wordpress 2.3 bertsioa frogatzen
Duela 15 egun jarri zuten eskuragai wordpress blogak egiteko software libre onenaren 2.3 bertsioa. Egin barik neukan, eta gaur zerbitzarian sartu eta aldaketa egin dut. Minutu gutxi batzuk izan dira, hiru klik guztira.
Aukera berriak eskaintzen omen ditu orain, bug guztiak desagertu omen dira, eta gainera etiketak gehitzeko aukera esakintzen du, orain arte ez bezala. Etiketok ez dakit non ikusiko diren, ez dakit ikusiko diren ere… baina nahi nuke technoratik berehala harrapatzea.
Esan beharrik ere ez dago, baina bertsio berriena ere erabat euskaratuta daukagu blogari euskaldunok, Librezale ekimenaren inguruan dabiltzanei esker, beti ere.
Gutxitan aipatzen dut, baina wordpress software onekin oso pozik nago, eta orain arte ez dit arazo txikiena ere emon. Badira urte batzuk frogatzen hasi nintzela… eta inguruan beti gomendatzen ibiltzen naiz. Erraza izateaz gain, ona ere badelako. Sarean gero eta blog gehiago ikusten dira gainera software honekin.
Gustatuko zaizu ere
visca zuek!
jauzi kualitatiboa euskal selekzioen ofizialtasunaren alde
3 Iruzkin
haritz
Niri ere izugarri gustaten zait WordPress.
2.3 bertsioak arazo txiki bat besterik ez dit eman, eta esango nuke datu basearen arazoa dela WordPressena baino gehiago.
Nork daki. Hemen ikus dezakezu martxan: http://www.euskaltube.com/bloga/
Julen
Etiketak ikusi ahal izateko zure itxuraren fitxategia editatu behar duzu.
Sarrera bati dagozkion etiketak bistara daitezen, agertzea nahi duzun lekuan
jarri behar duzu.Bestetik, etiketen hodeia bistaratzeko jarri beharreko kode-zatia
da.Informazio gehiago WordPressen wikian:
the_tags();
wp_tag_cloud(”);
Julen
Kontxo, uste dut code etiketen azpian zegoen guztia janda geratu dela iruzkinean. Dena den, wikiko informazioa hortxe dago.