larrabetzutik
Larrabetzutik Euskal Herrira
-
Inoiz herrian egin den mendi martxa handiena
Elkartasuna eta herrigintza
Pozik gaude, asteburua itzela izan zelako. Hasi barikuan, jarraitu zapatuan eta domekan bertan be ekitaldi mordoa herrian. Eta asteon gainera, ezin albiste hobea: Eider Zuriarrain libre!
Kontua da, Garmitxaren aldeko ekitaldiak oso oso arrakastatsuak izan dirala. 80 ume inguru antzerki saioan eskolako jantokian, 120 lagun dokumentala eta Gaztelumendi abesbatza ikusten, 220 lagun inguru Garmitxaren aldeko mendi ibilbidean. Eta herrian egon zen giroa, eta elkartasun pintxoak, eta Garmitxa elkartearen postua, eta frontoian sortutako giroa…. Elkartasun bete asteburua.
Larrabetzuko eskolaren webgunean daude argazki eta kronikak. Hor batzen da poz guztia:
Larrabetzun urte asko daroagu mendi ibilbideak antolatzen, eskolako irteerak, Hori Baiek antolatutakoak, ostantzekoak… baina inoiz ez dogu lortu horrenbeste jende batzea. Hasi ume txiki txikietatik, gaztetxoak, gurasoak, helduak, eta baita Gure Etxea jubilatu elkarteko jendea ere. Arrakastatsua duda barik, eta guztiontzako modukoa.
Birritan egin dugu ibilbide bera, iaz eta aurten, eta aurrerantzean ere bide berdinetik joango garela erabaki dugu, eta ibilbideari ere Garmitxa izena jarriko digou. -
barkatu, ama
Gaur hasi gara sarean zabaltzen gure ekimen ttiki eta hauskorra: barkatu, ama
musikazaleak batu, berba egin eta kezkak konpartitzeko (g)unea…..Hitzaldiak, kontzertuak, dokumentalak…. antolatu eta gozatzeko proposamen xume xumea.
Gaztetxeetan eztabaidak bultzatzeko ekimentxoa.
Belaunaldi ezberdinak antzeko doinuekin dantzan jartzeko asmoa.Aurkezpena apirilaren 11an, barikuz Larrabetzuko Hori Bai gaztetxean.
- Hitzaldi musikatua lehenengo. Andoni Tolosa Morau
- Kontzertua ostean: Xabier Montoia, Belarminak
1997an, aurreko mendean, Soraluzen Morau eta lagunak batu ziren kontzertu berezi berezi batean. Bertsolariak, poetak, musikari lagunak… gazteago ikusiko dituzue ordu erdiko bideo honetan. Ikustekoa gero!
Xabier Montoia ere aspalditxoan ari da musika eszenan… zeresan asko dauka gure musikaren inguruan, eta guk kantuan entzungo dugu bariku honetan, trio formatuan, eta oso talde bereziarekin: Ibon RG (pianoan eta kitarran lagun) eta txeloarekin Luis Fernandez (Joseba Tapiagaz gaztetxean aurreko baten ikusi genuena)
-
euskal eskola publikoaren alde
Aurten, ekainaren 1ean ospatuko dugu Euskal eskola publikoaren aldeko jaia, Balmasedan.
nola ulertu eskola
gure herritik harago?
Eskola gure herriari
lotuta baldin badagoEta milaka izango gara, herriz herri, autobusez eta garraio publikoa baliatuz Balmasedara hurbilduko garenak. Milaka dira, Euskal Herri osoan, herriz herri, auzoz auzo… hezkuntza publikoa jasotzen duten neska eta mutikoak. Helburu ditugulako, euskarazko hezkuntza eta publikotasuna, baloreak eta elkarlana.
Aurten baina, Bizkaiko ikastolek txarto eta berandu, Ibilaldia egun berean egitea erabaki dute, aurretik prestatuta zeukaten egunean Europa mailako hauteskundeak izango direlako. Ez dute egun bat aurreratu eta zapatuz egin, ez dute beste egun bat hautatu… ez, eskola publikoaren jaiaren egunean berean egingo dute, ospatuko dute jaia.
Azalpenik? urri eta eskasak. Balorazioa: nork berea. Niri lotsagarria iruditzen zait, eta elkarrekin mokoka ibiltzeko garaiak ez direnez… ba are eta larriagoa.
Ziur naiz, asko izango garela, inoiz baino gehiago Balmasedara joateko hautua egingo dugunak. Baina izango da bat baino gehiago dudan egongo dena, nora eta zelan joan….eta zergaitik.eskola publikoaren alde, egunero
Larrabetzutik adibidez, inoizko ahaleginik handiena egingo dugu eskola publikoaren jaira joateko, autobusak antolatuz, kartelak jarriaz, kanpaina eginez… aktiboa. Herriko eskolan 220 ume baino gehiago ari dira ikasten, Derioko ikastetxera DBH egitera doaz beste mordo bat… eta hezkuntza publikoaren alde, eta LOMCEren kontra ari gara gogotsu aspaldi honetan.
