agit/prop,  larrabetzutik

kirolariak ez daude geldi egoteko

2007-12-19 / 5 Iruzkinak

Hasi dira mugitzen. Abenduaren 29koak historiko izateko zantzu guztiak ditu. Partida Euskal Herriaren izenean jokatuko du selekzioak -Urkullu bera be hasi da marmarka..- eta gainera Bartzelonan egiten duten antzera Nazio bat selekzio bat manifestazioa egingo da Bilbon.

Argazki hau esanguratsua da. Futbolari, txirrindulari, herri kiroletako partehartzaileak, arraunlariak, gizonak, emakumeak… zer ez den batu Donostian kamaren aurrean.

Doka kafe antzokia txiki geratu eta kanpora atara behar izan zuten argibila. Flashak ez luke guztia ondo hartuko eta. Poztu nau argazkiak, beti ez dira horrelako ekimenak ikusten eta.

Euskal selekzioen aferak, hari asko mugitzen ditu gure herrian. Konponbidea, konponbide handiago baten parte edo zati izan daiteke agian. Giltza, zerraila asko zabaltzeko bera da. Baina kirolariek eurek hartu dute lekukoa. Eta poztekoa da hori.

Gure herrian be, zeozer mugitzen ari da horren inguruan. Eta argazki horren zain geratzen garen bitartean, foto nazionalari begira gaude gu. Eta partidua mundiala izango ei da zaletuen iritziz. Ikustekoa hori be!

Gustatuko zaizu ere

Ashraf Fayadh

2016-01-14

Literatura eta memoria historikoaz

2016-12-28

josemigel etxeandia LIBRE

2015-12-28

5 Iruzkin