Japonen ere GOSE dira
6053 in japan
Jateko modukoa dago beraien hirugarren disko gorria. Baltza lehenengo, zuria gero… eta gorria atara zaie azkena. Ardoa izan zitekeen, baina musika da. Jangarria hau. Eta esportatzeko modukoa. Innobasque bezalakoek, hobe lukete beraien korbatak eta berbajarioa eten, eta berrikuntza zer den, zuzenekoetan dastatzea.
Mikel Clemente errealizadoreak, Japoneko kontzertuekin bideo interesgarri hau egin du. Sarean dago, eta dantzan jartzeko modukoa da.
Datozen egunotan GOSEkoak Katalunian, Galizian, Euskal Herrian izango ditugu. Lehenago egonak dira Kurdistan aldetik ere… beraz, une honetan Euskal Herrian dagoen talde internazionalenetakoa da arrasatear hirukotea.
