-
Al jazeera euskaraz nahi dugu
Al Jazeera telebistari begira gabiltza egunotan. Arrazoiak hamaika: direla Arabiar eremuetako matxinadak, Japoneko lurrikara edo arrisku nuklearra, nazioarteko egoera, kultura eta sorkuntza, twitter zelan baliatzen duten, edo iragarri diguten The Stream emankizun barria. Hara begira gabiltza hemen. Gure pantailetaraino heldu da Al jazeera.
al bisteak 2.0
Hurrengo geltokia: Al Jazeera euskaraz
Horrelako telebista bat interesgarri egiten bazaigu, zergatik ez aldarrikatu holango telebista gurean, euskaraz?
Eta hori eskatzen ez gara hasi ba? #aljazeeraEuskaraz nahi dugula eskatzen hasi gara sare sozialetan. Broma dirudi, baina ironia baino gehiago daroa berarekin aldarrikapenak.
Aldarrikapenak, berehala hartzen du itxura eta izaera sarean. Egun bakar bat, aski da…. gori gori jartzeko eskaera bera. Zuzeu.com albistegian idatzi, sare sozialetan mugitu… eta ikasi dugu euskaldunok ere, holango tresnak zelan erabili.
Eskatu? Aldarrikatu?
Gure hacker izaera frogan jarri, eta Al Jazeera bera euskaratu dugu, euskarazko edukiak sartuta. Gure iritziemaileen artikuluak, kulturgileen sorkuntza, bideoak, elkartasun bideoak, musikarien lana, iritzi politikoak…. Euskal Herritik Al Jazeera bat behar dugula aldarrikatu eta pantailaratu dugu.
Eta bapatean, Fermin Muguruzak telefonoz deitu, sarean ekimenaren berri izan duela, blogean jarri ez ezik, Al Jazeera english kateko zuzendariari deitu behar diola, asko gustatu zaiola ekimena… flipatuta dagoela, flipatzen ari dela… hiruzpalau aldiz flipatu erabili du, mugikorrean utzi duen mezuan.Sare sozialetan oihartzuna
Eskaera aldarrikapen egiteko ere, kodeak ditugu, hoiek kopiatu, sarean jarri… eta gehiago zabaltzeko.
-
wwww
wikileaks world wide war
Gerra hasi da, eta asko ez da ohartu oraindik. Munduko nagusiak baina, hasi dira erasoan. Informazioa, askatasuna, sarea dago jokoan. Eta duintasunez hasi da gizarte zibil Internauta, eta munduaren jabe direnen (Estatuak, banketxeak, botere erraldoiak…) arteko lehia.
Gerra bizi izan gabeko belaunaldia gara. Gerra beti albistegietan, nobeletan eta gure arbasoen kontakizunetan entzun eta ikusi izan dugu. Honetan ez dago ejerzitorik, ez dago izkutuko edo ageriko armarik. Kodea eta sormena dira tresna. Debekua eta zigorra erantzuna.wikileaks EH infogunean, informazio ugari ari da batzen, eta harrigarria bada ere aski da bildu.net agregatzailean #wikileaks etiketarekin zerbait gordetzea, automatikoki argitaratua izan dadin. Infogerra garaiko aurrerakuntzak, besteak beste. Software eta garapen libreen aukerak.
Eta artikuluetako bat, Manuel Castells pentsalariarena da. La Vanguardia egunkariko zutabe batean, zibergerra zelan hasi den kontatzen eta azaltzen digu Berkleyko irakasleak. Eta zer pentsatua ematen du artikuluak. Non gauden kokatzen gaitu, argi eta garbi.
Euskal Herrian, zer?
Harrigarria egiten zait, gerra berri honen aurrean, gure inguruko hedabideen kezka bakarra, ETA zein Euskal Herriari buruzko kableak aurkitzea izatea, mundua gerra berri batean murgiltzen, VISA.com edo mastercard internauta eta hackerrek botata, eta guk EAJkoek Zapaterori zer eskaini dioten azpimarratzen. Egia esan, agenda osatzeko modu hau ez dut ulertzen.
Albisteak 2.0 saioan, emankizun berezia egin dugu guzti hau ulertu eta interpretatzeko asmoarekin. Balio beza, abiapuntu gisa.
Anonymus taldearen mezu berria sarean> hitz egin! adierazpen askatasunaren alde
-
Txinaurri lana
euskal kultura gaur, eta bihar
Argazkiak.org | Liburu eta diskoak, euskarazko edukiak © cc-by-sa: gaztelumendiDurangoko azoka hasten da gaur. Urteroko zita, aspalditik. Euskal kulturgintzan, sorkuntza diharduenarentzat garrantzitsua. Sosak batetik, eta topagunea bestetik. Urteko balantzea, eta urteko uzta. Merkatua da Durango. Eta merkatua ere elkarrizketak dira… ezta?
Euskarazko kultura, sorkuntza maite ditugunok badakigu ze garrantzia duten horrelako uneek, guneek. Eta gurean, sorkuntzaren adierazpenari dagokionez, garrantzitsua da, urte osoko, eta batez ere udazkeneko guztia ikustarazten baita bertan. Euskarazkoa eta bestelakoa ere.euskal kultura eta sarea
txinaurri lana
Iñaki Perurena eta
Zuzeu Komunitatea
Argazkiak.org | Iñaki Perurena eta ZuZeu komunitatea, biba zuek! © cc-by-sa: gaztelumendi
Abenduak 6, arratsaldeko 18:00etan, Durangoko Plateruenan, zita bat daukagu Iñaki Perurenarekin. Zuzeu komunitate osoa dago gonbidatua bertara: sortzaile, erredaktore, kolaboratzaile, partehartzaile, irakurle… eta zu zeu!lip dub Euskal Herrian
beste zita bat
Azkenik, abenduaren 6a, egun berdetzat deitu du Independentistak sareak. Eta besteak beste, egun horretan Independentziaren aldeko lip dub koloretsua ere grabatuko da Durangon.
-
Bideojokoak aitite amonen kontuak direla?
Zur eta lur geratu nintzen, Aiora Kintana adiskideak esandakoak entzuterakoan. Belaunaldi berriekin jokoan, gusturen karta joko, bingo eta bestelako jolasetan ibilitako aiton/amonak direla ez digu esan ba?!
Bideojokoen ikuspegi hezitzailea, kolaboratiboa, gorputza lantzen duten joera berriak (wii eta horrelakoak), interakzioa, pentsamendua lantzekoak… mundu bat dago eremu horretan. Eta ni, barka, ezjakina naiz.[ Txikitan horrelakoekin zaletasunik ez -makinetarako txanponak be urri poltsikoetan-, ordenadore kontuetan berandu hasitakoa, lehen ordenadorean 1996an izan nuen niretzat, aurretik gaztetxerako hartu genuen bat, unibertsitatean irakasleen bulegoetan egiten genituen autoediziozko kartelak… eta jokoei ez diet batere jaramonik egin inoiz. ]
Aste honetako telebista saioa prestatzen ordea, zeozer irakurri, ikusi eta murgiltzeko aukera izan dut. Jolasteko betarik ez dut hartu. Baina badago egon, mundu ikaragarri bat atzean. Softwarea, diseinua, interakzioa, ekonomia berri bat, lehiaketak, topaketak, garapenak, aplikazioak… eta gure inguruan ere jende ugari dabil langintza hoietan. Gehienak oso gazteak, baina era berean oso trebeak.
Belaunaldi berriagoek, aisialdian garrantzia handia ematen diete horrelako joko eta trikimailu digitalei. Harremanak, jolas kolektiboak, topaketa fisikoak ere bultzatzen dituzte… eta mundu horri so geratuko naiz bide batez.
Gogoeta bat, zer pentsatua ematen du gai honek. Horretan gaudela, hurrengo geltokia zein den pentsatzen hasi beharko gara. Asko egunotan BECen izango dute geldialdia.
