larrabetzutik
Larrabetzutik Euskal Herrira
-
korrika Euskal Herri osoan
Andoainen hasi zen, duela hamar urteko Egunkariaren itxiera gogoratuz, atzo gurean, gaur beste nonbaiten, bihar han… eta domekan azkenik Baionan bukatzeko.
Gaur denok horretaz mintzatu gara, pozik, alai. gogoan ditugu herriko uneak, irudiak, koloreak, giroa, gogoa eta ilusioa. Korrika hori dana delako. Eta gehiago. Korrika zazpi Euskal Herriak dira, hamaika herri, amets ugari…. emozioa.
Txikienek, gazteagoek, guk, beraiek, denek parte hartzen dugu, dute…
Larrabetzuko irudiak 11amaika Telebistan
Teknologia berriak eta Korrika aspaldidanik eskutik
Info 7 irratian gogoetatxo hau bota nuen, Korrika eta teknologia berrienen arteko harremanaz.
-
Sare sozialak berbagai gaztetxean
Sare sozialak izan ditugu mintzagai Larrabetzuko gaztetxean. Dozena bat lagun batu eta dinamika parte hartzaileak egin ditugu.
- watxap
Gaztetxean gehienek erabiltzen dute telefono bidezko mezularitza azkar sistema modazkoa. Gaztetxeko taldea daukate antolatuta, eta mezu azkarren bidez kordinatzen dituzte gauza asko. Erabakiak hartzeko ez dutela erabiliko adostu dute, batzar batean. Erabilgarritasuna ikusten diote.
Gehienek egun osoan erabiltzen dute, maiz. - twitter
Ez daukate denek, baina gero eta gehiago erabili edo kontsultatzen dute. Gaztetxeak berea dauka @horibai23 eta erabilpen kolektiboa ematen diote, batek baino gehiagok kudeatzen du. Twitter beste sare batzuk baino serioagoa dela aipatu dute. - facebook
Hori Bai gaztetxearen orrialdeak 150 lagun baino gehiago ditu, eta batez ere ekitaldien hedapenerako erabiltzen dela ohartuta, beste ekimen batzuen berri emateko ere baliatzea pentsatu dugu tailerrean. Gaztetxeak, herriko gauzak… - gaztetxeko blogahoribai.org
Gehienek gutxi baliatzen dute, eta dauzkan aukerak aztertu ditugu. Bloga gaztetxea da, sare sozialak kartelak. Horibai.org indartzearen garrantzia, eta sare sozialetarako traktore funtzioa bete dezake. Komunikazio lantaldekoek bloga erabiltzen ikasi behar dute oraindik. - komunikazio tailerra
Datorren hilabetean komunikazio tailerra egingo da gaztetxean, irekia eta partehartzailea. Gaztetxeko dinamika, gazte egunera begirako komunikazio lana, sare sozialak, bideoak…. landuko dira. Facebook sarean talde bat sortu da, kordinatzeko eta tresna berriak erabiltzen ikasteko, frogak egiteko, eztabaidatzeko…
Pozik gaurko esperientziagatik. Dinamika partehartzaileek konfiantza sortu dute, guztiok berba egin eta parte hartu dugu, ideia berriak atera dira… eta batez ere, gure herrian gauzak egiteko gogoa eta aukera landu dugu. Pozgarria eta etorkizuneko tresnak erabiltzeko prestutasuna. Sare sozialean kontraesanak, mugikorren menpekotasunak…. holangoak ere izan ditugu hizpide, baina gogoratu… gauza onenak gogoratuko ditugu. Zorionak Hori Bai! aupa gazteak!
Gustatuko zaizu ere
13 urte blogean, ekinean, ahaleginean
Giza Eskubideak BAKEA eta konponBIDEA
Chantal Mouffe
- watxap
-
zertarako amestu?
izarrik ametsetan, Hori Bai
-
Gazte eguna Larrabetzun
Asteburu honetan, 1985etik ospatzen dugun eguna dugu herrian, gazte eguna.
Hori Bai gaztetxearen egun nagusia, urteko egunik neketsuena, zoragarriena… ederrena.
gauez, gainera kontzertu ederrekin batera, gau elektronikoa ere izaten da gaztetxean, dantzan egiteko aproposa….
joango gara, informazio eta irudi gehiago eskaintzen, apurka apurka.
bitartean, gaztelumendi.org gune honen look berriarekin utziko zaituegu…. apropos>
🙂 -
Parte hartzea bultzatzeko dinamikak
Aste honetan parte hartzearekin zerikusia duten ekimen baten baino gehiagotan aritu eta jardungo naizenez, horren inguruko gogoeatxo bat botatzea pentsatu dut.
