-
Bakearen alde, xake mate!
Nazioartean historikoa bilakatuko da gure bidea.
Herritarren parte hartzea Euskal Herriko bake prozesuanBalizko bake prozesuan, irudimena berrikuntza eta gogoa beharrezko.
Ez dago dudarik, Bakearen artisauen ekimenak indarrak batu ditu. Indarra erakutsi du. Eta sendotu egin du bake prozesu zibilaren aldeko jarrera.Bakearen artisauak Apirilaren 8ko deialdia eta xehetasunak.
Bake bide berritzailea
Negoziaziorik gabeko bake prozesu honek, halabeharrez, gizarte zibila mugiaraztea ekarri du. Denboran higatuz doan prozesuak, nekea barik irudimena astintzea ekarri du. Eta emaitzak, espero baino hobeak izan daitezke. Errepresioa gainditu, eta indar polizial, militar eta errepresibo guztiak sahiestuz, intelegientzia zerbitzuak baino azkarrago jokatu dute bakegile artisauek. Eskuz esku. Orain apirilaren 8ko deialdia arrakastatsua izan eta bururaino eramatea izango da ezinbesteko baldintza.
Kristian Herbolzheimer bakearen aldeko aktibistaren Berria egunkariko elkarrizketa oso argigarria da zentsu horretan, eta bizitzen ari garen prozesuaren bilakaera azkar hau ulertzen joateko gakoak eskaintzen ditu.
Kristian Herbolzheimer BERRIA egunkarian (2017-III-29) Bake prozesua bera izaten ari da berezia, eta horrek behar ditu neurri bereziak. Oso berritzailea izaten ari da dena. Bakearen artisauek, beren helburuak betetzen badituzte, nazioartean eredu bat bihurtuko dute Euskal Herriko kasua.
Kristian Herbolzheimer
Herritarren parte hartzea bake prozesuetan
Kristian Herbolzheimer aditu eta arituaren ponentzia Iruñeko Bakearen aldeko Foro Sozialean. (Bideoa)Ahotsa.info-k ere elkarrizketa interesgarria egin zion aktibista honi. Eta orain elkarrizketa berriz ikusita, gaur egun gertatzen dena hobeto ulertzeko nazioarteko kode eta gako batzuk eskaintzen ditu. Badakigu jakin, Euskal Herriko prozesua bakarra eta berezia dela -horretan iaioak gara euskaldunak- baina, horrek ere aukera berriak zabaltzen ditu, dudarik gabe.
#BakeForoa Entrevistas con Kristian Herbolzheimer, el Defensor del Pueblo de Navarra, Currin y J.M. Olano http://t.co/oUfhFl9vLH
— Ahotsa.info (@AhotsaInfo) 2014(e)ko ekainak 23
Euskal Herriaz, Aljazeera katean
Nazioarteko adituen ekarpenak
Nazioartetik, esan dugunez adi adi jarraitzen dute Euskal Herriko bake prozesua. Bere zailtasunak irakaspen asko ematen dituelako besteak beste. Azterketa berrienetako hau da Conciliation Resources erakundearena.
Baionako giroaz
BAIONA prest eta ilusio handiarekin somatzen da #desarmea gauzatzeko, bake bidean Aitzina.
BiBa zuek! #Bakegileak
pic.twitter.com/YvQytXyP0r
— gaztelumendi (@iPatxi) 2017(e)ko apirilak 3Euskal alderdi eta sindikatuek irakurri duten adierazpena, osorik https://t.co/j2MuCZYyiE
— EiTB Albisteak (@eitbAlbisteak) 2017(e)ko apirilak 5
-
BAKEA baldintza behar beharrezkoa
Bake bideak puri purian dabiltza aspaldion.
- ETA ez da erakunde armatua izango apirilaren 8tik aurrera.
- Desarmea gauzatuko dute Bakearen artisauek, ehundaka lagunen laguntzarekin.
- Baldintzak. Egoera. Politika. Herrigintza. Bakea.
La Paix Maintenant, une exigence populaire
LA PAIX MAINTENANT, une exigence populaire por lautrecampagneThomas Lacoste errealizadore, kazetari eta editorea ezagutu berri dut. Lanean ari da. Elkarrizketa ugari egiten ari da Euskal Herrian bakegintzari buruz, bake prozesua bultzatzeko asmoarekin, Bakearen artisauen aferari lotutako hainbat lan burutzen ari da.
