-
zertarako nahi ditugu blog euskaldunak?
Aingeru Epaltzaren gogoeta entzun berri dugu euskalerria irratian, podcast bidez, twitter sarean bere mezu bat ikusi ostean, amaierako esaldiak egin digu klisk!
[audio:http://euskalerriairratia.tok-md.com/Epaltza%20mar8.mp3]Eta atoan galdera etorri zait burura?
@AEpaltza zertarako behar ditugu bloger euskaldunak?https://t.co/kBRbJcCIkO pic.twitter.com/o3PSkEzzD9
— gaztelumendi (@iPatxi) 2017(e)ko martxoak 9
Blog euskaldunak
Euskarak behar ditu. Herriak behar ditu. Tresnak behar ditugu. Edukiak behar dira. Gure kezkak azaldu behar dira…. baina jendeak ez baditu behar? Nork irakurtzen ditu halakoak? Zenbatek irakurriko du hau? Twitter behera doa, facebook edo instagram gora. Ordaindutako publizitatearekin ez bada, ezinezkoa da sare hoietan ezer agertaraztea… orduan, edukioi nork erreparatuko die? Zenbat ikustaldi ditu Azkue fundazioaren bideo horrek? Ondo landutako bideoa da, kamarak, gidoilariak, ahotsa, jendea gonbidatu… prestatu. Eta? Noiz ikusiko dute 200 lagunek? Kezkak dira. Egin beharreko itaunak, galderak. Erantzunik ez datorrela jakin arren. Itsasora jaurtitako harri bat. Uhinak ikusi arren, bere soinua ez dela entzungo dakizunean. Harririk ez da etorriko bueltan. Olatuak joan etorrian dabiltzan arren. Ondarretan geratuko naiz, zeruari begira. Hala ere, EZtaBAIda hedatu behar delakoan nago, edukiek duten garrantziari erreparatuta.
::::::::: ::::::::::: ::::::::::::::Â ::::::::: ::::::::::: ::::::::::::::
post hau argitaratu ostekoak
Eta ez dira oso poztekoak.
Autozuzenketa: Bloger euskaldunak behar genituela erran nuen. Horiek ere bai. Baina batez ere YOUTUBER euskaldunak https://t.co/tE28Cu0Iio
— Aingeru Epaltza (@AEpaltza) 2017(e)ko martxoak 9
- badakigu zer nahi dugun?
- ba ote dakigu zer behar dugun?
- Sintomak dira, nola gabiltzan erakusten dutenak….
berrikusten. eguneratzen
blogen sarea pizteko ahaleginak, irauntzaileak
Badira blogetan irauten duten beteranoak. Idazteari bere denbora eskaintzen dioten lagunak. Blogen garrantzia moden gainetik dakusagunak. Irauntza da gurea. Irauteko jaioak. Irauntzaileak.
Eta azken egunotan sare sozialetan honi buruz dihardugu. Ez da nostalgia. Ikuspegia da. Informazioa, parte hartzea eta mundu digitalak ematen dituen aukerak baliatzeko ahalmena.
Horretan darraigu. Ez dakigu inor badatorren gure guda kantuaren atzetik…BLOGA BLOGA mariñela!
-zertarako nahi ditugu blog euskaldunak? https://t.co/8z77NF0tZu pic.twitter.com/qVFUdZqk5u— gaztelumendi (@iPatxi) 2017(e)ko martxoak 28
eta ni ere hasi naiz…
Garai batean bezalahttps://t.co/VW5FtsDDkZ
…eta jarraitzeko asmoa daukat gainera. pic.twitter.com/yqiYZ7W3OY— gaztelumendi (@iPatxi) 2017(e)ko martxoak 28
📌 Libre idazteko https://t.co/6urvEL6AaH
blogean idazten hasi nintzenekoa gogoan
idazten jarraitzeko…📢 irakurri eta #EZtaBAIda sustatu pic.twitter.com/LrXFg30sfx
— gaztelumendi (@iPatxi) 2017(e)ko martxoak 30
-
Egunkaria
Idazten ikasten hasteko izan genuen aukera.
Mundua irakurtzeko.
Euskal Herria eguraldi mapatik, eguneroko errealitatera.
25 urte sortu zela, herri ekimenez. 25 urte ezagutu genuela. Eta hogeitik gora bertan lanean lehenengo eta idazten gero hasi nintzela.
Joxemi Zumalabek gidatuta, Zorion, Felix, Ramon, Gorane eta Montse gogoan. Ataxi eta Miriam. Xouse, Iñigo, Ines, Jabi eta beste asko…. zenbat izango ete gara?!
Lasarte, gero Andoain. Baiona. Gasteiz. Iruñea. Bilbo. Guk beti Bilbo.
Barkatu, ama! 1995. urtean Jon Eskisabelen ardurapean. Idatzi eta idatzi. Zabaldu. Gozatu. Landu. Gehiago ikasi. Gozatu.
Idatzi nuen kulturaz, politikaz, nazioarteaz, ekonomiaz, bertsolaritzaz, musikaz asko, eguraldiari buruz inoiz, futbolaren gainean Athleticek -gutxiago galtzen zuen orduan- azken orriak, eskaner berriak ezagutu, zuribeltzetik kolorera pasatu ziren argazkiak, nire portatilarekin batetik bestera be ibili nintzen batzutan -erredakzioan oraindik ez zegoelako horrelakorik, besteak beste-.
