musika
entzun!
-
ITOIZ zuri beltzean, baina XXI. mendean
BiBA ZUEK!
Txantxangorria izango da txikitan ikasi nuen kantuetatik gogokoen dudanetako bat.
Ikastolan asko entzuten genuen Itoiz. Eta ia uda guztietan Muxikako San Roman auzoan ikusten genuen zuzenean… eta beste hainbat kontzertu be gogoratzen ditut.
Orain bertsioak entzutean asko hunkitzen naiz.Joseba Baleztena Lenoir BANG taldearekin ari da emanaldiak ematen, eta Jon Iraundegi argazkilariak grabatutako kontzertu honetan eskenatokian lagun itzelak batu ditu, zer eta ITOIZ taldearen bi kantu egiteko. Petti lehenbizi, Mikel Larretxea eta Anari gero.
Kantu bereziak eta atseginak dira.
Udako kantu moduan
TikTara taldeari entzun diogu beste hau, eta udako kantu atsegin bilakatu zitekeen, gehiago entzun izan balitz. Kantu onekin bertsio ederrak egin daitezke. Eta ITOIZ taldeak jarraitzen du XXI. mendeko musikazaleen talde kuttun izaten. Eta pozten naiz.
Gustatuko zaizu ere
Twitter? Ez eskerrik asko
kontatu kontatzen dugu?
Larrabetzu eta txirrindularitza
-
Hotel Monbar gogoan | GAL zer izan zen
Kantua baino gehiago Baionan arratsalde hartan gertatutakoa.
Kantuak hala ere, ondo laburbiltzen du ordukoa. Eta bideo honek are gehiago.
GAL, erakunde terrorista parapoliziala, gerra zikina, Felipe Gonzalez Espainiako orduko presidentearen eskuak oraindik odolez zikinduta daude. X hura.
GAL eta Guardia Zibila, GALindo, Amedo eta beste horrenbeste txakur eta mertzenario, diru publikoarekin.
Kare zuria eta historia beltza.Duda egiten dut gaur gaurko belaunaldiei hori guztia ondo kontatu diegun. Lagunak ditut garai harta neska mutikoak zirela, Baionan edo Donibanen, Miarritzen bizi zirenak. Aita edo ama, edo biak; iheslari, errefuxiatu, izkutatu, euskaldun Lapurdin.
GAL garaia zelan bizi izan zuten kontatzen dute, baina oraindik ez dugu kontatzen asmatu.
Filmeren bat egin da, liburu batzuk… baina kontatzeko daukagu hori guztia ere. Hori be, gure memoria hurbila da. Eta oraindik arduradunak bizirik eta politikako lehen lerroetan dabiltza.El estado de las cosas
Hotel Monbar kantua garai hartakoa da, lau errefuxiatu Baionako ostatu batean hil ostekoa. El estado de las cosas diskoa, Kortaturen bigarren lan luzea izan zen. Eta gertaera horrek markatuta utzi zituen muguruzatarrak. Maiz joaten ziren Baionarat. Eta errefuxiatu gazte askorekin zuten hartu emana. Egoera horrek, kantuak gero, erabat aldatu zuen Kortaturen ildoa. Askoz ere politizatuagoa izan zen bere ibilbidea, lehen disko dantzagarriago, alaiago eta ganberroaren ostean.Hotel Monbar kantuak sekulako garrantzia ukan zuen Kortaturen historian, hori irakurri nuen El estado de las cosas de Kortatu: Lucha, fiesta y guerra sucia liburuan.
Ez genikizkien kontu asko ageri dira liburuan. Eta arratsalde hortako pasadizo horrek kapitulu osoa ez ezik, liburuaren izenburuan ere zipriztinak ditu. Tartean kontatzen da anekdota bat, oharkabean pasatu arren niri zer pentsatu ugari eman zidana behin baino gehiagotan.
Gerra zikin ekintza gertatu ostean, Baionako gazte batzuek atzetik jarraitu zituzten GALeko mertzenarioak, eta Sant Sprit zubiaren parean edo harrapatu. Izugarria behar du une horrek. Egoera extremoa. Zer egin horrelako une batean? 80. hamarkada erdian. Burruka armatua bere unerik gogorrenean, errefuxiatuak hiltzen GAL eta beste muntaia parapolizial batzuk, borborka giroa… eta mertzenario bat harrapatzen dute gazte abertzale batzuk. Itzela.
Haietako bat Txetx izan zen. Txetx militante politiko ezaguna da Ipar Euskal Herrian ez ezik, inguruotan ere. Beti geratuko naiz une horretako bizipenak galdetzeko gogoarekin.
