelumendi.eus

    7 urtez idazten

    Atzo zen, Durangon. Gaur hemen. Bihar han.
    Badira zazpi urte, blog honetan idazten hasi nintzela.
    Eta zazpi urte, jendeak irakurtzen duela.
    zazpi urte
    Geroztik sortu dire berriak, eta hobeak. Eta kementsuagoak, eta apalagoak. Interesanteak eta jantziak.
    Idazteari, irakurtzeari, sortzeari, ikasteari… ez diot utzi oraindik.

    Denetarik pasa da zazpi urteotan, gauza askotaz mintzatzeko parada izan dugu. Izan dira oldarraldiak, haserrealdiak, eztabaida sutsuak, albiste sano interesanteak, elkarrizketak, argazkiak, bideoak, audioak… hangoak eta hemengoak.
    Zazpi urtez, gau eta egun. Jo ta su.

  • ikusi eta ikasi,  larrabetzutik

    Aupa Tobaritx!

    Agirre lehendakariari buruzko dokumentala egiteko enkarguarekin zetozen. Agirre, autodeterminazioa eta batasuna izango zuen izenburu. Zuzendaria eta gidoilariarekin batera bazkaldu nuen. Gerraz aritu ginen, Burdinezko gerrikoa ezagutu nahi zuten, bertatik bertara. Hegazkinlari alemaniarra non erori zen erakutsi nien, eta ordurako Euzkadi eta Eguna egunkarietako kronikak ondo irakurriak zituzten.

    Behelainoa dut gogoan
    Lokalizazioak egiten ari ginen, balizko filmaketarako. Eta pozik nenbilen langintza hartan.
    Berbaz jarraitu genuen, ametsetan. Fikzioa sinesgarri egiten, etorkizunaz, zinemaz ere bai beharbada, eta politikaz apur bat.
    Sagardotegiko berbaldia, osteko ibilalditxoak baino gehiago gogoratzen ditut. Ez zen giro inguruan. Ez genituen paraje ederrak bertatik bistaratuko.
    Baina filmea egiteko aproposak zirela iritzi zion zuzendariak.
    Iluntzean agurtu genuen elkar. Zuzendariak, idazleak eta hirurok.

    Ez zen filmerik izan. Jeltzaleak izutu egin ziren dokumentalaren planteamenduarekin. Ramon Agirrek bere osabaren papela jokatu behar zuen, fikzioa eta orduko irudiak tartekatuko zituen dokumentala beste esku batzutan utziko zutela jakin nuen gero, eta Deia egunkariak banatu zuen halako dokumentaltxo bat, ez ona, ez historikoa, ez Agirreren mailakoa. Hartan geratu zen nire zinemazko amets historikoa. Behelaino artean.

    Orain, zinema zuzendaria agurtu behar dugu. Bere filmeak, bere esanak, elkarrizketak, asmoak, ikuskak geratzen zaizkigu. Eta kontent gara. Harro. Baina behelaino bat somatzen dut inguruan, ez dakit zergaitik. Agirre lehendakariarena ez bada, beste filmeren bat zor diogu, dudarik gabe. Ia eguraldiak atertzen duen. Aterri ageri du handik…
    ke arteko egunak

  • agit/prop,  gaztelumendi.eus,  hurrengo geltokia,  ikusi eta ikasi

    Intxortatik Euskal Herrira

    Elgetako Espaloia kafe antzokia
    2010ko maiatzaren 23an

    – egunon Iban… zelan doaz gauzak?

    – Ez dok asteburu lasaixa izan. Atzo goizeko 03:00ak arte bideuaren formatua zala-eta burrukan. Gaur goizian 09:00etatik idatzi batzuk egitten, harreraguneko kontrol guztia daroian ordenagailua izorratuta… baiña denboraz larri bagabiz be etarako juau. Donostiatik jatok informatikarixa, laster helduko dok.

    -Aste osoa holango izan dok. Azken baten, herri txikiak gaztetxe handiak dira guretzat. Baina ikusten da gauzak aurrera ataratzeko gogoa. Jende askok egin jok lana, eta emaitza hemen ikusikok, laburbilduta. Eguraldiak be laguntzen jok, eta eguna bikaina izangok, ikusikok. Joseba Tapia laster etorrikok, jendea be hasi dok hurbiltzen, Espaloia txukun txukun jauk, eta Harrera gunea itzela. Non jauk alkatea?