Begirune osorarekin elkartasuna, herrigintza, ingurugiroa, hizkuntza eta beste gauza askoren aldeko hezkuntza lantzen ari gara, eraikitzen… gurean ere. Eta eskola publikoaren alde jarraituko dugu lanean, egunero… hezkuntza komunitate osoak: hezitzaileak, langileak, gurasoak, ikasleak….Aurten SIROKA taldeak egin duen kantu eder hau lau haizetara hedatzen ari da, zorionez. Guk geuk ere horretan dihardugu.
-
Ikasle mugimendua indartzen ari da, nabarmen
Leihotik ikasleak ikusten ditut autobus paradan. Normalean hor egoten dira goizeko 8etan. Mordoa doaz egunero Deriora, institutura. Ia autobuskada bat Larrabetzutik.
Gaurkoan baina, greba eguna dute. Hiru ordu beranduago doaz, 11etako manifestaziora. Greban daude. Baina ez dira etxean geratu.
Leihotik begira, konturatu naiz asko direla. Gaztetxoak, karpeta barik. Baina ikasteko gogoz.
Eta sarea sutan dagoela konturatu naiz gero. #ekinM27 etiketarekin, ikasleen mobilazioen berri jaso dugu sare sozialetan. Itxialdiak, entzerronak, pankartak, mobilizazioak, koloreak…. eta etorkizuna marrazteko tresna guztiak eskuetan.
#ekinM25 ikasle greba orokorra! Sendo ikusten dut, indartsu somatzen da ikasle mugimendua. Atzo unibertsitateko irakasle batek ohartarazi zidan, eta gaur ene begiekin ikusten dut.
Eta poztu egin naiz…. hezkuntza tresna garrantzitsua delako. Gure alde, edo gure kontra.- Topatu.info Hezkuntza sistema propioaren alde
- Uriola.info Ane Morales: “Haserre, nekatuta eta nazkatuta gaude ikasleon zein herri honen hitza inoiz ez entzuteaz”
EGUNERAKETA
Hori guztiori goizean idatzi dot, ikasleak 10:30etako autobusa hartzen ikusi ditudanean.
Egunean zehar itzelak izan dira manifestazioak Hego Euskal Herriko hiriburuetan, eta arratsalderako ere gehiago deituta daude.
Bilboko irudiek adibidez, oso ondo adierazten dute. Ikasle mugimendua indartzen ari zela nioen goizean, oso sendo dagoela frogatu dugu eguerdian. Zer pentsatua eman beharko liguke biharamunean.
-
Zuzenean
Sare sozialak eta gaur egungo hedabideak | aukera berriak eta parte hartzea
Mezu bat edo beste sare sozialetan.
12 mutil ginen 1990ko #santageda bezperan kantatu genuenak, #kintoak. Ez dakit inor soldaduzkara joan zen, ni intsumiso egin nintzen
— gaztelumendi ||*|| (@iPtx) February 4, 2014
Erantzuna eta eskaria ostean.
@iPtx Ezagutzen gazterik eskea egiten ari dena memento huntan ! Lekukotasunak bilatzen ari gira ondaiziela saioan ! 003359371411
— M-Agnès Gorostiague (@ondaiziela) February 4, 2014
Mezu bat watsapp bidez Hori Bai gaztetxeko lagun bati.
Erantzuna atoan. (Eskerrik asko Julen)
Deia Iker Bilbao aurtengo kintoari.
Konexioa Irulegi irratikoek Donibane Garazitik Larrabetzura. Zuzenean berbaz eta kantuan larrabetzuarrak.
Larrabetzuko kintoak (2014) Irulegi irratian (euskal irratiak):
Zuzenean Euskal irratietan.Goiz baten, bapatean, handik hona, hemendik hara. Posible da. Mila esker.
Larrabetzuko kintoak #santageda kantetan kalez kale pic.twitter.com/Cq9WL2Jgvc
— larrabetzu eskura (@larrabetzu) February 4, 2014
Larrabetzuko kintoak #santageda kantari herrian @euskalirratiak @ondaiziela irratsaioan zuzenean http://t.co/MwAPUU2VYP
— larrabetzu eskura (@larrabetzu) February 6, 2014
-
Gure esku dago Larrabetzun be
100 lagun baino gehiago Larrabetzuko eskolako jantokian @GureEskuDago aurkezpenean pic.twitter.com/GLp8m4WpFK
— larrabetzu eskura (@larrabetzu) January 17, 2014
Aurkezpen jendetsua duela egun batzuk Larrabetzun egin zena. Ondo prestatutakoa, zaindua, ordenatua eta esanguratsua.