Irrati kronikak egin izan nituen egin irratirako Egunkariako bulegoetatik, eta konplizitate harreman eta sare maitagarria sortu genuen. Besteak beste.
Eztabaidatu ere egin genuen, eta iritzia eman, eta ordaindu. Eta kobratu. Eta pozik eta triste. Eta tristeago. Eta gero pozik. Eta orain gogoratzeagaz batera…. mundu oso bat datorkit burura. Hori guztiori be bagarelako.
Zorionak EGUNKARIA!
BiBA ZUEK!loturak:
Euskarazko egunkaria aldarrikatzetik egitera
Ni Mikel Elorza naiz. Eta zu ez. https://t.co/PF8Wn0braQ Paparrean ez dakit, bihotzean bai. BiBA ZUEK! @berria @armiarma @durangokoazoka
— gaztelumendi |l*l| (@iPatxi) December 8, 2015
-
Basque to the future
Etorkizuna gaur da.
eta guk #basquetothefuture deitu diogu.
Eta behinola filmeak bota zituenak, gaur errealitate bide dira.Etorkizuna gaur dela ematen du #BasqueToTheFuture Marka handiek baliatu dute, eta guk? #BackToTheFuture pic.twitter.com/sEPWQojB1L
— gaztelumendi |l*l| (@iPatxi) October 21, 2015
Zerbaitetan asmatu zuen filmeak, edo markak jakin dute egokitzen? #BacktothefutureDAY egunerako bideo aproposa https://t.co/9CuOCzx8NB
— gaztelumendi |l*l| (@iPatxi) October 21, 2015
Pepsi kola berezia ikusi dugu, Nike markak zapatila hegalariak egin ditu, eta euskaldunok etorkizunarekin amesten jarraitzen dugu.orain ere ariko dira zerbaitetan #basquetotheFuture? pic.twitter.com/GMeD9UETuK
— gaztelumendi |l*l| (@iPatxi) October 19, 2015
Eta gaueko 21:00etan 20151015 historiko honetan istorio berri eta berritzaile bat:
noiz izan ditu #euskaraz sortutako bideokomik batek 15.000 ikustaldi baino gehiago sare sozialetan egun bakarrean? pic.twitter.com/3RBe9l9wox
— gaztelumendi |l*l| (@iPatxi) October 22, 2015
Gustatuko zaizu ere
Udagoieneko kultur eskaintza oparoa
Publizitate sexista
Beltza naiz eta harro nago!
-
Adierazpen askatasunaren alde eta xenofobiaren kontrako aldarria
Aste eta egun bereziak izan dira joan zaizkigun hauek….
Bereziak; jakinminez, beldurrez, irainez, gogoetaz beteriko orenak.
Charlie Hebdo agerkariko gertaerek mundua mugitu dute. Ekintza terrorista anker horren ostean…. dena mugitu da, baita gure kontzientziak ere.
Gogoetarako, irakurketarako astea be izan da.@Iparralde_orena berezia @Charlie_Hebdo_ Itxaro Borda, Sustrai Colina, @AitorServier @gatobazka @aran_txai http://t.co/wCVxQHXemc
— Franck Dolosor (@FranckDolosor) January 19, 2015
Beste behin ere, Franck Dolosor bezalako kazetariak egiten duten lana dut azpimarratzeko. Gogoetarako orenak dira hauek:
Marko marrazkilaria -garai batean gurekin Larrabetzun bizi zena-, Arantxa Gure irratiko esatari eta kazetaria, Itxaro idazlea, Aitor eta Sustrai bertsolariak… eta beste iritzi, irudi eta ahots anitz. Oso ahots kritiko eta interesgarriak.Asteazkenean #CharlieHebdo kaleratuko dute 3 milioi aletan; hona azala pic.twitter.com/DEXXIL4aI5
— Euskal Irratiak (@euskalirratiak) January 12, 2015
Hedoi Etxarte ez da Charlie Hebdo
Hego Euskal Herrian iritzi kritikoak jasotzea apur bat gehiago kostatu zaigu. Ahotsa.info atariak heldu zion gogoeta kritikoari, eta horretan Hedoi Etxarte idazleari egindako elkarrizketa mugarri izan da.