30 urte igaro dira Hotel Monbar odoltsu hartatik. Memoriak, kantuak eta borrokak jarraitzen du. Ez da gutxi.Memoria erreportaia oso ona gaur @garanet egunkarian. #HotelMonbar 30 urte @joxerrabustillo @EuskalMemoria pic.twitter.com/ZPx0oqxCNv
— gaztelumendi |l*l| (@iPatxi) September 24, 2015
Hotel Monbar 30 años de la mayor masacre de los GALGustatuko zaizu ere
#ZaldibarARGITU
10 urte Euskal Herriko laborantza sustengatzen. LURRAMA
Eguneratzen
-
EHZ 20 urte, eta barriro gozatzeko prest
Aspaldi, 1996an joan ginen lehenengoz Euskal Herria Zuzenean festibalera, Arrosara. Behe Nafarroako txoko eder hartara urtero joateko gogoa hartu genuen. Musika entzun, kontzertuak, lagunak, txandak, fritak, karpa… giro itzela.
Handik, Zuberoako kontzertuetara joan ginen gero, urtero… kuadrilan, furgonetan, inoiz Mauleko kanpinera be bai…
Heletakoak handiak izan ziren, Manu Chao gogoratuko du askok, egin zuen ekaitza ere…. herriko giroa, zuzeneko jarraipena… denetarik.
Azken urteotan Garro gazteluaren ondoan gozatu dugu jaialdiaz. Eta gozatzen jarraitzeko gogoagaz oraindik.Aurtengo eskaintza
Baigorrin aurreratu digute asteburuan, jaialdia ekonomikoki apalagoa taina musikalki sano interesgarria izango zala. Eta gu, urtero bezala talde asko eta asko ezagutu barik goaz… baina gero gogotsu entzuten ditugu luzaroan. Ehundaka talde bakarlari eta musikari deskubritu ditugu urteotan guztiotan EHZ festibalean.
Kanaldude telebista
Bideogintzan, ikusentzunezkoetan mundialak dira Iparraldeko gure lagunak. Klipak, zuzeneko irudiak, elkarrizketak, streaminga… zer ez duten egiten Kanaldudekoek.
.@ehzfestibala herri bat zuzenean! https://t.co/cSeJYT816U mugikorrarekin festibalean bideoak egiten aritu ginenekoa. @ercillagorka eta biok
— gaztelumendi.eus (@iPatxi) April 27, 2015
EHZ festibala, 20 urte eta barriro gozatzeko prest http://t.co/pi1jLfpdhZ biba zuek! @ehzfestibala | @Kanaldude pic.twitter.com/kKLobnXpRs
— gaztelumendi.eus (@iPatxi) April 27, 2015
-
zelan zaindu maite dugun hau hori hura?
Durangon eman ditut lau egun eta hiru gau. Baina 4+3 ez dira beti zazpi. Ez gurean.
Musika entzun dugu, letrak irakurri, berba asko, irudiak, doinu eta ahotsak, papera eta pankartak….
Besarkadak eta agurrak, keinuak, ferekak… zer ez dagoen Durangon.
Ruper Ordorikaren bertsio ederra egin dute Arrasateko Anger taldekoek, oraindik hobea den Sute perfektua diskoan.
Eta Durango beharbada, hori da izan be: sute perfektu bat. Ez gehiago.
Ez dut kantu hau entzun, beste asko ere ez…. ez daudelako zerrenda ofizialetan, ez daude alternatiboen mainstream-ean ere ez… baina urtez urte, egunero… jendeak jarraitzen du bere letrak idazten, bere ametsak euskarri ezberdinetan marrazten, lantzen, bultzatzen.Angertarrak holangoak dira, militante eta langile porrokatuak. Musikari finak, eta pertsona hobeak.
Anger gaur metafora bat da. Ruper Ordorikaren kantua bezala. Himno apalagoen garaia bizi gura dugunontzat.
Egia esan, batzuen hautua ez da erraza, bestelako mundu batean bizi gura dugulako beharbada….
bitartean, zaindu dezagun hau hori hura! Izan be, hitzek beti garamatzate norbaitengana…
Eguneraketa
Durangoko azoka honetan Kanaldude herri telebistak lan bikaina egin du. Besteak beste bideo hau zabaldu dute sarean, bertan euskal musikariak azokari buruz mintzo dira.
-
mila esker Lou Reed
Itxura itzela dauka Mila esker LOU REED proiektu honek. Lehen kantu bat ezagutu dugu, baina susmatzekoa da, kantu ederrez osatutako euskal bertsioen bilduma izango dela. Adi jarraituko diogu kontuari.
Hasteko eta bat, mila esker Amaia Akeitari kantutzar hau sarean hedatzeagatik. Jarraitzeko ziur Jonan Ordorikaren lou reed_zale mitikoaren ekimena dela…. eta pozten naiz.
biba zuek!
-
kantu eta doinu berriak
Uztaila, uzta batzen hasteko sasoia.
Eta doinu berriak heltzen dira gure belarrietara.@berritxarrak -en aurrerapen kantua, ‘Etsia’, bolbora baino azkarrago hedatu da. Hau hasi baino ez da egin: http://t.co/rBe8ZeE6af #ehmusika
— Entzun! (@entzuner) July 2, 2014
San Ferminen atarian, doinu eta ekimen gehiago
#Txupinazoa zuzenean eskeiniko dugu http://t.co/6KtRqWvbFB-n @info7irratia eta @naiz_info #elkarlanean https://t.co/k6P3cX4lVv #Sfk14
— Ahotsa.info (@AhotsaInfo) July 2, 2014
maite zaituztegu
Bitartean, etxe askotan oheak hutsik jarraitzen dute, eta ekimenak sortzen dira nonahi, musika, hitzak eta beste arte adierazpide batzuk elkartuz, Urretxu Zumarragako hau bezalakoak edo…
Maite Zaituztegu 2.0: http://t.co/mNVVkUGCdB Urretxu Zumarragatik #maitezaituztegu BIDEOA #hitzela #LIBRE oihu egin… biba zuek!
— gaztelumendi ||*|| (@iPtx) July 2, 2014
-
Larrabetzu Eskura webapp eta Badok.info
Informazioaren aroan bizi gara, baita herri txikietan ere.
GAUR > Musika kultura eta teknologia berriak @LARRABETZU #Eskura eta @Badokinfo pic.twitter.com/nm8z6QDCku
— barkatu ama (@barkatu_ama) June 26, 2014
Larrabetzu eskura aplikazioaren azken bertsioak aurkeztu ditugu gaur. Orain arte mugikorretarako garatutakotik, pausu bat emon eta webapp be aurkeztu dugu jendaurrean. Sarean dago jada: larrabetzu.net/app< gunean.
Tresna honek berdin balio du FirefoxOS sistema eragiledun mugikorrentzat zein iOS edo Android telefonoentzat -iPhone eta beste guztiak…-.Aurrerantzean gure herriko berri, askoz modu eraginkorrean eskaintzeko aukera izango dugu: kultur agenda, elkarteen berri, herriko abisu eta mezuak, albisteak, blogetako informazioa….
Badok.info
Barrutik ezagutzen ari gara @Badokinfo ataria, euskal musikagintzari buruzko tresna indartsuena, eguneratuena @berria pic.twitter.com/lztvorQwsO
— barkatu ama (@barkatu_ama) June 26, 2014
Ekitaldi berean Badok.info euskal musikaren ataria ere aurkeztu du Jon Eskisabel kazetariak. Musika entzuteko eta bizitzeko sekulako tresna sortu du Berria egunkariak. Zorionak!
-
EHZ festibala
Bagoaz barriro be, furgoneta zaharra hartu, bidean zuzen Lekornera. Aurretik Heletara, Mendikotara edota Arrosara joan izan garen bezala. Beti pozik, beti gogotsu….
EHZn eraiki egiten dugu, beste jaialdietan kontsumitu http://t.co/BSwAVTh1RA > @berria Nora Arbelbidek Eneko Etxegarai @ehzfestibala
— gaztelumendi ||*|| (@iPtx) June 24, 2014
EHLG zikiroa azken urteotan
EH zuzenean!
-
Sagarra jo!
Seguraski entzuna duzu Kalakan euskal taldeak eta Madonnak elkarrekin bira mundial bat egin zutela, eta horren istorioa kontatu nahi duen filma bat egiten ari dela.
Filma hori finantzatzeko crowdfunding kanpaina bat martxan jarri izan da. Nahiko ondo atera da orain arte, baina oso egun gutxi falta dira :ekainaren 27an baino lehen helburua lortu behar du filmak, bestela dena bertan behera gelditzen da.
Sagarra Jo, zer da ?Sagarra Jo dokumental luzemetraiproiektu bat da. Kalakan euskal musika herrikoi taldea eta Madonna-ren arteko historioa ardatz gisa harturik, gaur egun sortzen ari den kultura mundial berri honen barruan zein leku hartzen duten adierazpen gutxituek galdezkatu nahi du filma honek. Zeren bila etorri ote da Madonna euskal Herrira ? Erabilpen estetiko utsa edo zentzu sakon baten behaketa izan da ?
Mitutu 1 eta 30 segundutan ulertzeko :
https://www.youtube.com/watch?v=uHmWbuCnCeE
17 minututan ulertzeko :
https://www.youtube.com/watch?v=lCficUog1wE
Zenbait egun baino ez SAGARRA JO filma salbatzeko.
Azken epea : ekainak 27200 harpidetza baino gehiago jaso ditu Sagarra Jo filmaren proiektuak eta orain arte 10.000€ lortu ditu. Pausu ikaragarria emana izan da berez, eta oso gutxi falta da kanpainaren helmugara iristeko. Crowdfunding kanpainaren helburua 12.600€ lortzea denez, 2.600€ lortzea baino ez zaigu falta.