    – Bai bai, ez juat sekula horretan pentsau, baiña hau gaztetxe haundi bat dok bai. Edurne, Oxel, Josuren, Juan Ramon, Iban… atzo gabekua izan zuan elkalaneko erakustaldi bat. Herri txikixaguetan ikusten dok posible dala. Alkatia ETB-kuekin juan dok. Ez dok bape erreza izan harentzako be. Ordu askoko lana jaok atzian, ikusten ez dan lana eta Edurne eta bixen artian ondo eruan juek kontua. Eskertzekua herrittarron aldetik.
    Hemen jatok Maria Jesus Aranburu be.

    -Sarritan ez dozak ikusiko kotxe ofizialak antzoki atarian, barruraino sartu dozak. Aurkezpenak eta hire kontu Iban.

    – Bai, ezagutzen juat. Oso osoko andria dok. Oxel etorri bittartian nere kontu. Luntxera bideratuko jittuau hemendik aurrera datozen OPI guztiak. Klaro, lehenengo tabakaleraz galdetuko jotsau. Hor jaok hor anabasia, Odonekin…

    -Hi, hor jatok Tapia be, trikitilaria… beragana najoak. Frogatxo bat egin, eta dana prest. Aulki guztiak prest jauzak, luntxera be hurbildu da jentia, itxikok haut. Aurkezlea nor dan esan beharko dostek, etzoat ezagutzen Maider eta.

    РBai, oin kultura teknikarixa dok Bergaran, bai̱a GOITB-ko informatibuetako aurpegi izan zuan denbora luzian. Oso ondo egingo jok. Gai̱era ona dok beti igualok ez agertzia lehenengo lerruan.

    -Hi ba dana prest jauk. Probak, pantaila, jendea, hi jezarri hadi hor, neure ondoan. Lehen lerroan jauzak Elgetako udaleko ordezkari guztiak, Diputaziñokoa, 37an hildakoen senideak, jende nagusia, Kafe Antzokian Euskal Herri osotik heldutako jendea. Egun hau historikoa dok, hemen zeozer hasten dala iruditzen jatek.

    – Bai, hasieria baiño ez dok. Animo, Maiderrekin geratu gazen moduan bera hasiko dok eta gero dokumentala. Ikusiko dok txulo-txulo geratu dala. 3D-n eginddako zati batzuk, bonba zaratak… baiña batez be lekukuak. Lekukuena demasa dok, hori behin ikusi eta gero ez dok ahazten. Ohera be kontu horretxekin juango gaittuk, ikusiko dok. .

    (Hasi da ekitaldia. Maider Osa aurkezle. Eta bideo proiekzioa hasi da..)

    Hori Bittor Garai dok. Asko ez dala etara jittuen basarri ondotik bost lagunen gorpuak. Isiltasuna demasa dok. Ikusi eta ez galdu aukerarik lekuko hau entzuteko, ointxe jatok Antoni Teilleriarena. Ez dok denbora asko hil dala eta gustora biziko leukek berak be hau egunau… Bere ikurriña jarri juau erakusketan. Lagaik momentu baten twitteatzeia eta segi bideuai.

    -Bideoa polita dok, gerra garaiko argazkiak, kontakizun historikoa, hura bizi izandakoen testigantzak, 3D animazioa, eta Euskal Herriko historiaren zati bat… orain arte inoiz kontatu ez zaigun moduan, eta euskaraz.


    Argazkiak.org | Elgetako gudariak © cc-by-sa: gaztelumendi

    – Tapi, ezagutzen dok narratzaillian ahotsa? Ines Osinagarena dok, Gosekua. Patxi, esan bihar jotset danak batera igotzeko gero taulara, berba egin bihar daben danak batera. Bideua amaittutakuan Tapiaren txanda, pare bat kantu Agur, Intxorta maite diskokuak.

    -Aupa Tapi, amaitu dok dokumentala. Oin dok hire txanda.