Parte hartzea gora egingo duen dinamika izango da. Berdin du ze motatako prozesuetan den: izan dinamika sozialean, politikoan, instituzionalean edo profesionalean.Larrabetzuko udalean
aurrekontu parte hartzaileakUdalak Larrabetzun, 2012ko aurrekontuak jendaurrean eta jendearekin prestatzeko asmoa agertu du. Eta horregatik, asteon bi herri batzar deitu ditu. Egoera ekonomikoaren berri eman, eta jendearekin batera hurrengo urteko aurrekontuak prestatzeko. Alkateak berak, herriko blogari eta elkarteetako webguneetara gonbidapen mezua bidali du. Herriko etxe atari guztietan deialdiko kartela dago, eta udal paneletan eta panel elektronikoan deialdiaren berri dago. Garaiz informatu, eta ahalik eta parte hartze handiena bermatze aldera.
Estatu mailan badago aurrekontu partehartzaileen inguruko informazio gune eta sare bat, eta uste dut, aurrerantzean sarriagotan begiratu beharko dugula.
Larrabetzuko dinamika honek, itzelezko harrera izan du sarean, lokal mailan. Baina sarea be, bada parte hartzerako tresna interesgarri bat. Agian, sarea eta parte hartzea zelan uztartu ikasi beharko genuke orain, maila lokalean. Eta esperientzia berritzaileak abiatu.
Larrabetzuko aurrekontu parte hartzaileak sareanMinutu bat berrikuntzarako
Lantokian, komunikazio zereginetan nabilenetik, baserri munduan gauzatzen diren esperientziak bisibilizatzea da nire arduretako bat. Eta berrikuntza sozialaren gaia interesez jarraitzen ari naiz. Horregatik EHNE Bizkaian ere Innobasque berrikuntza agentziak bultzatutako minutu bat berrikuntzarako ekimenean parte hartu dugu.
Erronka bat jarri diogu gure buruari 70 erakunde ezberdinetan. Guk, baserritarren (ekoizle) eta kontsumitzaileen arteko harremana zelan erangikorrago egin pentsatzen aritu gara. Eta lankide eta baserritar ezberdinek nork bere ekarpenak egin dituzte. Orain batu, eta ebaluatu egin beharko ditugu denak. Eta hoiek martxan jarri. Minutu bateko ideiak, handiak eta erabakiorrak izan daitezkelako aurrerantzean.
EHNE Bizkaia
Minutu bat berrikuntzarako.
-
Aupa Tobaritx!
Agirre lehendakariari buruzko dokumentala egiteko enkarguarekin zetozen. Agirre, autodeterminazioa eta batasuna izango zuen izenburu. Zuzendaria eta gidoilariarekin batera bazkaldu nuen. Gerraz aritu ginen, Burdinezko gerrikoa ezagutu nahi zuten, bertatik bertara. Hegazkinlari alemaniarra non erori zen erakutsi nien, eta ordurako Euzkadi eta Eguna egunkarietako kronikak ondo irakurriak zituzten.
Behelainoa dut gogoan
Lokalizazioak egiten ari ginen, balizko filmaketarako. Eta pozik nenbilen langintza hartan.
Berbaz jarraitu genuen, ametsetan. Fikzioa sinesgarri egiten, etorkizunaz, zinemaz ere bai beharbada, eta politikaz apur bat.
Sagardotegiko berbaldia, osteko ibilalditxoak baino gehiago gogoratzen ditut. Ez zen giro inguruan. Ez genituen paraje ederrak bertatik bistaratuko.
Baina filmea egiteko aproposak zirela iritzi zion zuzendariak.
Iluntzean agurtu genuen elkar. Zuzendariak, idazleak eta hirurok.Ez zen filmerik izan. Jeltzaleak izutu egin ziren dokumentalaren planteamenduarekin. Ramon Agirrek bere osabaren papela jokatu behar zuen, fikzioa eta orduko irudiak tartekatuko zituen dokumentala beste esku batzutan utziko zutela jakin nuen gero, eta Deia egunkariak banatu zuen halako dokumentaltxo bat, ez ona, ez historikoa, ez Agirreren mailakoa. Hartan geratu zen nire zinemazko amets historikoa. Behelaino artean.