Elkarrizketa sakona (14 minutuko erantzun ia bakarra), baina datu asko. Testuinguru bat. Arriskuak. Gogoeta.zenbait marrazki iritzi eta artikulu interesgarri
#JeSuisCharlie dessin de marko pic.twitter.com/PvU1yzlrWH
— marko (@gatobazka) January 11, 2015
@gatobazka: @berria -n agertu ez diren marrazkiak marrazkia : @zaldieroa pic.twitter.com/CVcBDlRKO2
— marko (@gatobazka) January 18, 2015
Ez naiz baina banaiz Charlie Hebdo. @pellozubiria-ren gogoeta. http://t.co/2CUTznt0a0 #CharlieHebdo
— ARGIA (@argia) January 8, 2015
Atentado de ParÃs: mucha hipocresÃa y tres hipótesis http://t.co/0cY1crIHp7 Por NazanÃn Armanian
— Publico.es (@publico_es) January 13, 2015
Maite Ubiriak gaur funtsezko artikulua argitaratu du http://t.co/DruUSr1ZtJ #JeSuisBasque @garanet @Maite_Ubiria
— gaztelumendi.eus (@iPtx) January 18, 2015
Zer da adierazpen askatasuna? Asisko Urmeneta, @zaldieroa eta Marko igandean, BERRIAn @iastiz http://t.co/6dmv0uoWvv pic.twitter.com/bA1ruOvFTY
— Berria.eus (@berria) January 16, 2015
— Maia (@maiaolhagarai) January 12, 2015
Hajar Samadi neska eibartarra eredugarri
Bestelako ikuspegi bat landu gura izan zuten ostiral gaueko Por Fin Viernes saioan: Yijadismoaren arriskua gurean. Islamaren kontra, arabiarrak oro begipuntuan jarri zituen nazioarteko agente batek -txakur batek, alegia-; magrebiar batzuk, eta beste euskaldun batzuk be izan ginen telebista saio horretan. Eskuindarren iritzien aurrean -Lander izeneko hori entzutea besterik ez zegoen-, xenofobiaren kontra aritu gura izan genuen baten batzuk. Hajar Samadi neska izan zen saio horretan argiena; euskalduna bera, unibertsitateko ikaslea, emakume islamiarren elkarteko ordezkaria eta ezagutza eta formazio handikoa. Hemen dituzue berak telebistan bikain esandakoak, eta agente sekretuak berari leporatutakoak tartean.
-
basque ID
euskal identitateaz, sarean
patxi gaztelumendi
@iptx
gaztelumendi.orgUEU, Baiona
#euzkadi euzkotarron aberria?
basque ID
D identitatea nazioa #euzkadi
EH sare sozialak globala euskal
Euskal Herria 2.0
twitter blogak facebook basque- nor naiz?
- nor naiz sarean?
- identitatea definizio batera hurbiltzen
- identitate digitalaz
- avatarrak
- ID sistemak
- kasu pratikoak @iPtx
- adibideak sarean, blogak twitter facebook erantzunak…
Branding markak
marka pertsonalak
nation branding
Euskal Herria
euskal selekzioa
euskal kultura
irudiak marka identitatea merkatua munduaEH 2.0
2006tik, gaur egun arte. 5 urte, klik batzutan.eus
aukera bat identitatea eta sarearen artean puntuEUS.org
e-rronkak sarean:Â erabiltzaileak, edukiak, bisibilitatea, tresnak eta komunitatea
- kasu pratiko bat | workshop bat antolatzen
Gustatuko zaizu ere
zertarako nahi ditugu blog euskaldunak?
Chantal Mouffe
Artikulu gutxi eta txio asko
-
Delorean musika eta musikari atseginak
Asteon Delorean taldeko Ekhi Lopetegi elkarrizketatu dugu irratia.com saioan.
DLRN taldea gustukoa dut, Mikel Elortzarekin Donostiako Bilintxen lehen diskoa erosi nuenetik -Mikelek oparitu zidan, han bertan- B-core disketxeak plazaratutakoa.
Gerora, lan guztiak eta taldearen bilakaera jarraitu dut. In to Plateau bikaina iruditu zitzaidan, eta handik honako dantzagarritasunak, areagotu egin du nire zaletasuna.
Zuzenean ere maiz ikusteko aukera izan dut. EHZ, Bilboko antzokian, Durangon… eta egia esan, zuzenean ere zer egiten duten gustatzen zait. Enau harritzen, nazioartean lortzen ari diren arrakasta musikala. Benetakoa da. Zaleen artean, lorpen itzelak egin dituzte.
Atseginak
Baina, batez ere taldekideen xalotasunak txunditu nau. Igor bateriajolea aspaldi xamar ezagutu nuen, taldearen izena Makalak esan zidanean, izena bera ere txundigarria egin zitzaidan: de_lo _re _an. Igor Makalarekin zetorren gaztetxera, eta berak be pintxatu zuen zertxobait… -10 urte baino gehiago pasa dira…-
Irratia.com saioan, bigarrenez elkarrizketatu ditugu, eta Ekhi Lopetegigaz berba egitea plazer bat izan da. Elkarrizketan aritu ginen Jabi eta biok, eta txundituta. Ibon teknikari eta disko jartzailea ere pozik, baina estudioan zeuden beste batzuk ere zur eta lur geratu ziren… txunditu antzean. Tartean rockero zaharren bat be bai.Onena elkarrizketa entzutea, nik neuk esateak ez dekolako balio handirik. Baina nik sentitu dudan hori transmititu eta eskertu nahi nuen.
[audio:http://bilbohiria.com/docs/podcast/irratiacom/irratiacom100517.mp3]
delorean biba zuek! -
zaindu maite duzuen hori
Iritzi helduak, uste haundikoak,
Gure herriaz.