Aste erabakiorrak dira hauek, behar beharrezkoak. Bakea eta askatasuna elkarrekin doazela uste dugunok, gatazka amaitu eta eskubide guztiak onartuko diren egunarekin amesten dugunok, arretaz eta arduraz jarraitzen ditugu egunez egun gertatzen ari diren, bultzatzen ari garen egoera berri honetarako gertaerak oro.
Thomas Lacoste bere lantaldeko kideekin, filmatzen.
Guzti hori filmatzen ari da Thomas Lacoste une honetan. Eta goiko bideo hori baino oraindik esanguratsuago bat egiten dihardu egunotan Euskal Herrian. Apirilean argia ikusiko duena. Bakea, ezinbesteko baldintza delako. Behar beharrezkoa. Eskaera lejitimo bat.informazio gehiago: la paix maintenant
-
Hemen BAQUEari #elkarrizketa esaten diogu
kafearen epelean
Kafe asko, eta leku askotan beharko dira benetako bakea ezagutu nahi badugu. Kafe asko, eta jende askorekin hartu eta jaso beharko dira, euskal bideren batek aurrera egitea gura badugu.
Ezin imajinatu daitezke, munduan zehar lortu diren lagun guzti hauek erakartzeko, zenbat hitzordu, kafe, txosten, elkarrizketa eta hegaldi hartu dituzten hainbat eta hainbatek.
Gure belaunaldiak, atzetik datozenei egingo dien ekarpen onena hauxe izango da gainera, bakegintzarena. Borroka askotatik gatoz, mila frente eta bataila, baina orain kafearen epelean… elkarrizketarako bideak ireki behar dira mila esparru eta txokotan. Bat-Bat harremanak gero eta garrantzia gehiago daukan une historiko honetan.
Askatasuna eta bakea
Txoriak libre izan nahi du, herri honek ere bai. Guztion artean, apurka apurka lortuko dugulakoan. On egin deizuela kafeak, eta kalterik ez elkarrizketak. -
Udan ez dago etenik
- Ideiak sortzeak eta ideien garapenak udan ez du etenik. (i+g)
- Komunikazioaren gerrilla freskotu egiten da hondartzan, pankarten brilloa nabarmentzen da eguzkitan… grafitiek kolore biziagoak behar dituzte egun eguzkitsu zein lainotuetan.
Lekeition ere #libre #28akereLibre!!! pic.twitter.com/PrEmfR8F4c
— Alain Urizar (@alainurizar) July 19, 2014
- Harean margotzen dute gorputz biluziek, txoznetan pankartek estaltzen dituzte zuloak, irratietan saio freskoagoak egin nahi dituzten arren, berunezko gaiekin ari gara oraindik…
- Ideia zoragarriak sortzen dira, gurean bezala munduko beste leku batzuetan: #yeswecanvies
#YesWeCanVies #AraOMaiCanVies http://t.co/2jjEd5lx9a
— Sants*TV (@SantsTV) July 21, 2014
[BIDEOA] Arrantzale bizardunak Elizondon izan ziren atzo eta bandera espainola kendu zuten https://t.co/3UFEoGfnTB @AhotsaInfo
— naiz: (@naiz_info) July 21, 2014
Oporretan, lan barik, letra eta kantu artean jarraitzen dugu oraindik: bietan jarrai. Bitartean, Gazako gorputzen gainean suak darrai, lurra txikitu eta jendea erruz hiltzen ari dira. Eta munduaren beste erdiak erasoa gelditu ezinik, elkartasuna erakusten dio Palestinari, herriari, herri izan nahi eta uzten ez dioten horri. Hemen Urkullu bezalakoek txorradak esaten jarraitzen dute, txistua jotzen dute ekitaldi ofizialetan eta nazioarteko bakegileak atenditzeko astirik ez dute izaten.
“Ikusi Mendizaleak” jotzen Gaztemundu programan parte hartzen duten gazteentzako antolatutako harrera ekitaldian pic.twitter.com/zCwoqMSkI4
— Iñigo Urkullu (@iurkullu) July 9, 2014
Está bien que @iurkullu reciba a estudiantes de Derecho y toque txistu a la diáspora. Lo que no entiendo es su postura con Powell&McGuinness
— GARA Iñaki Soto (@gara_isoto) July 16, 2014
Eta guk irratian, horretaz guztiaz berba egiterik besterik ez daukagu, udako saio fresko izan nahi duen horretan. Karelean, info7 irratian.