    – Honek kantuok ez dittuk izango jende multzo haundixendako, baiña ederrak dittuk, oso ederrak. Haudixa dok Tapia. Oso kantu pare ona aukeratu jittuk. 5 banderak kantua joten zebillen bittartian igo izana be ondo. Kolore asko batera. Ondo. Lopategiren “Gaur hirurogei urte bezela” kantau jok, politta.

    -Eta eskenatoki gainean Intxorta 1937 elkarteko Garai, Elgetako alkate Oxel Erostarbe, ANVko zinegotzi Edurne Alberdi eta Diputazioko ordezkari Maria Jesus Aranburu. Lau buru, kolore ugari, bi andrazko eta bi gizonezko. Hobeto ezin.

    – Danak ibili dittuk ondo, bakoitzak 3 minutu jauzkan, baiña betiko letxe luzatu… Ondo egon dittuk, hala eta be. Bereziki ondo ikusi juat gaur Aranburu. Esandakuak eta esandako modua be gustau jatazik.

    -Hemen esandako guztiak sinatzen ditut nik. Frente Popularra emoten jok honek. Jeltzaleak, gorriak, anvkoak eta alkatea akorduan. Barriro be etorkozak Elgetara faxistak….

    РHauxe dok herri txikixetatik gustatzen jatana. Bakoitzak jaukak bere errena, bai̱a batuta egin bihar danian batu eta egin egitten dok. Baitta antxitxika egin bihar bada be. Hau amaitzen jaok, Tapi berriro taulara.

    -Eta Tapiari egindako txaloak, ez dozak debaldekoak. Barriro be hasiko jaku kalabazia! alai amaitu ditu gerrako ibilerak, agur Intxorta maite diskoa egin zuen trikitilariak. Orain autobusetara joak jendea, Ibilbide tematikoari ekiteko, trintxera eta lubakiak bisitatzera.

    – Autobuskadia beteta. Ni bigarrenan zain geratzen nok. Hik igo megafono hori. Han joiazak Aldundiko auto ofizialian ANV, EAJ eta Aralar, ordezkatuta. Euzki begixan jaok Asentzio.

    -Intxorta 1937ko ordezkariak euskaraz eta gaztelaniaz jabizek gerrako kontuak aitatzen. Lubakietatik sartu dok jendea, duela 70 urte baino gehiago dituzten lubakiak. Lurrak ez ditu berdindu, historia ahazten saiatu dan arren. Intxorta magalean, 36 eta 37ko estrategiak entzuten. Garaiok ez dira horrenbeste aldatu. Lubakiak beste batzuk dira orain.

    Argazkiak.org | Intxortako lubakiak © cc-by-sa: goioarana

    – Egun ederrak urten jok. Gaur “La Belga” metrailladoriaren lekura ez juatia gomentatu jotset Intxorta e1936-37 elkartekuei eta udaletxekuei. Hori beste egun baterako ze 14:00ak pasau dittuk… Intxortako interesguniak hobeto seiñalizatzia falta jakuk, ibilbidia openstreetmap-etik hartzia, harreragunia zer dan ikastola eta eskola guztiei esan biharko jotseu, baitta interes minimua euki leikenai eta interesoi sortu geinken guztiai be… Hasi dok bigarren etapia.

    -Hi, nik ondiño etzoat ezer hartu. Egarri nok, eta tapiatarrak be etxera joan dituk honezkero. Bazkaltzeko planik bajauk ala? Antzokia be beteta jauk baserritarrez, euren urteroko bazkaria dok ala?

    РA! uste najuan Tapiakin-eta bazkaltzeko hintzala. Hori esan jostek. Guk gero kontzertu bat jakau Espaloian Or2tan eta Grupo San Juan Atxabaltarrak. Hori bai, gaur goizago ohera. Ez, ez juat konkistadoria zein dan jakingo ezta Lost-ena ikusteko jaikiko be. Gaurkua ondo urtetzia oso garrantzitsua zuan eta urten jok. Errebentauta najaok, bai̱a merezi izan jok.

    -Niretzat be, lanean hasteko aitzakia ona izan dok. Orain bajakiat non eta zertan ibiliko noken. Hasiera ona, lana ugari, baina ekipoa be bajauk inguruan… eta ez dok gitxi. Esan duet, herri txikiak gaztetxe handiak dozak. Jarraituko joau, eztok?

