Aritmetika arazoak?

Logistika ezagutu dut gaur gertutik.

Ziur berba grekeratik datorrela.

Logika ere baliatu dela ezagutu dut.

Matematikak, aritmetika, geometria apur bat… eta batez ere baloredun ekimen eta jende ugari.

Aspaldi utzitako Miribilla batean egon naiz. Saski baloi pabeloi izugarri handi bat, Bertsolari txapelketa nagusi batean beste jende sartzen den eraikintzarra.

Eta inguru guztia kutxaz beterik. Nazioartetik datozenak, nazioarteko elkartasunetik; eta asko eta asko Euskal Herritik heldutako erropa, jostailu, beroki, manta, lo zaku, zapatilla eta maitasunez betetako ehundaka, milaka kutxa. Izugarria!

Logistika

Eta jende zoragarria lanean. Auzolanean. Borondatezko lan nekaezinean.

Ezkerreko jubilatu greziarrek kudeatzen duten elkarte bat da Pampiraki. Piraeus-eko portuan hasi ziren itsasoz bestaldetik zetozenei laguntzen. Honetan jarraitzen dute. Eta Sos Refugiados sareak laguntzen dio.

Bi emakume ausart, eder, jator, ikaragarri interesanteek kudeatzen dute guztia, beste lagun askoren ondoan.

Mila esker Negia Milian kubatar greziarrari, eta Grezian bizi den Patricia Colon sortzez madrildarrari. Itzela!

Sos Refugees in Greece

Kantu hau etorri zait burura, ez dakit zergaitik. Biba zuek!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude