martxoaren 11 hura
Gaur, goizean sukaldera sartu eta Seaskako egutegia ikusitakoan: to! martxoak 11 du gaur egunak.
Eta dagoeneko lau urte igaroak dira.
Egun hartan, mantsoago igaro ziren minutuak. Eta pantaila aurreko orduak. Eta mezuak. Eta politikarien esanak. Eta Otegiren mintzoa. Eta trenak ez ziren gehiago igaro. Han geratu ziren.
Gogoan duzu egun hura? Akordatzen zara?
Orduan ere, hauteskunde giroan murgilduta. Eta Al Qaedak egin ekintza ETAri leporatu zioten Acebesek eta Ibarretxek, batak zein besteak. Ikerketak isilarazi zituzten, eta telefono bidezko mezuek mundu bat mugitu zuten oso ordu gutxitan PPren kontra.
Eta Zapaterok hauteskundeak irabazi zituen gero.
Lau urte igaro dira ordudanik. Eta gogoratzen jarrita…
3 Iruzkin
Luistxo
Gogoratzen jarrita, zer?
iPtx
Ariketa bat Luis, gogoratzen jartzeko gonbidapena…
zenbat gauza ez ziren gertatu egun guzti hoietan, zenbat sentimendu ezberdin gurutzatu ziren euskaldunon artean…
Gogoratzen jarrita… esan eta ahotsa joan zait. Pentsamenduak etorri dira gogora, zurera etorriko ziren moduan, albokoarenera, auzokidearengana… auskalo.
Lau urte pasa dira.
gotzon
“gogoratzen jarrita, zer?”
– zer? zer ari zara, hemen ere kontu eske?