Eta jendeak erantzun egin zuen, gure herrian gauzak ondo egiten direnean egin ohi den moduan.
Ilusioa piztu du Gure esku dago ekimenak, ilusioa piztuta dago gure herrian eta hemendik aurrera, pausoz pauso, eta gelditu barik… ilusio hori elikatzen, mugitzen, antolatzen jarraitu beharko dugu. Ekainaren 8ko Giza Katea erronka handia bada be, handiagoak izango ditugu musturren aurrean laster baino lehenago eta.
Erabakitzeko eskubidearen alde, gero eta gehiengo zabalagoa antolatzen, mugitzen, kontzientziatzen joatea izango da gure esku dagoen gauzarik garrantzitsuena.
-
Uritarra futbol taldea herrigintzan
euskaraz eta koloretan aluzinatzen
2013 / 2014 denboraldiko kromo albuma atara barri du Uritarra futbol taldeak gurean. Herriko neska mutiko, gaztetxo eta futbolari nagusien talde guztiak… ehunetik gora jokalari kromoetan. Euskaraz eta koloretan.
Argazkiak.org | Uritarra futbol albuma © cc-by-sa: gaztelumendiEta orain, herriko gazteenek Mitxilota dendan, Gazteleku -Uritarraren taberna eta egoitza soziala- edota herriko estankoan bere lagun, auzokide eta ezagunen kromoak erosiko dituzte. Kolekzioa egin, izen abizenak ikasi, aurrelari atzelari atezain edo erdilari diren ezagutu, kromoak aldatu, etxekoei erakutsi, gogoratu eta gorde ahal izango dituzte
Etxean aitite amomak non noren semea den, beste haren alaba edo suinaren neskatoa, haregaz dabilen horren lagune ete dan asmatu ahal izango dute. Eta gure herriko kontaketa egiteko tresna bat gehiago, album bat gehiago… herrian sortu eta garatutakoa. Herrigintzan. Euskaraz eta koloretan. Behar duen bezala.
Zorionak Uritarra! Zorionak Udala, Xaker kirola, Hegoalde enbalajeak eta Petralanda eraikuntzak laguntzaileei ere.
- larrabetzutik.org Uritarraren kromoak
Argazkiak.org | Uritarra San Mamesen © cc-by-sa: gaztelumendi -
Tomas Ordeñana eta PNVren estiloa zatika jausten hasi da Larrabetzun
Ez dakigu etxebizitza sozialak desprestijiatzeko, dirua barra barra irabazteko edo txapuzak egiten artistak direlako… baina Tomas Ordeñanaren -aurreko legegintzaldietan PNVko alkate eta herrian jaun eta nagusi- aroak, oraindik zeresan asko ematen du gurean.
Hemen ikusten dugun argazki hau, aste honetan bertan herrian ateratakoa da. Etxebizitza sozialen kalitatea, txapuzaren maila ikusteko nahiko adierazgarria.
Errezena errua norbaiti botatzea da, baina erruaren atzean zer dagoen aztertzea be interesgarria litzateke.
Etxe hoietan bizi direnek bakarrik dakite zelango desastrea den guzti honen atzean dagoena. Etxe hoien promotorea Pelaez ezaguna -eta inon agertzen ez omen dena- izan zen. Pelaezek dakizuenez, hainbat txapuza historiko egin ditu gure herrian -Golfa, Hotela, Hormaondo jatetxea, etxebizitza batzuk, hainbat zor, hainbat iruzur…- guztiak orduko herriko alkatearen, baimen konplizitate eta laguntzarekin.
PNVk gainera, guzti horrek herriari ekarriko zizkion onurak gogoratzen zituen behin eta berriro.
Argazki honetan Tomas Ordeñanaren ondoan dagoen pajaro hori da Pelaez. Eskumatik hasita (nondik ostantzean) bigarrena da Tomas Ordeñana, eta bere aldean dagoena (hirugarrena) Txema Pelaez mafiosoa (janzkera ikustea besterik ez dago).Iturrikoetxeko etxebizitza sozialak, nahiko barriak izan arren, hasiera hasieratik arazo asko ematen ari dira. Zein da kontua baina? Ez dagoela ardura hartzen duen enpresarik orain. Pelaez ez da inon ageri, ez dute inon topatzen, ez da ez delitugile ez iruzurgile. Eta gainera Tomas Ordeñanak ez dauka ezelango ardurarik orain.
zer egin orain?
- Zer egin behar dute bertan bizi direnek?
- Zer egin beharko luke udalak?
- Zer gainontzeko herritarrok?