#Tertulia #Karelean saioan: Patxi Gaztelumendik @iptx eta Izar Mendigurenek @itzulipurdika: #ETA + #azpiegiturak http://t.co/vgBypdzWFb …
— Info7 Irratia (@info7irratia) July 21, 2014
Hau guztia eta gehiago da uda, ez dago etenik. Ez ur etenik, ez su etenik. Atxiloketak hemen, bonbardaketak han.
Christophe Deprez @LDH_Fr eta Anaiz Funosas @BakeBidea: Aranalderen atxiloketa lotsagarria da! @nierebanoa pic.twitter.com/8YivJo6uSo
— Ekhi Erremundegi (@EkhiErremundegi) July 21, 2014
In the Basque Country tonight after a long day of intensive talks with key stakeholders in the Basque Peace Process.
— Martin McGuinness (@M_McGuinness_SF) July 16, 2014
Bakegileak nazio artean bidaiatzen. Gu hondartzan etzanda. Tertulianoak oro jakile. Kazetariak galduta. Iparrorratzen garaia behar luke honek.
Uda gerra da, beste modu batera, beste eguraldi batekin. Guztiontzat.
-
I support basque peace process, and you?
The aim of this website is to provide a reliable insight on the opinion and initiatives developed by Abertzale Left in order to overcome the ongoing political conflict. We will also pay special attention to different international initiatives promoted in relation to the peace process.
The International Community has an important role to play on the resolution of the Basque Conflict and Abertzale Left understands that it must establish direct sources for them to understand where Abertzale Left stands.
The meaning of Abertzale is strongly associated with a particular understanding of Basque nationalism as a progressive and internationalist movement involving a wide range of organisations such as political parties, unions, cultural organisations, and significant parts of the women, environment and internationalist movements who believe in the liberation of Basque Country. As republicanism has a special understanding in Irish context, abertzale could not be translated as mere nationalism without understanding this progressive role.
Abertzale Left advocates for an independent and socialist Basque Country. But our priority is to establish a democratic scenario where all political projects can be implemented accordingly to the will of the people. To reach such scenario we believe that the conflict has to be solved through democratic and peaceful means, on a multi party based dialogue, negotiation and agreement process ruled by the Mitchell principles.
-
Otegi eta Anoeta
Egunotan Madrilen dago arreta.
Madrilen Anoeta.
Jendetza eta mezu trukaketa belodromoan.
Bakea euren asmoan.
Belodromoa beteta
Anoeta gogoan
Hasi da epaiketa
poliziaren salaketa
herriaren errieta
Hitza kendu digute, baina geroan
zerbait sortuko den esperoan
jarriko dugu arreta
ez gaudelako erreta
Bakea eta askatasunaren beroan
ospatuko dugu etaArnaldo Otegi, Joseba Alvarez eta Joseba Permach dira epaituen aulkian jezarritakoak. Anoetako proposamena delitua. Bake proposamen bat, mundu guztiak aintzat hartu zuen bi karrilen diskurtso eraberritua. Negoziazio bideei ekiteko ibilbide berri bat. Ezker abertzaleak ontzat hartu, eta besteek ere onartu zutena. Bake asmoak eurak dira delitu antza, beste zenbait mozorropean.
Arnaldo Otegik kartzelan jarraitzen du. Negoziazio prozesuetan burubelarri murgilduta egon den ezker abertzaleko liderra. Orain herria, orain bakea proposamena Gasteizko legebiltzarrean jaurti zuen liderra, Ibarretxeren planari baiezkoa eman zion politikari abila. Mila eta bat bihotz taupadaka jarri dituen militante abertzalea. Espetxea behin eta berriz ezagutu dituen preso politikoa. Herri honen esperantza dena gaur egun. Nelson Mandela gazte eta jantzi bat.
Arnaldo Otegiren askatasunaren alde diharduenak, ez du Arnaldo Otegi soilik askatzerik nahi, eskatzen… gehiago eskatzen du. Baina une honetan, Otegik askoz ere gehiago batzen du bere baitan. Hitza, Anoeta, proposamenak, kartzela, prozesuak, bakea, bide politikoa, urratsak batzen ditu Arnaldo Otegiren figurak, itzalak. Zorionez.