Goiz eta arrats berriketan
Gure herriaz.Ez dago irratia piztu beharrik, telebistan ikusi edo egunkarietan irakurri barik be, dagoneeko badakizu zertan ari zaizkigun, gizon jakintsuak. Gu hau eta bestea. Zertan ari garen, zertan dihardugun… dena harrapatu dute, dena da garrantzitsua, dena muntaia, sarea. Errealeko futbolaria, unibertsitateko irakaslea den artista margolaria, eskolako andereñoa, informatikari gaztea, arrantzalea… eta abokatuak. Denak dira sospetxoso. Lehenago kazetariak, zuzendaria, administrazioko kidea, pentsalaria edo zinema produktorea izan diren gisan. Edo gazte asanbladako kidea, ikasle abertzalea, militante sutsua eta bozeramaile jardueran dabilen neska. Denak dira sospetxoso, eta horretan arrazoi dute.
Nik ere nahi nituzke
Halako segurtasunak eduki.
Baina, gauzak zer diren,
kontuak ez zaizkit ateratzen ongi.Zenbat berba, zenbat lerro, zenbat gezur ez ote diren idatzi gutaz. Lehen bezala, orain. Ia egunero. Une oro. Baina uste dut jendea anestesiatzerik ez dutela lortzen. Behin eta berriro ari direla jokaldi berean, baina gu ere ez garela hain tuntunak, badakigula zer eta zertan ari den bakoitza, zergatik eta zertarako. Eta badakigu jakin ere, zer dugun aurrean. Norekin ari garen. Eta jada, ez konbentzitu, ez iraindu ez gaituztela egiten. Zugarramurdikoak ez ditugu ahantzi, geroagokoak ere ez. Zeinen gaiztoak eta ankerrak garen, beti esango dute, ziurtasun osoarekin. Zeinen herri basatia eta sugarra den gureaz mintzo zaizkigu oraindik ere, aspaldi bezala… baina badakigu jakin, gurea ez dela besteak baino hobea, ez dela gutxiago ere, apur bat ezberdina agian, baina nortasun handikoa. Eta eusten diogula nortasun horri, identitateari, eta mintzoari, eta kulturari… eta badugula gauzak egiteko manera bat, gurea, eta laket dugula hori… eta kontuok tentuz hartzen ditugula.
Hori suertea
Nonnahikoak diren hoiena!
Sasi guztien gainetikan
Dabiltza hegan.Zenbat berba, zenbat lerro, zenbat gezur ez ote diren esaten gutaz. Lehen bezala, orain. Ia egunero. Une oro. Eta hala ere garenak gara, eta goazen lekura goazela, abestuko dugu, kantatu, barre egin, umorez hartu, jolastu, joan, etorri, itzuli, agurtu, esan, entzun…. eta bost guri halakoen usteak. Ez gara atzokoak, eta badakigu zer gura dugun biharko.
Inork ez zidan esan
Euskaldun izatea zein nekeza den,
Hobe nuela hautatzea
Munduko hiritar izatea.Euskalduna izatea ez genuen hautatu, sortzez. Eta beste batzu ekarri egin zituzten, edo etorri egin ziren. Eta datoz, badatoz gehiago ere. Eta euskaldun izan gura dute, izan nahi dugu. Munduan euskaldun, garen bezalakoak. Izaten uzten ez badigute ere, eusten diogu izan nahi horri. Eta bagara, bagabiz, bagoaz.. pitike pitike. Munduko herri bat, gurea. Euskal Herri hau. Ttiki, iraindu, zigortu, aspertu, egurtu, salatutako hau. Baina ezdeusa ez, bada, eta izango.
Kantu leunak
Nahi nituzke jarri.
Eguzkia Ainubian denari.
Zaindu maite duzun hori.
Eta bart Ruper entzun dugu, kantuok jartzen. Eta asteleheneko sententzia, eta biharamuneko bengantzia ez ditugu ahazteko. Egunkaria libre! oihukatu dugu azken urteotan, zazpi urteko amesgaiztoa, gau iluna bizi izan dugu otsailaren 20 hartatik. Eta bitartean kantatu dugu, joan gara, batu dugu, egin dugu, izan gara… eta kantuok jarri ditugu. Baina bart, lehenengoz libre! izan osteko lehenengoz izan da. Eta halako sentimendu gazi gozoa. Naiaren atxiloketa salatzetik heldu, Jon eta Arantza, Iker eta Saioa… Erramun, David… lagunak ditugu gogoan kantuok entzutean. Libreago ote gara?  Zaindu beharko ditugu maite ditugunak, jagon beharko ditugu gure lagunak.
Hala esaten didate:
Zertan zabiltza maite kontuetan?
Elkarbizitza jokuan
Eta zu, berriz, bertso ttikietan.
Kantu leunak
Nahi nituzke jarri.
Eguzkia
Ainubian denari.
Astea daroagu batari eta besteari buruz berbetan. Pankarta atzeko lerroetan, mezu ttikietan, irratsaio, telebista programa eta blogetako post ezberdinetan. Libre! oihukatzen, esaten, idazten, marrazten, asmatzen…
Zaindu maite duzun hori.
Zaindu gorroto duzun hori.
Zaindu…Egunak eta gauak, Euskal Herri libreago bat, euskaldunago bat… justuago bat amesten. Gauzatzen. Zaindu eta maitatu, zuek bezala guk.
Egunkaria libre! pixelak baino ez gara albisteak 2.0
Egunkaria libre! irratia.com saioan
[audio:http://bilbohiria.com/docs/podcast/irratiacom/irratiacom100412.mp3]Egunkaria libre! elkartasun globala
-
Etorkizun abertzalea
Udaberria heldu da Euskal Herrira.
