Never mind the blogs

Bilkura interesgarria Leioako Arte Ederretako fakultatean egindakoa.
Mahaiaren bueltan hainbat blogari. Aurkezpena eta eztabaida. Ia lau ordu hizketan. Eta emaitzak ikusteko daude. Laster gauzatuko direnak, pitike pitike.
Mahaikoak.
Antolatzaileak: Ptqk blogzine eta Laburrak

Gonbidatuak: 9Cdr, Placida, Pripublikarrak, Blog de blogs, Teketen, RadioPaca.net, gaztelumendi.org

Gaiak: blogosfera, komunitatea, audientziak, eragina, ekimenak, berrikuntza, feminismoa, artibismoa, eragina…. asko eta interesgarriak.

gaztelumendi.org eta euskal blogosfera
Nik nire aldetik, euskal blogosgeraren erakustaldi txiki bat egin nuen. Hasierako bost minutuak, nork bere bloga erakusteko genuenez. Bloga erakutsi baino, euskaraz zer egiten ari garen egun azaltzen saiatu nintzen. Horretarako adibide hauek eroan nituen Leioara.
sustatu.com
sarean.com
irratia.com
aurki.com
zabaldu.com
eta blogak egiteko plataformak: blogari.net, blogak.com eta mundua.com
Gaztelaniaz mintzatu ginen, asko eta asko euskaldunak ginen arren, gehienak esango nuke nik. Hala ere, euskarazko Interneteko ekimenek behar dute bisibilitate gehiago. Saiatu beharko dugu gure software, ekoizpen eta egitasmoak jendeari erakusten. Ondo ondoan ditugun arren, askotan ez gaituztelako ikusten.
Bete genuelakoan nago. Hitzaldiko gune guztien azalpena (euskaraz eta ingelesez) inprimatuta ere eraman nizkien. Apropos.

Gero, esan moduan, beste hiru bat orduz aritu ginen han berbetan. Partehartze handia egon zen. Natxo eta Maria moderatzaile eta aurkezleak ia ez zuten askorik zirikatu behar izan. Gaiak atera eta atera, ondo biribildu genuen mahai karratu eta luzea zena.

Emaitza: Gorkak han bildutakoen blog eta ekimenen agregatzaile interesgarri bat -berak ohiko duen moduan- sortu du, NMTB etiketarekin ari gara gure gauzatxoak sailkatzen, Berrikuntza ekimena jarri dugu abian, eta berriz elkartzeko gogoa piztu zaigu guztioi. Bazkari ederra ere izan genuen unibertsitate ondoko jatetxe batean. Dena esan beharra dago eta, Euskal Herrian, gauzak ondo finitzeko, mahaiaren bueltan beti. Hori delako gure benetako prozesua, mahaia. Hor egiten ditugu beti pakeak.

nmtb