Orain, zinema zuzendaria agurtu behar dugu. Bere filmeak, bere esanak, elkarrizketak, asmoak, ikuskak geratzen zaizkigu. Eta kontent gara. Harro. Baina behelaino bat somatzen dut inguruan, ez dakit zergaitik. Agirre lehendakariarena ez bada, beste filmeren bat zor diogu, dudarik gabe. Ia eguraldiak atertzen duen. Aterri ageri du handik…
Gustatuko zaizu ere
Tokiko garapena eta berrikuntza
Ustelkeria: han eta hurbilago
Basque to the future
-
Itxaropenerako 3diak
Itxaropena, etorkizuna, erronkak eta beste. Irribarrearekin begiratzen diot etorkizunari. Gogotsu, ilusioarekin.
Euskal Herriaz ari nintekeen, baina batipat herrian, inguru hurbilean ikusten ditudan irudiak dira.
Lanean ari da jendea, auzolanean. Gogotsu ari gara, ilusioarekin. Eta etorkizuna marrazten, oso koloretsua.
Hona hemen asteburuko hiru bideotxo, gure errealitatearen irudi.Herriko baserriak, plaza, merkatua eta bertso poteoa
Garmitxa elkartearen alde, auzolanean
http://youtu.be/3_LE33CUVCA
Etorkizuneko erronkak, bake prozesuan
iturriak:
Gustatuko zaizu ere
kontatu kontatzen dugu?
Elikadura burujabetza lantzen
Euskal kulturgintza Bilbon
-
Udal mailako parte hartzeaz
Hartu zuen lekua, parte hartu
Udalbatza berria sortu zenetik 100 egun pasa direnean uste dugu oso garrantzitsu ikusten dituen hiru gairen inguruko argibideak emateko une egokia dela. Beraz, gonbidatu gura zaituztegu antolatu dugun herri batzarrera gure azalpenak entzun eta gura dituzun ekarpenak egiteko. Gai bakoitzak 15 minutuko azalpena eta hiritarrek nahi dituzten galderak, ekarpenak, iradokizunak eta abar planteatzeko beste 15 minutuko tarte bat izango ditu.
Zuen blogean kartelaren irudia jarri eta mundu guztia parte hartzera gonbidatzea eskertuko genuke.
Izan be, Interneten, zein batzarrean zein eguneroko bizitzan parte hartzea bultzatzea da gure asmoa.
Eskerrik askoMariasun Gaztelu
Larrabetzuko alkatea
larrabetzuko-udala.com:::::::::::: ::::::::::::::::: :::::::::::::::::::
Parte hartzera gonbidatu gaitu Larrabetzuko Udalak. 100 egun pasa ostean, orain arteko lana eta egin beharrekoak jendaurrean kontatzeko.
Urrats garrantzitsua da udal batek, alkateak, zinegotziek herritarrekin harremanetan jarri gura izana. Blogariak kontutan hartu izana, herrian dauden hedabideak baliatzea.. egunero egunero gure herrian jende asko eta asko blogetatik elikatzen delako informazio mordoaz. Izan eskola, kirol edo kultur taldeak, gaztetxea, larrabetzutik.org, blog pertsonalak edo politikoak.
saltsa digitala
Eta egia esan, gurean behintzat saltsa asko dago sarean be. Poztekoa da hori, eta udalak be, bere webgunea zorroztu eta gero eta partehartzaileagoa, dinamikoagoa, biziagoa egin beharko du.
Argazkiak, bideoak, jendearen iritziak, parte hartzeko modu barriak dira…
Izan dadila batzar hau, eta hurrrengoak jendeak proposamenak egiteko modukoak, jendeak hartuemona gauzatzeko aproposa, harreman barriak sortu eta komunikazio bide eraginkorrak sortzeko modukoa.Ni neu joatekoa naz, eta uste dot zer esan asko eukiko dogula uritar zein auzoetako bizilagunok.
Eskerrik asko Mariasun eta udal talde osoari.
-
olgetan, lurra lantzen eta irakurtzen
- Zer da ikastea, jolastea ez bada.
- Zer landu, jorratu, garatu… lurrarekin ez bada.
- Zer irakurri, erakutsi, bizitza bere ez bada.