Eguzkitsu loratu dira asteburu osteko egunak. Loretsu esnatu dira gure bazterrak. Udaberriko egunak bizi ditugu idatzietan, entzuten diren elkarrizketetan, susmo politikoan eta tabernako solasaldietan.
Neguko eguraldian tematuta daude oraindik albistegi ofizialetan, politikari profesionalen ahoetan…. komunikatu eta agiri zaharkituetan.
Etorkizuna gaur
Eta ni, ikusitakoak ikusita, esperantzari leihoak ireki eta etorkizuna abertzalea dela irudituta nago. Tematu nahi nuke horretan, eta koloretako etorkizuna ikusten diot Euskal Herriaren aldeko jarrera politikoari. Etorkizuna gaur da ordea, gaurdanik dagoelako zer pentsatua eta zer egina.
Independentziaren aldeko sare soziala
Eta Independentistak sarea indartsu ikusten dut. Sorrera arrakastatsua izan du, garapen librea behar du orain, partehartzailea. Eta sarea izan gura duenez, baditu ereduak sarean, antolaketari dagokionez, partehartzeari dagokionez… koloreeen erabilerari, kodea irekitzeari. Eskozian, Katalunian, beste nazio batzuetan gu baino trebeagoak dira agian sarearen erabileran, Internet kontuetan. Baina gu be,ari gara esnatzen, ari gara ikasten, ari gara trebatzen…. apurka apurka. Ari gara, eta bagoaz.Aberri egunaren koloreak
Domekan Aberri Eguna ospatu zen hemen eta han. Irunen eta Hendaian. Santiago zubi historikoak, Bidasoak batu zituen bi ekimen, hainbat lagun, ideologia ezberdinak eta asmo bakarrak. Independentziak. Eta Bidasoa da lekuko, Santiago zubia, Irun eta Hendaia, zein den norabidea. Errekatik itsasora. Auzotik herrira. Nazioa munduan. Bide horretan batasunak ematen duen indarrarekin, konfiantzarekin. Ez da bide erreza izango, baina ezta ere batzuk esaten duten bezain aldapatsua.
Igandeko irudiak Nafarroan.com agerkari digitalak bildutako bideo honetan.
- Aberri eguna, egun bakarretik dinamika iraunkorrera zelan pasa? Egun bateko ilusiotik, eguneroko lanabes bilakatzeak ez du erraza izan beharko. Politika ofizialetik at, ekimen pratiko etengabera.
- Hendaia eta Irundik kanpo geratu zutenek, pentsatu beharko dute zer egin aurrerantzean. Bilboko plaza berriko zein Urruñako argazkiek, kezka eragin beharko lieke alderdiotako buruzagiei. Independentziaren bidean murgildu gura ezkero, koloretako argazki anpliatua Bidasoaren ertzetan zegoen. Jendetsua eta irekiagoa askozaz.
- Euskal Herriak nazio izan gura badu, pausu barriak eta eraginkorrak eman beharko ditu.
- Treguak eta desarmeak eskatzea ondo dago, baina injerentziarik gabeko egoera batera hurbiltzeko, bakoitzak zer egin asmo duen azaltzea falta da orain.
- Ni ez naiz Brian Currin, konflikto gutxi konpondu ditut bizitzan, baina Bruselako ekimeneko partaideen kurrikulumak, bizitza irakurrita… otutzen zait gureari ekiteko gogoa badute, lana sobera izango dutela. Eta bidean, euskal herritar ugari izango dutela laguntzeko. Borondaterik ez da falta… eta konponbiderako uneak ikusiko ditugu apurka apurka. (Bruselako ekimena, aurkezpen bideoa)
GaztEHerria eremu independentista indartsua
Durangoko sorrera ekitaldiak erakartzen ninduen. Gazte mugimendua bizkortuko zuen ekimenen bat faltan somatzen baitnuen. Errepresioak hainbat gazte kendu ditu paretik, antolatutako jende baliotsua espetxeratu dute, beste askok etxetik ihes egin behar izan du, gartzelara joan baino. Eta gazteek hala ere adorea erakutsi dute. Errepresioaren kontrako dinamikan baino, sorkuntzan murgildu dira. Eta mugimendu anitzagoa, koloretsuagoa, indartsuagoa sortu dutelakoan nago. Segi izan zena baino gehiago da GaztEHerria, eta indartsu erakutsi du bere burua. Antolaketan iaioak dira gazteak, eta indar erakustaldia egin dute Durangon. Aurkezpena, eztabaidak, ekimenak, kontzertu potentea… eta milaka gazteren partehartzea gainera.- Gazte abertzale andana batu da ekimenera, nahiz eta batzuk iratzarri ordez, lokartuta jarraitzen duten. Nagusiek paga kendu edo zigortuko dituzten beldur.
- Independentzia aldarrikatzetik, ekimen pratikoetara urratsa eman beharko dute orain. Kontzertu erraldoietatik, auzoetako lan txiki eta emankorrera.
- Euskal Herria eremuz zabala den bezala, gazteriaren kezkak Tuteratik Karrantzara, Hernanitik Maulera eta Miarritzetik Etxarrira hedatu beharko da. Orain arte baino gogotsuago beharbada.
-
Prest! aldizkariko 100. zenbakian
Ruper Ordorika:
“Nolabaiteko beharra sentitu behar da, kantuak sortzeko”
patxi gaztelumendi | Prest! aldizkaria 100. zenbakia
Aspaldian, oso aspaldian hurbildu zen Ruper Ordorika Deustu aldera. Filosofia ikasketa egin behar zituen unibertsitatean, eta bizi be San Inazio eta Deustun bizi izan zen. Aspaldian, Deustun bertan sortu zuten Pott literatur aldizkaria eta banda Bernardo Atxaga, Joseba Sarrionandia, Manu Ertzilla eta enparauekin. 80. hamarkada geroztik kantari ari da Oñatiko koblakaria, eta Prest aldizkarian Garizumako haizea profitatu dugu, beragaz berba egiteko.Aspaldian hurbildu zinen Deustu aldera, zelan oroitzen dituzu garai haiek?
Baditut Deustuko oroitzapen zehatz batzuk baina gehienak nahastuta ailegatzen zaizkit orduko militantzia eta arrisku giro batean…Gauza zehatzak gogoan dauzkat, esaterako Bernardo Atxagarekin lehenengoz hitz egin nuenekoa Deustuko taberna batean, elizatik gora, “Antonia”-edo zeritzana…Handik gauza asko atera ziren…Edo Sarrionandia eta biok oinez joaten ginenean, ostegunero, Deustuko unibertsitatetik Barrenkale Barreneko Cantabricora, Iñakiren tabernara Pott-eko bileretara…Zabor industrialez beterikako hibai alboko ibilaldi hura, ilunkeran…
Oñatitik Biturixara, handik Bilbo aldera gero… zer topatu duzu bide bideotan, hiriz hiriz, edo solorik solo?
Neure hiriko auzoak bezala bizi izan ditut nik bizilekuok. Beti gorde izan dut Oñatirako maitasun haundia baina hirietan hazitakoa naiz. Gaur egun are gehiago…auzo askotako hiri handi batean bezala bizi naiz herri honetan.
Orain New Yorken edo Azkaraten, berdin grabatu dezakezu disko bat…
Bai, eta gauza haundia da hori! Niretako mundu bera dira, nolabait. Askatasuna ahalik eta handiena behar izaten da sorkuntza lanetan eta urruneko esperientziak askotan oso baliagarriak dira…Hori esanda, ez da ahaztekoa gaur egun oso grabazio onak egin daitezkeela norbere ganbaratik irten barik!
Eta kantuak, jartzen dituzun kantuok… non eta zelan sortzen dira? Zein dute sorlekua?
Hori ez dakit. Hori banenki gehiagotan hurbilduko nintzateke bertara, sorleku horretara…Ba hori nire ustez nolabaiteko beharra sentitu behar da kantuak sortzeko, halako grina berezia…
Musikaren munduan murgilduta zaude azken hamarkada luzeetan, eta gogotsu ikusten zaizu oraindik… zein duzu motiboa?
Ba, lehen aipatutako behar hori izango da, agian…Niretako hau ikasbide bat besterik ez da eta ikasbide horren hasieretan nabil.
Azken disko hau eginda hasi naiz pentsatzen zeozer ikasi dudala jada eta zenbait gauza kontrolatzen dudala, baina sensazio horrek irauten du hurrengo diskoa arte. Orduan, berriz hasieran bezala sentituko naiz, bai.Azken diskoan, Karibeko haizearen barri dakarzu, hango aireen doinuak… hango egoerak eta lagunak…
Bai azken Haizea Garizumakoa hortako hiru kantu ditut Karibe aldean eginak…Nik uste dut igartzen dela baina ez formalki. Oraindik ez naiz hango kantu moldetara hurbildu, ez formalki, ez erritmikoki, bistan da, jaja..
Zure ibilbidea ezagututa, koherentea da disko hau ere, baina uste dut zure diskorik konprometituena, pertsonalena…. dela… oharkabean pasatu badaiteke ere…
Deigarria egiten zait inguratu zaizkidan pertsona askok nola jaso duten disko hau, oso era emotiboan-edo. Nik ere halako zorabioa sentitu nuen lehen grabaketak burutu eta berehala: kantuak biluzik zeuden eta oso euskarri sendoekin baina bakanak…soil soilik. Uste dut horren puska bat gorde dela azkenera arte eta diskoa entzutean horixe jasotzen ahal dela. Alde horretatik badakar disko honek konpromezurik, bai. Oraindik oso goiz da, dena den, Haizea garizumakoa honen oihartzuna neurtzeko.
Memoriaren mapak diskoaren zantzuak ditu honek, baina zelan musika laguntzaile onak dituzun… bandaren babesa ere badu… zelan ikusten duzu zuk?
Ba, bai, nik uste dut baduela harremanik Memoriaren mapaneko giro musikalarekin baina aurreko beste disko guztiekin ere bai…kantuak bakarrik ontzen ditut eta neure “alorra†ondo markatua da, beti ere. Disko honen abiapuntua, hau da, kantaria non jartzen den kantuan egiteko…hor bai, ezberdintasun haundiak ikusten ditut hor, eta gaiari nola heltzen zaion ere ezberdina da, bai.
