hurrengo geltokia

gogoetak, joan etorriko bidaiak

  • agit/prop,  gaztelumendi.eus,  hurrengo geltokia,  ikusi eta ikasi,  teknologia berriak

    zertarako nahi ditugu blog euskaldunak?

    Aingeru Epaltzaren gogoeta entzun berri dugu euskalerria irratian, podcast bidez, twitter sarean bere mezu bat ikusi ostean, amaierako esaldiak egin digu klisk!

    [audio:http://euskalerriairratia.tok-md.com/Epaltza%20mar8.mp3]

    Eta atoan galdera etorri zait burura?

    Blog euskaldunak

    Euskarak behar ditu. Herriak behar ditu. Tresnak behar ditugu. Edukiak behar dira. Gure kezkak azaldu behar dira…. baina jendeak ez baditu behar? Nork irakurtzen ditu halakoak? Zenbatek irakurriko du hau? Twitter behera doa, facebook edo instagram gora. Ordaindutako publizitatearekin ez bada, ezinezkoa da sare hoietan ezer agertaraztea… orduan, edukioi nork erreparatuko die? Zenbat ikustaldi ditu Azkue fundazioaren bideo horrek? Ondo landutako bideoa da, kamarak, gidoilariak, ahotsa, jendea gonbidatu… prestatu. Eta? Noiz ikusiko dute 200 lagunek? Kezkak dira. Egin beharreko itaunak, galderak. Erantzunik ez datorrela jakin arren. Itsasora jaurtitako harri bat. Uhinak ikusi arren, bere soinua ez dela entzungo dakizunean. Harririk ez da etorriko bueltan. Olatuak joan etorrian dabiltzan arren. Ondarretan geratuko naiz, zeruari begira. Hala ere, EZtaBAIda hedatu behar delakoan nago, edukiek duten garrantziari erreparatuta.

    ::::::::: ::::::::::: ::::::::::::::  ::::::::: ::::::::::: ::::::::::::::

    post hau argitaratu ostekoak

    Eta ez dira oso poztekoak.

    • badakigu zer nahi dugun?
    • ba ote dakigu zer behar dugun?
    • Sintomak dira, nola gabiltzan erakusten dutenak….

    berrikusten. eguneratzen

    blogen sarea pizteko ahaleginak, irauntzaileak

    Badira blogetan irauten duten beteranoak. Idazteari bere denbora eskaintzen dioten lagunak. Blogen garrantzia moden gainetik dakusagunak. Irauntza da gurea. Irauteko jaioak. Irauntzaileak.
    Eta azken egunotan sare sozialetan honi buruz dihardugu. Ez da nostalgia. Ikuspegia da. Informazioa, parte hartzea eta mundu digitalak ematen dituen aukerak baliatzeko ahalmena.
    Horretan darraigu. Ez dakigu inor badatorren gure guda kantuaren atzetik…

    irakurtzen jarraitu

    Gustatuko zaizu ere

    Adierazpen askatasunik gabe | Demokraziarik ez!

    2021-02-04

    2017ko irailak 11 17:14

    2017-09-11

    bidea garrantzitsua da

    2021-04-19
  • agit/prop,  hurrengo geltokia,  ikusi eta ikasi

    11-9 Egun beltza mundu osoarentzat

    Inperioa nork zuzenduko duen erabaki dute bart Ameriketako Estatu Batuetan. Goizean esnatzeko Trump izan dugu. Egun osoan Donald Trump munduko hedabide guztietan. Eskuak burura eroan ditu batek baino gehiagok. Kezka barreiatu da lau haizetara.
    Irakurtzeko beta hartu ostean, bideo batzuk, esaldi batzuk, irakurketa batzuk batzeko parada izan dut egun osoan. Gogoetarako, hausnarketarako. Eta etorkizuna kolore gehiagorekin marrazteko.

    Estatu Batuetako hauteskundeak ez ezik, munduko panorama politikoa ere islatzen du egoera honek. Faxismoak marka zuri berriak dauzka. Ezkerra ezin erantzunda, iparra galduta dabilela ematen du. Han bezala, honago ere.