Olgetan hasi gara arrastian, eskola ondoko txinboetan, eta ostean belar eta lur artera joan gara, negutegian sartu eta atxurra eta ostantzeko tresnakaz lurra lantzen eta ezagutzen hasi gara. Handik txiri txiri liburutegira egin dogu. Jakintza gehiagoren bila. Eta liburu artean, elikaduraz gehiago ikasi dugu.
- Zer da eskola? Zer da ikastea?
Holango galderak ditugu oraindik buruan, kolkoan….
Herriko ume batzuen artean, arrastian, bi ordu eskasetan irudiak grabatu, ikusi eta montatu egin ditugu. Kantu bat aukeratu, eta 90 segunduko bideotxoa sortu dugu. Lagun artean, di da. Batzuk azkar ikasi dute, besteoi gehiago kostatu zaigu ulertzea…. baina ikasketa prozesu bat izan da hau ere.
Elikadura eta eskolari buruzko jardunaldiak ditugu asteburuon eskolako jantokian. Jende anda batuko da, Elikadura burujabetza, jantoki eredu autokudeatuaz edo elikaduraren garrantziaz berba egin eta eztabaidatzera. -
Gazte Eguna Larrabetzun
Urteroko zita. Gazte gazteak ginenetik.
Rocka ezagutu genuen, eta ostean etorri den guztia.
1985ean hasi zen mobida guztia, gurean ere. Eta gaztetxea eskatzen zen, eta baita lortu ere.
Mobidak udaletxearekin, kontzertuak debekatzeko aginduak alkate demokraten eskutik… orain rockanrolla atsegin dute Batzokikoek ere. Zelan aldatzen diren gauzak, kamarada!
1986tik, herrian gaztetxea barriro zabalik. Urte asko dira, gau asko, Gazte egun asko… talde on asko, txanda asko, ordu asko, eskenatokiak, txoznak, pankartak eta kartelak, pegatak eta diru bilketak, bokatak eta armozuak… Gazte eguna, larrabetzuarrontzako egunik handiena da, duda barik. Gazte zahar ume edadetu andra gizon ama alaba seme edo dana dalako… Gazte sentitzeko unea, gazte eguna.
Gose
we are standard
Itziarren semeakAurtengo programa azken urteotakoaren oso antzekoa da… control c, control v. Kontzertua barriz, aspaldiko interesanteena neure ustez. Konbinazio polita. Estilo anitz, kolore ugari eskenatoki gainean. Atzekoz aurrera jarrita…
gaua Itziarren Semeak taldekoek itxiko dute. Mungiatik datoz, ondoko herritik. Txozna rocka egiten dute, rock konbatiboa. 85eko garaiak gogoraraziko digute. Ska apur bat dantza egiteko. Ohikoak dira gazte egunean, martxaz amaitzeko taldeak… eta sarritan zirimiri artean be bai… ostean gaztetxean juntatzeko, marabunta guztia. *We are Standard dira aurtengo nobedadea. Getxo ingurutik datorkigun taldea, gertukoa hau ere. Estilo aldetik berritzailea. Rockak elektronikarekin egiten du bat. Elektro rocka edo. Martxa handia eskenatoki gainean. Bolo asko, mundu osotik. Eta esperientzia hori ekarriko dute gurera. Musika aldetik oso onak, eskenatoki gainean ikusgarriak, instrumentua aldaketak, erritmo bizia… eta gure herriko plaza osoa dantzan jartzen duten. Ziur baietz. ***
Gose aspaldiko ezagunak ditugu azken urteotan gurean. Hiru lau aldiz egon dira, formatu eta leku ezberdinetan. Gaztetxean sekulako arrakasta izan dute egon diren aurrekoetan. Aurten ere, dantzan jarriko dute bere triki elektronikarekin Gazte egunera hurbiltzen den oro. Talde freskoa eta ausarta. Musika atsegina eta pegadizoa. Himno ugari eta jarreradun taldea. Ikusentzunezko efektuek, polito beteko dute eskenatokia. **
Gau elektronikoa gaztetxean
Eta gau osoan, azken 15 urteotan bezala, disko jartzaileak gaztetxean. Beste giro bat, musika asko, dantzatzeko lekua, toki atsegina eta parranda itzela. Urtero lez, eguzkiak nahikoa da esan arte… gero gerokoak.info + sarean