Orain be, kontzertuetan zabiltza, antzoki eta kontzertu aretoetan… jo behintzat jotzen duzu ezta?
Bai, bagabiltz batetik bestera…gero eta hobeto pasatzen dut kontzertuetan eta horrek asko balio du! Mundu guztiak esaten du aurten urte latza izango dela zuzeneko musikarako. Ikusiko. Halakoak entzun izan ditugu ni kantuan hasi nintzenetik, behintzat. Baina egia da, zuzenekoetan ontzen da musika, gehien bat.
Bilbon zaitugu aurki, publiko fidela duzu bazterrotan. Gustura zatozela ematen du, zuzenekoak be berton grabatzen dituzu eta…
Bai, kafe Antzokiara goaz eta pozik. Behin eta berriro esaten dudanez, etxean bezala jotzen dugu han eta hala bedi luzaro. Neure zuzeneko disko biak bertan grabatuta daude eta ez kasualidadez. Ni Bilbon hasi nintzen kantuan eta urteroko hitzordua gordetzen saiatzen naiz.
“Bernardo Atxaga Deustuko
Ramon y Cajal kaleko taberna
batean ezagutu nuen“Aspaldiko kontuak izango dira Deustukoak zuretzat.
Gogoan dut zita bat nuela Atxagarekin, artean ez nuen ezagutzen. Panpin ustela aldizkari batzuen dirua itzuli behar nion eta zita egin genuen Ramon y Cajal kaleko taberna batean, bertan ezagutu nuen. Gerora adiskidantza handia egin genuen.
Sarrikoko ikaslea zen bera, Ekonomiketan. Joseba Sarrionandia eta biok Deustuko unibertsitatean genbiltzan eta eguenero joaten ginen Pott bandako bilerertara, alde zaharrera oinez. Orduko Cantabrico tabernara, Iñakiren taberna zena.Ze tabernatan biltzen zineten Deustun orduan?
Txorierriko andra euskaldun batek kudeatzen zuen taberna zen. Han bazkaltzen genuen sarritan, La viuda esaten zioten, eta oso ondo jaten genuen. Orduko Deustu hartan ordu asko pasatakoak gara gu. Kontuan hartu berton bizi ginela gu. Sarri Ramon y Cajalen bertan, ni ere Deustun eta San Inazion bizi izan nintzen, gero Basauriko Pozokoetxera joan nintzen arren. Ikasi ere bertan egiten genuen, aspaldi, oso aspaldi. Halako oroitzapen zehatz batzuk baditut, baina ez gehiago.
pott_datak:
- Prest! aldizkariko elkarrizketa pdf formatuan.
- Prest! aldizkariko diseinu berria BO5T taldeko Armanek egin du… artista bat.
- Sareak oraindik eskaintzen ez dituen batzuk eskuratzen dira paperean, ezta?
-
Arnaldo Otegi jendaurrean elkarrizketatzen
GARA egunkarikoek, sortu zeneko 10. urteurrena ospatzeko, ekitaldi sortari hasiera eman diote. Lehenengo hau, bere berri eman zutenetik ona begitandu zitzaidan. Eta baita joateko gogoa piztu be.
Arnaldo Otegi hiru kazetariren aurrean, milaka begiren lekukotasunarekin. Nazioarteko bi kazetari eta GARA egunkariako politika berriemailea. Data jakitearekin, adostu nuen nire buruarekin Donostiarakoa.
A8 autopistak zelango sustuak ematen dizkigun Euskal Erdiko biztanleoi;Â ez dago kontatu beharrik be. Pesa autobusa hartu arren, ordebete beranduago Gipuzkoako hiriburura. Tira, harira.
Kursaalera heldu, eta eskilaretan jendea, hall handi batean jendea zain, eta pantailetatik ekitaldi hasiera zuzenean. Atarratz eta biok baina barrura sartu gara, gaurko esperimentorako (net) aulkiak gordeta geneuzkan eta.
Gaurko ekitaldia sare sozialen bitartez zabaltzeko saiakera egin asmo genuen. Han zegoen bere Mac handiarekin Iñaki Olano kazetaria. Telebista pantailatik aspaldi ezagutzen genuen, sare sozialetan duela aste batzuk egin dugu topo, eta gaur elkarren ondoan kokatu gara Kursaaleko lehen lerroan.
Berak egin du zuzeneko kronikarik aipagarriena. Hiru hizkuntzatan bapo moldatzen den kazetari multimedia da Olano. Azkar idatzi, 140 karakterreko neurrian kontatu eta gainera hizkuntza ezberdinetan. #basque etiketarekin hasi ditu Otegiren aipamen guztiak.
Twitter eta facebook baliatuta, hona hemen gaurkoan zuzenean, minutuz minutu Iñaki Olanok egin duen jarraipen eredugarria.
Arnaldo Otegi GARAk antolatuta 600 lagunen aurrean, eta kalean kriston kola, jendea sartu ezinik. LA JORNADAko zuzendaria, Julietta Sgrena kazetari italiarra eta GARAko Iñaki Iriondo solaskide. Ekitaldia zuzenean eskeini dugu FACEBOOK eta TWITTER bidez. Jarraian esaldiak hiru hizkuntzatan:
Aitormen interesgarria egin du azken bake negoziaketen inguruan:
“Nazioarteko bitartekariek sintesi proposamena jarri zuten mahai gainean eta guk onartu, baina espainiar gobernuak ez.”