Epaiketa digitala ere bada
Arretaz jarraituko dugu prentsan eta sarean Anoetako epaiketa. Otegi eta Anoeta. Azala eta mamia. Epaitua eta epaiketa. Bi etiketa. #otegi eta #anoeta Eta mundu guztian ari da zabaltzen, Interneti esker, hedabideetako profesional askori esker, jendearen mezueengatik, arretagatik… eta poztekoa da hori.
Anoetako proposamena biltzen duen bideoa.
bideoak.ezkerabertzalea.info -
Gernika
Altsasu, Brusela, Gernika
Gaur arratsaldean aurkeztuko da Gernikan beste dokumentu garrantzitsu bat. Euskal Herriko hainbat eragile sozial, politiko, sindikalek egingo dute aurkezpena. Euskaraz, gaztelaniaz eta frantsesez. ETAri sueten iraunkorra eskatzeaz gaina, Espainiar gobernuari ere eskaera zehatzak eta egingarriak luzatzen zaizkio. Bi folio eta hainbat puntutako testua da. Eta gaur bertatik arreta piztuko du. Pausu berri bat, eskaera historikoa izango da. Abiapuntutik, beste urrats bat. Ezer lortu, egin, eskatzeko funtsezkoa.
Atzo dokumentua irakurtzeko parada izan nuen. Hedabide batzuek, -Aralarren filtrazio lotsagarriari esker- zenbait zertzelada interesatu eman zituzten, ez akordio eta irtenbidearen alde presezki, baizik eta sortzen ari den giro hau zangotrabatzeko nire ustez. Aralarreko kideek pentsatu beharko duten zertan ari diren azken aldian, Vocento eta Noticias taldeekin elkarlan horretan. Kontua da, parte hartzen hasi diren kontu guztietan, konfiantza hausten ari dela. Parte hartzen hasi diot – orain arte, nahiko axolabeki aritu direlako, besteak beste-. Aralar, PNV bezala urduri edo tematuta dago. Urteotan eskatzen ibili dena, gauzatzen ari dela ikusi duenean urduri jartzen denak arazo latza dauka. Ez du sinestu orain arteko bidean, edo ez du bide honek aurrera egin dezan nahi. Horri interes partidista deritzo, eta uste dut, norbanakook ere esan beharko dugula nahikoa dela.
Parentesi zorigaiztoko hau gaindituta. Ikusiko dugu bihartik aurrera, irekitzen ari den bide honek, ze urrats emango dituen. Altsasuko adierazpenarekin bide berri bat markatu zuen ezker abertzaleak bere osotasunean. Eztabaida politiko historiko horrek, Zutik Euskal Herria izeneko bidea markatu du hiru norabideetan: a) gatazkaren konponbidea b) eskubide zibil eta politikoen defentsarako herri harresia, eta c) Independentziaren aldeko indarren batuketa.
Hiru norabide eta jardunbideek, zeinek bere bidea erakusten ari da azken hilabeteotan. Ezker abertzalea demostratzen ari da, bere eztabaida politikoak, eta batez ere bere eguneroko jardunak, Euskal Herriko mapa, giroa eta martxa azkartzeko gaitasuna. Konponbiderako, zein eskubideen defentsarako, eta zelan ez, independentziaren aldeko urratsetan, ikusi dugu ekintza, agerraldi, eta dinamika bat baino gehiago piztuta.
Zorabiatuta dago bat baino gehiago, letra zopa iruditzen zaio baten bati, beldurra dute askok -etxean eta kalean-, giroa piztu da sektore askotan, mesfidantzaz ikusten dute deprimituek…. baina somatzen da zerbait gure XXI. mendeko Euskal Herri honetan. Ari gara, norbanakoak, zein kolektiboak zerbaitetan.
Gernikako agerraldia, Euskaldunakoa bezala, Bruselakoaren antzera, Greba Orokorrean edo Aberri egunean moduan, martxan den herri baten irudi dira. Ez dira irudi finkoak, ez dira zuribeltz manipulatu eta erretokatuak. Ez. Egoera dinamiko baten islada dira, bizi nahi duen populu baten adierazpide.
Biharkoa egiten ari garelako, unez une.
** eguneraketak **
argazkia eta edukia:Â ezkerabertzalea.infoGARAk ETAko bi kiderekin egindako elkarrizketa aurreratu du edizio digitalean.