    Eskuak burura eta errua besteei bota

    Baina zer gertatu da? Stablishment osoa lasai zegoen, Trump txotxoloak ezingo zuelako Etxe zuria eskuratu. Hillary Clinton moderatu eta apala nagusituko zelakoan. Hedabide guztiak alde. Parekoaren hitzek bere burua deskalifikatzen zuten… bla, bla, bla. Aurretik errepublikarren artean nagusitu da Trump. Lehen abisua. Inkestetan gora eta gora, baina stablishment osoa lasai, Clinton aurretik. Abisuak handik eta hemendik. Beldur mezua.
    Michael Moore bezalakoak baina, ez dira kontutan hartzekoak. Gero gerokoak. Orduan errudunak bilatu behar ditugu: langile zuriak, eskolatu gabekoak. Nekazari eremuetako biztanleak. Hirietan Clinton nagusi. Baina estatuz estatu elefanteak lekua irabazten du. Horregatik iruditu zait goizeko lehen orduetan horren funtsezkoa Quique Peinado kazetariaren gogoeta.

    Noam Chomskyren gogoetak

    Noam Chomsky
    Noam Chomskyren adierazpenak

    “Las personas se sienten aisladas, desamparadas y víctimas de fuerzas más poderosas, a las que no entienden ni pueden influenciar“

    kansas

    Amador Fdz Savater, ¿Que pasa con Kansas? aspaldiko liburua eskuan

    Facebook sarean jarraitzen ditut bere gogoetak. Eta lantzean behin, batez be gizarte mugimenduen antolaketa eta estrategiari buruz, nazioarteko gai batzuei buruz, pentsamendu garaikidearen inguruko gaiekin eta… oso gauza interesgarriak botatzen ditu. Maiz. Eta atsegin dut sakatzeaz gain, barneratzen saiatzen naiz. Gaur egun hoietako bat izan da.

    No juzgar ni despreciar, no lamentar ni maldecir, sino tratar de entender.

    Es lo que hace Thomas Frank en el libro que publicamos hace ya ocho años en Acuarela y que se preguntaba esencialmente por qué los trabajadores pobres votaban a Bush.

    La cosa tiene toda su actualidad, como es obvio. Sobre todo porque Frank trata de detectar las corrientes profundas que explican lo que a los progres les parece inexplicable: que Bush ganara dos elecciones (una de ellas después de las torturas de Abu Ghraib, etc.), la fuerza del Tea Party, la victoria de Trump.

    El tipo vuelve a Kansas (su tierra natal, un estado antes de izquierdas y ahora ultraconservador), se encuentra y habla con la gente, investiga y piensa a partir de las vidas. Qué poco tenemos de eso, ay.

    ¿Cuáles son esas corrientes profundas? En primer lugar, “el fin de la lucha de clases”. No que haya desaparecido el conflicto social o la desigualdad, sino que se han evaporado las estructuras cognitivas y organizativas que le daban un sentido de izquierdas.

    En ese vacío es una “nueva derecha” la que sintoniza con malestares, miedos, resentimientos e incertidumbres proponiendo esquemas explicativos y vías de canalización. A través de las “batallas culturales”, de un discurso hiper-agresivo, de una apelación al descontento, de un empleo muy sofisticado de los media, etc.

    Tenemos entonces la paradoja de una élite anti-elitista, de un establishment anti-establishment, de un capitalismo anti-capitalista, etc. Mientras la izquierda se vuelve autista, pija, postpolítica o puramente gestionaria.

    Enlazo mi presentación al libro, de 2009. Y en los comentarios pongo más info sobre Frank en castellano.

    “La nueva derecha instrumentaliza malestares reales que no se politizan autónomamente, que no encuentran espacios colectivos para hacerlo, que no elaboran una voz propia. Explota la victimización y a su vez revictimiza. Anger is an energy“.
    Como los ultraconservadores conquistaron el corazón de Estados Unidos 2008ko liburua eta gogoetak.

    Antoni Gutierrez Rubiren gogoeta bat, azkenik

    antoni
    Trump humilla al mundo

    irakurtzen jarraitu

    Gustatuko zaizu ere

    Erabakia

    2014-06-10

    Baiona burujabetza eta aldaketaren hiriburu bilakatu du Bizi! mugimenduak

    2018-10-08

    Konprometitu gaitezen!

    2013-02-27
  • #Patakon,  hurrengo geltokia,  ikusi eta ikasi,  larrabetzutik

    Roge Blasco kazetariarekin Euskal Herrian zehar egindako ibilbideari buruz berbetan

    Inoiz ez nuen pentsatuko Roge Blasco kazetariarekin horrelako bidaiari elkarrizketa bat egingo nuenik. Mundu osoan ibiltzen diren bidaiariak izan ohi dira bere irrati saioan, abenturazale itzelak, sekulakoak eta bi kontatzen dituen jendea… eta halako baten astoagaz egindako ibilbidea kontatzeko gonbitea Radio Euskaditik.

    la casa de la palabra

    Unez une:

    Saio berean gainera, beste hiru larrabetzuar, Txorierriko Lezamako trenbide zaharra aldarrikatuz, ohikoa den martxa deialdia egin, eta proiektuaren alde sutsu.

    lacasadelapalabra

    irakurtzen jarraitu

    Gustatuko zaizu ere

    Bizkaitik Gipuzkoara

    2014-08-06

    Patakon astoa eta biok

    2015-08-04

    13 urte blogean, ekinean, ahaleginean

    2017-12-03
  • agit/prop,  gaztelumendi.eus,  hurrengo geltokia,  ikusi eta ikasi,  larrabetzutik

    Euskaraz edo bestela ez gara?

    Batzuk agian, erraz bizi daitezke #euskaratik eta euskaraz.
    Gure indabak hemendik eta handik atera behar ditugunok, jakin dakigu euskara hutsez noraino heldu gaitezkeen… gure ingurua, gure neska mutikoena, gure enpresena, gure agintariena, gure herrikideak, etorri berriak, aspaldi etorriak… begiratu, eta ondorioak atera.

    ni neu ere agian hobeto biziko nintzateke Zarautzen, edo baserritik urten barik… baina bizitzak kalera atera nau… Aturritik Ebrora… eta nire herria ezagutu ahala… egunero euskaraz bizi gura dogun arren… ondokoaren mugak zeintzuk diren jabetuta… jende guzti hori gure antzera bizitzera gonbidatu gura neuke…

    baina… UEMAko herrietan be, gero eta zailagoa da euskaraz bizitzea… eta bertsolariek ere bertso saioak erderaz egiten omen dituzte…
    Euskara da gure territorio libre bakarra idatzi zuen Joseba Sarrionandiak, baina espetxean idatzi ere.

    Gure territorio librea, ahalik eta zabalena, hedatuena, ederrena, eraginkorrena izan dadin… lan asko negar asko eta gogoeta gehiago egin beharko dogu, eta batez be… ingurukoak konbentzitu.

    Bidai on!

    larrabetzutik besarkada bat guztioi

    Aitortzen dut, Maialenen kezka hauek ni ere kezkatu nautela… baina ezker abertzalea, GARA, hizkuntza eta beste kontzeptu asko nahasten diren honetan… gogoeta kolektiboa ere bultzatu daiteke:

    Begirunez, bideoa eta mezua aztertzera gonbidapena.

    irakurtzen jarraitu

    Gustatuko zaizu ere

    josemigel etxeandia LIBRE

    2015-12-28

    Afghanistan emakumeen eta zinemaren begiradatik

    2017-01-29

    Sare sozialak berbagai gaztetxean

    2013-03-14
  • hurrengo geltokia,  ikusi eta ikasi,  teknologia berriak

    kontatu kontatzen dugu?

    Gaurkoa ez da hitz jolasa. Baina hitz egiteko parada ematen du.
    Zer kontatzen dugu? Zenbat kontatzen dugu? Kontatzen ote dute gurekin?

    istorioa

    Twitter bidez arreta jartzen duzu ekitaldi batean. Eta etiketari erreparatu. Eta TL osoa mezuz betetzen hasten da. Kontaketa.
    Eta oharkabean konturatzen zara, erabiltzen duzun hizkuntzan, mintzo zaren horretan, idazten duzunean… ez duela inork deus kontatzen. Alegia ez gaituztela kontatu. Ez dugula kontatu. Norena da errua? Gurea? Gu gara kontatzaileak? Guri? Nork kontatu behar digu baina?

    adibide zehatza #sherpaKeynote

    Sherpa keynote burutu da gaur Bilbon. Hiruzpalau mezutan, gogoeta egiteko aski duzuelakoan.


    Bertsolariek esnatu dute euskara. Beraiek badute zer kontatua, zer kantatua. Nori ere bai. Eta gero, modu ia automatikoan, mezu gehiago agertu da ene Time Line honetara.
    Jarraitzen dut irakurtzen, kontatzen, zenbatzen, ikasten…

    Guk, euskaldunok alegia, nahiago dugu beste kontu hauetaz aritzea nonbait.
    euskaljoerak
    Eta nago ni, batzutan aspergarri ere suertatu daitezkela gure joerak eta kontuak.

    irakurtzen jarraitu

    Gustatuko zaizu ere

    euskal eskola publikoaren alde

    2014-04-01

    neurri ttikiagoan, smart blogetan

    2012-11-08

    ETA amaitu da. Gora Herria!

    2018-05-03
  • agit/prop,  hurrengo geltokia,  ikusi eta ikasi

    Basque to the future

    Etorkizuna gaur da.
    eta guk #basquetothefuture deitu diogu.
    Eta behinola filmeak bota zituenak, gaur errealitate bide dira.


    Pepsi kola berezia ikusi dugu, Nike markak zapatila hegalariak egin ditu, eta euskaldunok etorkizunarekin amesten jarraitzen dugu.

    Eta gaueko 21:00etan 20151015 historiko honetan istorio berri eta berritzaile bat:

    irakurtzen jarraitu

    Gustatuko zaizu ere

    #JesuisBasque

    2015-01-12

    grandola vila morena

    2014-04-25

    euskal blogen aldeko manifestua – blogosfera.eus –

    2017-04-05
  • agit/prop,  hurrengo geltokia,  ikusi eta ikasi

    Kataluniara joan etorriko bidea egin ostean

    Gogoetarako egunak dira Katalunian lau egun eman osteko hauek. Indendependentziaren aldeko hautua egiteko beharrezko izango dena, halabeharrez. Gure politikarien maila, gure herriaren erabakia funtsezkoa izango da. Eta horretan lagungarriak dira egun hauetako, azken urte hauetako gertaerak arretaz aztertzea, bertatik ezagutzea, gogoetatzea eta ondorioak ateratzea.
    Hemen zenbait mezu labur, hainbat bideo eta argazki, eta batez ere euskal herritarren zenbait iritzi…. gure bideaz gogoeta egiteko gonbidapena.

    ahotsa.info kitcat

    Moltes gràcies

    irakurtzen jarraitu

    Gustatuko zaizu ere

    Gasteizko plazatik mundura

    2015-05-21

    #JesuisBasque

    2015-01-12

    13 urte blogean, ekinean, ahaleginean

    2017-12-03
  • agit/prop,  albisteak 2.0,  hurrengo geltokia,  ikusi eta ikasi

    noraBIDEA argi daukagu: #INdependentzia

    Aspaldi ari gara Kataluniara begira euskaldunok. Hizkuntza, kultura, ekonomia eta geografia bat erakutsi diote munduari aspaldian. Munduari begira egon dira beti Mediterraneotik.
    Kantauri itsasoak, Bizkaiko golkoak… mundura eroan gaitu beti. Itzuli gara. Baina ez dakit munduari so ote gauden. Nahi nuke. Eta horregatik jarraitzen dugu Kataluniara begira.

    noraBIDEA

    INdependentzia bidean jarri dira, argi eta garbi. 2006tik hona egin dutena jarraitu duenak, miresmena besterik ez du. Begirunea. Lanbrotu egiten zaizkigu begiak hango berri entzutean. Bertatik bertara bizitzean. Baina beraien bidea gure ere bada. Espainia hautsiko da, eta haustura horretatik guk geure bideari ekin behar diogu. Jarraitu. Besterik ez. Hamarkadetako burrukaldi neke eta izerdiek… izango dute egunsenti berri bat. Badakigu. Bagoaz gu ere. Batzutan badirudi euskaldunok erdi etsita gaudela. Baina guk geuk ere erdietsiko dugu gure helburua. Lasaitu barik, etsi barik…. bidea eginez. Bidea da burruka.

    Via Lliure Bilbon

    Ekitaldia ez zen beste mundukoa izan. Dauzkagun indarren araberakoa. Antolaketaren neurria. Baina bai esanguratsua. Euskal Herrian dauden katalanek Bilboko Kafe Antzokiaren laguntzarekin. Eskertzekoak biak ala biak.
    Kronika polita daukagu Uriola atarian ere. Gomendagarria irakurketa.

    Sustengua eta babesa

    Kataluniako prozesuari keinu egiten diogu hemendik. Atsegin dut! bat klikatzea bezala da. Baina agian zerbait gehiago antolatu beharko genuke; ANC Euskal Herria dagoen bezala… Greziarekin, edo nazioarteko beste prozesu batzuekin -bolivariarrak direnak, Kuba, Nikaragua, Palestina, Kurdistan…- egiten dugun antzera… estutu beharko genituzke gure loturak askatze bidean diren herrialde katalanekin. Lotura ekonomiko sozial kultura eta politikoak estutuz. Sustengua antolatu. Balizko Estatu kolpeen aurrean -Estatuak emango dizkien jipoi demokratikoak alegia- gure babesa erakutsi. Nazioarteko diplomazian sakondu. Bi herri gara, bi nazio… bi Estatu izateko bidean. Guzti hori gehiago landu beharko genuke. Kezkak hemen botatzen ditut. Inork hariari heldu gura badio. vialliure

    Vicent Partal kazetari eta maisua

    2006an ezagutu nuen pertsonalki Vicent Partal. Aurretik bere irakurlea besterik ez nintzen. Euskal Herria 2.0 jardunaldietara gonbidatu genuen, eta bere txofer egin nuen aireportua, aterpea eta Arteleku arteko joan etorrietan. Miresleagoa naiz geroztik. Bartzelonan egona naiz berarekin, eta berriz ere Euskal Herrian orain.


    Laister argitaratuko den bideo baterako elkarrizketa egin genion ekitaldiaren aurretik, eta adi adi jarraitu nuen bere solasaldia gero. Jendearen jarrerak liluratu ninduen ordea. Mundu guztia adi adi eta gozatzen. Behar den bezala.
    Komunikatzaile aparta da. Kazetari ona dela bagenekien. Komunikazio enpresa eta eredu interesgarria garatu du sarean: vilaweb.cat
    Kataluniako prozesua azaltzen ari zaigu liburuz liburu aspaldian. Azkenak detaile eta aipamen zorrotzak egiten ditu. Bere irakurketa propio eta subjetiboa. Kazetari baten maisu lana.
    llibre-partal
    DesclassifiCAT: 9 N bozkaketa iraultzaile baten historia sekretua
    Hitzaldia ere aparta izan zen. Eta bertan adi adi apunteak hartzen zegoen Josu Goikok ondo pasa ditu laburtuta 5 txiotan:

     

    Entzuleok ikusi ikasi entzun eta txalo egin genuen. Eta orain maletak prestatu eta Bartzelonarako bidaia daukat buruan. Bartzelonatik eta Kataluniatik bertatik botako ditut hurrengo kronika eta mezuak. Irratiz, sare sozialetatik eta ikusentzunezko baliabideak hartuta. Kit Cat bat, gure bidean.

    irakurtzen jarraitu

    Gustatuko zaizu ere

    Aner Petralanda

    2015-01-12

    josemigel etxeandia LIBRE

    2015-12-28

    Josu eta Santi gogoan

    2019-11-21
  • hurrengo geltokia,  ikusi eta ikasi,  literatura

    Lorea Gernika Deustun

    Lorea Gernika aurkeztu berritan, Lapikoa izeneko narrazioa irakurri eta deustuarri kontatu beharra izan nuen. Hauteskundeetako pasartea Bilboko Uriola atarian argitaratu genuen, kanpainako azken astean.

     

    Uriola.eus

    uriolaDeustu

    Prest aldizkarian

    Gero Prest! aldizkarirako elkarrizketa labur bate egin nino Koldo Izagirre idazleari, aldizkariko Barkua bete berba kultur atalerako. Koloretan txukun ageri da bi orriotan.
    loreagernikaprest

     



    Izagirre-2015

    Koldo Izagirre: Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu

    Lorea Gernika nobela aurkeztu berri du Koldo Izagirre idazleak. Emakume nagusi da bat du protagonista, eta 53 narrazio laburretan pasarte ezberdinetan kokatzen du idazleak Lorea Gernika izeneko andrazkoa. Ironia, leku ezberdinetan kokatutako istorio laburrak, tokian tokiko hizkera eta berbak, pasarte bereziak zein lausoak. Idazleak berak, labur labur kontatu dizkigu nobela berriaren nondik norako batzuk, tartean Deustun gertatzen den istorioa.

    Lorea Gernika andrazkoa euskal herrietan zehar somatu dugu, zertan ari da ba?
    Neronek ere ez daukat zeharo garbi. Baina bizitzaren aurka borrokatzen dela egin zuen oihu behin, eta baliteke bestelako bizitzak bizi nahi izatea lekuz aldatuta, inguru berriak ezagututa, eta batez ere jende berriekin harremanduta.

    Gizonezkoon mundua azaltzeko baliatu duzu Lorea Gernika, azalduiguzu hori
    Gizonezkoak zeinen gizonezkoak garen ez ginateke ohartuko inguruan emakumezkorik izango ez bagenu. Aberatsak pobreak behar ditu karitatea egiteko… Emakumezkoak definitu egiten gaitu, nahikoa da txiste bat egitea, edo begiratu bat ematea. Lorea Gernika, gozoa den arren, andrazko garratza da: badaki zer garen, nolakoak garen, eta ebidentzian jartzen gaitu behin baino gehiagotan. Berak hala nahi izan gabe, gehienetan.

    Deustun be gertatzen da pasarte bat, hauteskunde goiz baten…. eta lapikoa sutan
    Bai… Bozkatzeko aretoa ikasgela batean atondu dute eta paretetan dagozen marrazkiei erreparatzen dagoela erdi ametsetan edo hasi da. Txartela itsulapikoan sartu gabe alde egiten du biharamunean etorriko dela esanda. Horrelako xaloa da Lorea Gernika. Baina egia esan, nondik begiratzen zaion da kontua: egitada hori izan liteke gaiztoa, xaloa barik.

    liburumetraia

    irakurtzen jarraitu

    Gustatuko zaizu ere

    13 urte blogean, ekinean, ahaleginean

    2017-12-03

    Korrika

    2017-04-06

    Hala Bedi BI_ba züek!

    2013-12-30
  • agit/prop,  hurrengo geltokia,  musika,  teknologia berriak

    EHZ 20 urte, eta barriro gozatzeko prest

    Aspaldi, 1996an joan ginen lehenengoz Euskal Herria Zuzenean festibalera, Arrosara. Behe Nafarroako txoko eder hartara urtero joateko gogoa hartu genuen. Musika entzun, kontzertuak, lagunak, txandak, fritak, karpa… giro itzela.
    Handik, Zuberoako kontzertuetara joan ginen gero, urtero… kuadrilan, furgonetan, inoiz Mauleko kanpinera be bai…
    Heletakoak handiak izan ziren, Manu Chao gogoratuko du askok, egin zuen ekaitza ere…. herriko giroa, zuzeneko jarraipena… denetarik.
    Azken urteotan Garro gazteluaren ondoan gozatu dugu jaialdiaz. Eta gozatzen jarraitzeko gogoagaz oraindik.

    Aurtengo eskaintza

    Baigorrin aurreratu digute asteburuan, jaialdia ekonomikoki apalagoa taina musikalki sano interesgarria izango zala. Eta gu, urtero bezala talde asko eta asko ezagutu barik goaz… baina gero gogotsu entzuten ditugu luzaroan. Ehundaka talde bakarlari eta musikari deskubritu ditugu urteotan guztiotan EHZ festibalean.


    kanaldudehz

    Kanaldude telebista

    Bideogintzan, ikusentzunezkoetan mundialak dira Iparraldeko gure lagunak. Klipak, zuzeneko irudiak, elkarrizketak, streaminga… zer ez duten egiten Kanaldudekoek.

    irakurtzen jarraitu

    Gustatuko zaizu ere

    Adierazpen askatasunik gabe | Demokraziarik ez!

    2021-02-04

    2019ko hauteskunde zikloaren ostean

    2019-05-29

    Errefuxiatuek ere futbola maite dute

    2017-01-28