“los mediadores internacionales hicieron propuesta de mediador de sintesis, España no lo aceptó, nosotros sà con alguna pequeña variación.”
“mediators made a synthesis proposal, we accepted with some corrections, spanish government didn’t”
————————–———————–“Es nuestra responsabilidad el no haber sostenido durante el proceso una fuerte movilización popular, un fallo importante”
“Ezker abertzalearen erantzunkizuna da prozesuan zehar herri-mobilizazio sendo bati eutsi ez izana, akats garrantzitsua”
“It was our fault not to maintain a strong popular mobilization during the process”
————————–———————-
“En el proceso hubo prensa beligerante y en el futuro habrá que hacer un pacto de responsabilidad en ese terreno”Komunikabide batzuk beligeranteak izan dira prozesuarekin eta aurrez arduraz jokatzako hitzarmena behar da esparru horretan.
Some media were beligerant during the process and for the next time we must come to an agreement of responsability in that area”
————————–—————–
“Nazioarteko begiraleak oraindik ere laguntzeko prest daude negoziaketa bidez euskal gatazka konpontzeko”“Los observadores internacionales aún están interesados en ayudar a una solución negociada del conflicto vasco”
“International observers still interested in helping solve the basque conflict via negotiation”.
————————–————–“Aurreneko lana Estatu espainolaren blokeoa hausteko konfrontazioari eustea da, estatua ahulen eta gu indartsuen garen esparruan: Argudio politikoetan”.
“la primera tarea para superar el bloqueo de España es mantener la confrontacion donde es mas debil, en los argumentos politicos”.
” Our task for overcoming the spanish blocade is keep on confronting where there weakness is: Political arguments”.
————————–———-
“non gaude blokeatuta? Ezin marko berria eraiki, eta Estatua erresistentzian dago statu quoari eusteko”
“Dónde estamos bloqueados? En la imposibilidad de construir un nuevo marco, y el Estado está en actitud de resistencia para conservar el statu quo”
“Where are we stuck now? We cannot build a new frame and the State is holding a resistance to keep the statu quo”
————————–————————––
“Independentismo aro bat amaitu da. Eskaintza politikoa egin ezean belaunaldi berriak erakarriz, arazo larriak izango ditugu”.“Se ha completado una etapa para el independentismo. Si no somos capaces de hacer una oferta polÃtica implicando a las nuevas generaciones, vamos a tener serios problemas”
“The independentist movement has completed an era. If we are not able to make a political offer involving the new generations, then we`ll be in serious trouble”
————————–———————-
” ez dut uste independentismoa behera doanik gure herrian”.
“no creo que el independentismo esté en declive en nuestro pueblo”
“I don’t think independentism lives a decline in our country”
————————–—————
“Hauteskundeotan ezker abertzalearen mezua present egongo da. Egunen batean irabazi egingo ditugu hauteskundeak”.
“El mensaje de la izquierda abertzale va a estar presente en las próximas elecciones. Algún dÃa ganaremos las elecciones”
“The abertzale left’s message is going to be there during next elections, in fact someday we shall win the elections”
————————–———-
“EAJrentzat arazotsua da akordioa hegoaldeko 4 lurraldeen parlamentuaz, hegemonia galtzen duelako. Loiolan PSOEren alde jokatu zuten”
“Para el PNV es problemático un acuerdo para un parlamento de los 4 territorios, porque perderÃan la hegemonÃa. En Loiola se inclinaron hacia el lado del PSOE”
“A 4 territories’ parliament agreement troubles the PNV because they would lose their hegemony”
————————–—————
“Zapatero oso ausart hasi zen baina orain atzerantza goaz, men egin die alderdiko aparatuaren presioei, bere apusturik sekula egin ez duen PRISAri.”
“Zapatero empezó muy atrevido pero ahora estamos en retroceso, ha sucumbido a las presiones de su partido y PRISA, grupo que nunca ha apostado por él”.
“Zapatero was brave in the beginnings but now we are going backwards, we couldn’t stand the party’s presure, neither PRISA media group’s pressure”
————————–———————–
“Nazioarteko testuinguruan gaur helburuak lortu ditzakegu gehiengo demokratiko bat eratu ezkero. Nola irabazi dugu koxka”.“En el contexto internacional podemos lograr los objetivos si articulamos una mayorÃa democrática. La cuestión es cómo ganar.”
“In this international context we can achieve our goals if we create a democratic majority. The point is how to win.”
————————–———————-
“ETAk akordio politiko demokratikoa hainbatetan eskatu du, ta azken prozesuan armak desegiteko prest egon da. Tresnak egoerara moldatu behar dira”.“ETA ha propuesto un acuerdo polÃtico democrático en varias ocasiones, y en el último proceso ha estado dispuesta a desmantelar armas. Los instrumentos deden adaptarse a las circunstancias”
ETA proposed a political democratic deal several times, and during last process it was even ready to dismantle weapons. The tools must be adapted to the circumstances”
Zer pentsatzen du Arnaldo Otegik Zapaterori buruz?
etiketa: #basque