ETAk sueten iraunkor eta egiaztagarrirako borondatea agertu du, baita urrunago joateko ere
«ETA tiene disposición para un alto el fuego permanente y verificable, y también para ir más lejos»
Gustatuko zaizu ere
Hemen BAQUEari #elkarrizketa esaten diogu
Gora Euskal Herria
Euskaraz edo bestela ez gara?
-
Etorkizun abertzalea
Udaberria heldu da Euskal Herrira.
Eguzkitsu loratu dira asteburu osteko egunak. Loretsu esnatu dira gure bazterrak. Udaberriko egunak bizi ditugu idatzietan, entzuten diren elkarrizketetan, susmo politikoan eta tabernako solasaldietan.
Neguko eguraldian tematuta daude oraindik albistegi ofizialetan, politikari profesionalen ahoetan…. komunikatu eta agiri zaharkituetan.
Etorkizuna gaur
Eta ni, ikusitakoak ikusita, esperantzari leihoak ireki eta etorkizuna abertzalea dela irudituta nago. Tematu nahi nuke horretan, eta koloretako etorkizuna ikusten diot Euskal Herriaren aldeko jarrera politikoari. Etorkizuna gaur da ordea, gaurdanik dagoelako zer pentsatua eta zer egina.
Independentziaren aldeko sare soziala
Eta Independentistak sarea indartsu ikusten dut. Sorrera arrakastatsua izan du, garapen librea behar du orain, partehartzailea. Eta sarea izan gura duenez, baditu ereduak sarean, antolaketari dagokionez, partehartzeari dagokionez… koloreeen erabilerari, kodea irekitzeari. Eskozian, Katalunian, beste nazio batzuetan gu baino trebeagoak dira agian sarearen erabileran, Internet kontuetan. Baina gu be,ari gara esnatzen, ari gara ikasten, ari gara trebatzen…. apurka apurka. Ari gara, eta bagoaz.Aberri egunaren koloreak
Domekan Aberri Eguna ospatu zen hemen eta han. Irunen eta Hendaian. Santiago zubi historikoak, Bidasoak batu zituen bi ekimen, hainbat lagun, ideologia ezberdinak eta asmo bakarrak. Independentziak. Eta Bidasoa da lekuko, Santiago zubia, Irun eta Hendaia, zein den norabidea. Errekatik itsasora. Auzotik herrira. Nazioa munduan. Bide horretan batasunak ematen duen indarrarekin, konfiantzarekin. Ez da bide erreza izango, baina ezta ere batzuk esaten duten bezain aldapatsua.
Igandeko irudiak Nafarroan.com agerkari digitalak bildutako bideo honetan.
- Aberri eguna, egun bakarretik dinamika iraunkorrera zelan pasa? Egun bateko ilusiotik, eguneroko lanabes bilakatzeak ez du erraza izan beharko. Politika ofizialetik at, ekimen pratiko etengabera.
- Hendaia eta Irundik kanpo geratu zutenek, pentsatu beharko dute zer egin aurrerantzean. Bilboko plaza berriko zein Urruñako argazkiek, kezka eragin beharko lieke alderdiotako buruzagiei. Independentziaren bidean murgildu gura ezkero, koloretako argazki anpliatua Bidasoaren ertzetan zegoen. Jendetsua eta irekiagoa askozaz.
- Euskal Herriak nazio izan gura badu, pausu barriak eta eraginkorrak eman beharko ditu.
- Treguak eta desarmeak eskatzea ondo dago, baina injerentziarik gabeko egoera batera hurbiltzeko, bakoitzak zer egin asmo duen azaltzea falta da orain.
