Bide gorritik Bilbo Hiria irratian

Astero, astelehenero egingo dudan kolaborazioa. Iaz hasi ginen Ibaizabal magazinean, eta astelehenero gai bat jorratzen genuen Mieltxo Monfort esatariak eta biok. Normalean barikuan aukeratzen dugu gaia, eta asteburuko kontuak izan ohi ditugu mintzagai.

Astelehenarekin ekin dio Bilbo Hiria irratiak denboraldi edo ikasturte berriari. Gure atalari izena jarri diogu, Joseba Tapiaren kantuari erreparatuz. Beti kantu honekin hasi ohi garelako -nolabaiteko sintonia- eta orain saio ttipi honek bere izena ere izango du: Bide gorritik.

Ikasturte hasiera, asmoak, gogoetak, Larrabetzuko berri zenbaitzutan -hilean behin gitxi gora behera- Euskal Herrikoak gehienetan -kontu soziokulturalak, politikoak, komunikazioaren eremukoak-.

Mieltxo Monfortek oso ondo prestatzen du gidoia. Eta niri, zelanbait, erantzutea dagokit. Askotan gai labankorrak hartzen ditugu apropos, baina ikuspegi ezberdina edo diferentea ematen saiatzen gara, biok ala biok.

Elkartasunetik elkarlanera hautatu dugu lehen egunerako, 18/98+ ekimenak Altsasuko hariztian antolatutako jaiaren biharamunean. Hango mezua, giroa eta ilusioa Bilbo Hiria irratiaren uhinetatik hedatzeko asmoz.

Entzun gura bazenu:
[audio:http://www.bilbohiria.com/docs/podcast/solasaldiak/070924_patxi_gaztelumendi.mp3]