Ez da batere erreza orain esku artean daukagun arazoa. Ardurak ardura, egoerari irtenbide ahalik eta duiena eman beharko litzaioke orain. Egoeraren arduradunak ez dira etxe hoietako jabeak, ez horixe, eta behin eta berriro beraien gainera erortzen ari da zama guztia -hor bizitzeaz gain, gastuak gero eta handiagoak dira-.
Herritarrok ere, gehiago arduratu beharko genuke gure herrian gertatzen denarekin. Eta oraingo udalak -nahiz eta ardura politikorik ez eduki horretan- neurriak hartu eta konponbidea bilatu beharko luke, nahiz eta ez asko gustatu eta bere ardurapekoa ez izan. Desgrazia bat gertatzen denean, aurre egin behar zaio egoerari. Eta gure herrian aurreko legegintzaldietan gertatutakoa desgrazia handia izan da bai, herritarrek erantzun dute, alternatiba bilatu dute… baina alternatiba horrek orain eraginkorra izan behar du, gustatu ala ez gustatu.
Etxebizitza sozialak ezkerreko planteamendu batetik bideragarriak, egokiak eta txukunak izan behar dute, bizitzeko eta eredu sozial bat aldarrikatzeko. Horregatik, ezkerreko ikuspegi batetik… etxe hoiek ahalik eta duinenak izatea, herritar guztion ardura be bada… aurrerantzean ere, herritarren neurrira egokitutako politika sozialak bultzatzen jarraitu ahal izateko.
EZtaBAIda soziala beharrezkoa da, alternatibak aztertu eta egoerari guztion artean erantzutea beharrezko da; herritar, udala eta auzokideak.
- informazioa, loturak eta datu gehiago: larrabetzutik.org
-
Intxurtxu erakusketa: intxaur egurretik soinuak eskuz egitera
Urdin Baraiazarra artista hutsa da. Kitarjolea, alaia, aktiboa… baina bere etxeko tradizioari heldu eta eskusoinuak eskuz egiteko gai be bada, bere aitite zanak egiten zituenak modukoak.
Baraiazarra soinu denda historikoa da Gernikan, eta bere aititite erregoitiarra trikitilaria zan. Soinu saltzaile eta afinatzaile aparta da Kepa ere, Urdinen aita.
Baraiazarra soinu etxea
Eta aurten, Urdinek gaztetxean erakusketa bat egitea pentsatu du: egurretik eskusoinura doan prozesu guztia azaldu du, piezaz pieza…argazki bideo eta egurrezko materiala mahai gainean jarrita, erakusgai.
Sekulako trikitixaletasuna dago aspaldian herrian, eta neska mutiko zein heldu ugari ari da jo eta jo… eta giro horrek gaztetxea ere kutsatu du, bertan batzen direlako astero jotzen.Intxurtxu: egurra eta soinua
Intxaur egurra bere garaian hautatu zuten, eta tako lodi batzuk gorde, handik zaflak egin… eta eskusoinuak eskuz egiteko artea ikasi du Urdinek bere kabuz. Kutxak, teklak, mekanismoak, soinua, afinazioa… den dena egiten ikasi du bere aitaren tailerrean, eta neurri ezberdineko hainbat eskusoinu ekoiztu ditu, bere eskuekin, material urri, berziklatu eta tresna gutxi batzuekin. Makinak erabili barik.
Eta gaztetxean jarri du ikusgai, entzungai, jotzeko moduan, ikutzeko moduan, danon begibistan. Eta danok flipatu egin dugu, zelan ez.
Orain erakusketa bera, Anguleri kultur etxean jarriko dugu, jende gehiago ere joan dadin, egun gehiago… eta oihartzun handiagoagaz ziurrenik. Baina benetan be, esperientzia polita izan da hau, asko ikasi dugu danok, eta miresmena txikerra ez bazan be, asko handitu da.
-
Herri bat martxan (larrabetzu / hori bai gaztetxea )
Gazte eguna Larrabetzu
Herri bat martxan
Gaur ‪#‎gaztegune‬ 1985etik ospatzen den Larrabetzuko Gazte Eguna. Giro ona, ekitaldiak, kontzertua, djak, parranda, dantza, harremanak, gazte mugimendu bizi baten aldarrikapen gau eta eguna.
Herri bat martxan, duda barik.
Herri bat dantzan, lotu barik.
eta urtero bezala…. egunsentiak ez gaitu ikaratuko.- Gaur gaueko kontzertuan:
Itziarren Semeak (Mungia, txozna rock) | Iheskide (Elorrio, punk rock) | Governors (Arrasate, metal rock)
- eta gaztetxean, reggae & black musik all the night
Revolutionary Brothers + KING KONSUL
egunsentian, urtero lez Dj kaikuwww.horibai.org
are you reagge?