    ::::::::::::::::::::::::: :::::::::::::::::::::::: :::::::::::
    Iban Arantzabalek eta Patxi Gaztelumendik, dokumentu konpartitu batean idatzitako kronHika. Berbaz, nork bere lubakitik. Bere lantokitik. Bere pantailatik. Bere euskalkitik, bere ahotik eta blogetik.

  • gaztelumendi.eus,  teknologia berriak

    Bost urte hemen idazten

    Bloga sortu eta abiatu nuen gaur bezalako egun batean. Aspalditxo.
    Egunak astiro doaz zain dagoenarentzat, arintxoago dabilenarentzat… etorri eta joan. Badatoz egunsentiak, lainotsuk sarritan, ilun jarraitzen dugu batzutan, argi daukagula ematen du, argitzen saiatu arren aroa ez da dagoen onena… euria ari du oraindik, inetasiak ez digu parekoa ikusten uzten, eguzkitsu datorrenean, itsutu egiten gara… eta arrasti iluntzerako nekatuegi gaude sarritan.
    Ez gabiltza aroaz berbetan, baina antzeko parezido.
    5 urte
    5 urte hemen. Idazten. Hasten. Ikasten.
    Zenbat pozt? Hainbat poz. zenbat post.

    Postidazkuntza da blogetakoa. Eta nik zuekaz ospatu nahi dut. Esango dizuet zelan. Bazkalostean, beharbada. Bost. Bostetan, hemen. Euskal Herrian.

    Behinola idatzitako hartatik… joan dira poz / eta post batzuk. Gerokoak post.

    argazkia: flickr.com michael / ruiz

  • gaztelumendi.eus

    Beste itxura bat

    Aspaldian gabiltza irudiari kolorea eman nahian. Ez dakit asmatzen dugun.
    Irakurle batzuk irakurterrezagoa izan behar duela.
    Besteek ilunegia zela,
    gaztetxoen gunea ematen zuela,
    Eta egia esan, erantzunetan eta hainbat arazo eman izan ditu Boltxebike itxura horrek.
    Aspaldian begia jota nion beste theme honi. Eta aldatzearen podasuz… igual lortuko dogu blog txukuna bihurtzea.

    Ea holan den.

  • gaztelumendi.eus

    gaur bezalako egun batez

    abenduaren 3a zen. Baina 2004koa. Nazioarteko eguna omen euskarararentzat. Egunkariakoak Madrilera. 4 urte igaro dira eta hemen jarraitzen dut, blogeatzen.

    gaztelumendi.org bloga sortu eta sarean hedatu nuen; Durangoko azoka gero, eta lagun zein ezagunen artean zabaltzen hasi zen.
    4 urte, zer ez den pasatu! Neure burutik bezala, inguruan ere.
    Gauzak ez dira asko aldatu, baina egunero bada zerbait. Gorabeherak, gertakizunak, iritziak, aurrerapausoak, atzerakadaren bat, ikasteko, erakusteko, salatzeko, txalotzeko….
    gaztelumendi.org
    … eta hemen jarraitzen dugu. gogotsu. inguruari begira. ikasteko gogoz.

    Mundu interesgarria da hau, talaia ona itsasoratzeko beldur direnentzat. Eta egunero zeozer idazten dugunontzat, ariketa polita. Pentsamendua, sorkuntza, gogoetak, malaostiak… guztiak bere lekua du honetan.

    Hemendik nire agurrik beroena denbora guzti honetan irakurle eta lagun izan zaituztedan guztiontzat. Plazerra da, zinez.
    Bereziki, ziega zuloan egon arren, osabak etxean inprimatu eta hor, berbak gatibu dituzten leku horretan honek berbok irakurtzen dituenarentzat.
    Euskal Herritik kanpo be, irakurtzen dan ezkero… zuei, agur bero bat.

    eta gainontzekooi.. ba horixe, ikusten garenean blog&beers, hartuko ditugula garagardo batzuk.
    gaztelumendi.org egiten dugunon partez.... muxu asko!

    [ gaztelumendi.org erre(d)akzioa copyleft edukiak & basque agit/prop ]