- Ni ez naiz Brian Currin, konflikto gutxi konpondu ditut bizitzan, baina Bruselako ekimeneko partaideen kurrikulumak, bizitza irakurrita… otutzen zait gureari ekiteko gogoa badute, lana sobera izango dutela. Eta bidean, euskal herritar ugari izango dutela laguntzeko. Borondaterik ez da falta… eta konponbiderako uneak ikusiko ditugu apurka apurka. (Bruselako ekimena, aurkezpen bideoa)
GaztEHerria eremu independentista indartsua
Durangoko sorrera ekitaldiak erakartzen ninduen. Gazte mugimendua bizkortuko zuen ekimenen bat faltan somatzen baitnuen. Errepresioak hainbat gazte kendu ditu paretik, antolatutako jende baliotsua espetxeratu dute, beste askok etxetik ihes egin behar izan du, gartzelara joan baino. Eta gazteek hala ere adorea erakutsi dute. Errepresioaren kontrako dinamikan baino, sorkuntzan murgildu dira. Eta mugimendu anitzagoa, koloretsuagoa, indartsuagoa sortu dutelakoan nago. Segi izan zena baino gehiago da GaztEHerria, eta indartsu erakutsi du bere burua. Antolaketan iaioak dira gazteak, eta indar erakustaldia egin dute Durangon. Aurkezpena, eztabaidak, ekimenak, kontzertu potentea… eta milaka gazteren partehartzea gainera.- Gazte abertzale andana batu da ekimenera, nahiz eta batzuk iratzarri ordez, lokartuta jarraitzen duten. Nagusiek paga kendu edo zigortuko dituzten beldur.
- Independentzia aldarrikatzetik, ekimen pratikoetara urratsa eman beharko dute orain. Kontzertu erraldoietatik, auzoetako lan txiki eta emankorrera.
- Euskal Herria eremuz zabala den bezala, gazteriaren kezkak Tuteratik Karrantzara, Hernanitik Maulera eta Miarritzetik Etxarrira hedatu beharko da. Orain arte baino gogotsuago beharbada.
-
maitasunaz irratian
no time for love kantuarekin abiatu dut aste honetako kronika laburra info7 irratian. Hertzainak taldearen kantua ekarri dugu gogora, baina kantua entzutea ere posible egiten du Internetek. Irrati kronika izanik… zer hobea kantuarekin hastea baino.No time for love kanta ederra da, eta beharbada horrek egin du hain azkar, hain ausart sarean zabaltzea. Egia esan ikaratzeko moduko abiadura hartzen dute etiketek sareen sarean.
Salaketa bat egiteko modu polita izan da, ezberdina. Betiko lelo errepikakorretatik haratago, etiketa bat, kantu bat, mezu bat, jarri dugu hizpide. Eta jendeak erantzun egin du… bestela begiratu bildu.net honetan notimeforlove etiketarekin zenbat gune dagoen.
Eta technorati ere jabetu da horretaz, ez da dudarik. Euskal Herritik abiatu den ekimenak, gure mugak gainditu ditu, nazioartean ari da, eta eman ditu zenbait itzuli dagoeneko, batean eta bestean.
Maitasuna; maiteminduen eguna izango da otsailaren 14koa ere. Greba orokorra dago deitua gurean. Beraz, no time for love.
notimeforlove info7 irratian entzun gura baduzu:
[audio:http://www.info7.com/wp-content/uploads/2008/02/20080212_400.mp3] -
No time for love | berriz ere
Ez dute uzten, maiatatzen gauean
Euskalduna izatea, abertzale jardutea, herrigintzan ekitea, militante jokatzea, ez da posible.
Maitasunaz jardun gura nuke, baina ez dago aukerarik.
Demokraziaz mintzatu nahi, baina ez dugu ezagutzen.
Internet gauza handia da, gure askatasun eremu ttipia ere bada, eta horretan aritzen gara, askatasuna hedatzen, askatasuna zabaltzen, askatasunari oihu egiten, askatasuna aldarrikatzen.
No time for love abesti bat baino gehiago bilakatzen ari da. Abesti polita da, eta une etengabeak dakartza entzuteagaz batera.
otsailak 14. maitasun taupadak, greba EHan. otsailak 14, no time for love. otsailak 14… zuk ere kontatu zer ikusten duzun, zelan bizi duzun, zertan ari zareten zuen auzoan, zuen herrian, zuen lantokian. greba, mobilizazioak. errepresioa. erantzuna. no time for love. Euskal Herria dugu irabazteko.
(lotsagarri Bilbon, notimeforlove)
technorati etiketa zabaltzen. notimeforlove
postdata:
[audio:http://euskalherria.indymedia.org/media/2008/02//46329.mp3]
no time for love lehenengoz idatzi nuenetik, oihartzuna hartzen ari da sarean. pozten naiz. jarraitu dezagun horretan. azken finean maitasunaz ari gara, ezta?
Kuña bat ari da zabaltzen sarean, greba orokorrera deituz:
