Herriko produktuen azoka

Urtero itzelezko arrakasta izaten duen azoka da gaurkoa. Larrabetzuko baserrietan urte guztian zehar ekoizten dena egun batez plazan ikusgai eta salgai. Oraindik baserri askotako solo eta kortetan bizitasuna dago. Gainera ekoizle ekologiko berriak daudenez, txakolindegi berriak, pastel eta ogiak… denatarik dastatu eta aukeratzeko parada daukagu.

Arratsaldean bi lagunen aizkora desafioa, eta dagoeneko gero eta arrakastatsuagoa den bertso poteoa. Aurtengoa ere ez da makala izango. Gonbidatuta zaudete, garaiz… txakolina neure kontu.