Literatura Eskola hasi da

Aurten be, urriarekin hasiera eman zaio Literatura eskolari gure herrian. Laugarren ikasturtea du, unibertsitate herrikoi traza duen hezkuntza arautu, kredito, curriculum eta holangoetatik erabat out dagoen kontu honek.

Lehenengo urteetan bezala, Iñigo Aranbarri izan zen zapatuan gure herrian, musika eta letregintza hizpide hartuta. Hitzaldi ona, interesgarria.
Hamaikaterdietakoaren ostean, Anariren txanda izan zen, kantugintza dabilen azkoitiarrak egungo letragintzaren erronkak izan zituen hizpide, eta kitarra ere Larrabetzura ekarri zuen.

Jende ugari ikasturte hasieran, nik uste urte hasiera indartsuena izan dela laugarren hau, eta aurrerantzean zer emango duen ikusteke badago ere, ikasturte oparoa izango dela aurreratu daiteke.

Informazio gehiago, Literatura Eskolaren gune berrian.