Harriak, artaziak eta (gure) papera Komunikazioan

Kazetaritza ez da delitua, dio mezuak. Eta horrela irakurri dugu sarean, hedabideetan jaso, irratian entzun eta telebistaren baten ikusi. Iraitz Salegi gaztea epaituko dute maiatzean Madrilen, Gazte Danbadako irudiak eta albisteak Topatu.info bidez hedatzeagatik. cropped-kazetaritzalibre.jpg

Hedabideetako kazetarien sustengua

Eta poztekoa da 400 atxikimendu baino gehiago batzea salaketa honetara. Garai berriak, akusazioaren larritasuna eta Adierazpen Askatasunaren aldeko urteotako lanak emaitza hauek ditu. Zu eta ni, beste hura…. denok gaude Audientzia Nazionalaren ezpataren azpian, haren beldur, nori zer eragingo… eta guk geuk ere jarri beharko ditugu neurri batzuk.
Hedabideetako profesionalak, unibertsitateko irakasleak, sareko proiektu komunikatiboetako kideak… guztion arteko batasun honek balio beza Adierazpen Askatasunaren aldeko hitz harresi eder bat antolatzen joateko, oinarriak jartzeko bederen. Azken urteotan gehiegi ikasi dugu, asko sufritu dugulako.

Hitz debekatuak

S.A. taldea
Ez dira debeku eta errepresio agindu bakarrak izan orain aipagai ditugun hauek. Gasteizko S.A taldeari beste behin ere, Madrilen jotzea debekatu diote. Ez dira bakarrak, Berri Txarrak, Fermin Muguruza, Manu Chaorekin ere antzeko jarrera agertu dute eskuineko agintari frankistek.

S.A. Audientzia Nazionalean
S.A. Audientzia Nazionalean

Gure papera

Eta zein da gure papera? Zer egin Mordaza legearen aurrean? Zelan jokatu? Horrelako gogoetak ditugu hizpide egunotan. Eta saiatu gara horrelako galderei kezka berriak gehitzen. Gogoeta eragin, eta hedabide independiente, libre, azkar, digital, partehartzaile, zabal, eta herritarrekin lanean jarraitzea, komunikazio libreago baten alde.
Hedabideak sortu eta bultzatzen, modu ezberdinetan parte hartzen, artazi faxistei aurre egiten, irudimena lantzen eta hitza baliatuz, irabazten.

Hackomunikatzen



Ahotsa.info euskalerria irratiaren atari berriaren aurkezpenean Iruñeko Katakrak liburudendan.
Irudimena, sarea, indarra eta gogoarekin, asko da lortu dezakeguna.

Irratietako solasaldiak

Arrosa sareko Zebrabidea saioan luzatutako gogoetak entzungai:
[audio:http://bitakora.arrosasarea.org/podpress_trac/web/19251/0/PATXI-GAZTELUMENDI-150311.mp3]
Iñaki Soto (GARA), Mariano Ferrer eta Javier Gallego (Carne cruda irratsaioa) Info7 irratiko tertulia berezian:
[audio:http://www.info7.com/wp-content/uploads/2015/03/20150311_48343.mp3]

2 thoughts on “Harriak, artaziak eta (gure) papera Komunikazioan

  1. ratings for rehabilitation facilities recovery program rehab hire long term rehab centers near me inpatient drug rehab asheville nc

Utzi erantzuna

Zure e-posta helbidea ez da argitaratuko. Beharrezko eremuak * markatuta daude