Oso gutxi falta da helburura heltzeko, bai, baina baita oso egun gutxi ere hori lortzeko : 9 egun baino ez zaizkigu gelditzen eta falta diren 2600 euroak ez baditugu lortzen, diru guztia itzuli behar dugu eta proiektua bertan behera utzi.
Crowdfunding kanpaina
Ezaguna da filma bat egitea oso garestia dela. Horrelako filmak egiteko zenbaitzu diru laguntza publikoak existitzen dira noski, baina ezinezkoa da legalki filma bat soilik diru publikoarekin finantzatzea (gainera oso zaila da horrelako laguntzarik lortzea Frantzian, batez ere euskal tematikariburuzko proiektuentzat). Marko horretan Baxter And Rojos elkarteak bere aportazioa ekarri behar du derrigorrez (%50-a).
Crodwfunding kanpainak filmaren independetzia segurtatzea du helburu nagusia, hauda, zer nahi gerta, diru laguntzak ukan ala ez, filma aterako dela segurtatu nahi dute egileek.
Poltsiko guztientzako harpidetza kanpaina bat osatu dute : 5€-tik hasita (bi garagardo) zure izena ukan dezakezu filmaren kredituetan, 10€-ren truke hori + argazki esklusiboak, 25€-ren truke aurrekoa + DVD-a eta abar 2000€ arte edo gehio.
Nola lagundu ?
Ulule crowdfunding plataformaren bitartez :
Gazteleraz > es.ulule.com/sagarra-jo
Frantsesez > fr.ulule.com/sagarra-jo
Ingelesez > en.ulule.com/sagarra-jo
Euskaraz > sagarrajo.comGustatuko zaizu ere
Paperezko kontzertuak gozatzen
Udagoieneko kultur eskaintza oparoa
Argazki garrantzitsua
-
Astelehena irakurri eta musika entzuten…
Etxeko lanak egin, prentsa irakurri, musika entzun, sare sozialei begiratua eman… eta pentsamendutan joan zait eguna.
Astelehen buruzuri baterako, enuen beste ardurarik gura. Astea mantso, lasaiago, emankorragoa izango delakoan… aurreko egunetako erritmo, ardura, kezka eta antolaketa zeregin guztiak gaindituta.
Goizean, hau eta beste irakurtzen ari nintzela… duela 15 urteko kontuak, duela aste batzuetakoak, oraingoak…. gauza asko etorri zaizkit gogora.bxt iriart gogoan
Aurreko astean Bixente Iriart (bxt) izan nuen hizpide Sagarra jo! dokumentaleko kideekin (Iban eta Nico), eta jakin nuen The Sparteens taldeko Marieder Iriart haren arreba zela… eta asko poztu nintzen, hain lagun ona egin nuen musikari desagertuaren pistaren atzetik jarraitzeko, eta 2000. urtean egindako elkarlanak ere pasatzeko moduan izango naizelako.
Gaur Communication dub kantua berriro entzuteko parada izan dut:
Elkarrizketa btx iriart musikariari irratia.com atarian.
bxt> itzul:
[audio:http://www.irratia.com/zaharra/mp3ak/itzul1_128bit.mp3]
Marieder bera eta Kamila Zubeldiak Saioa bikote artistikoa daukate, eta aurrekoan Bilbon grabatutako kantu bat dagoeneko sarean daukate. Willis Drummond taldearen Usain epela kantuaren bertsioa duzue honakoa.
Itoiz eta Split 77
Sarean ibilita, bisita egin diot Badok.info atari eraberrituari, eta nabigazioetan Split 77 taldearen doinuetan murgildu naiz.
Atsegin dut, eta asko Itoiz taldearen bertsio elektronikoago hau. Eta hari horretatik jarraitu nezake musika entzuten, elektronikoa, gurea, hangoa…. mundu osokoa.Eta pantaila aurrean, mezu hau iritsi zait Eguzki Bideoak eta Makusi.tv ekimeneko eskutik:
#gustokobideoak Bihur dezagun #AHT BideBerde http://t.co/GuTukDvbRg @MugituMugimendu @eguzkibideoak @Ekinklik @argia @iPtx @infokontuz
— Makusi TV (@makusiTV) June 16, 2014
(ideia hori aspaldi samar ari naiz lagunartean zabaltzen gainera, AHT hori ez dela inoiz trenarentzat egingo, eta bide berde edo via verde txukun bat osatu dezakegula, antza denez ideia asko ari da hedatzen… eta pozten naiz)
Jarraitu dezaket musika entzuten, nahasten, idazten, ikusten, pentsatzen…. baina bazkaltzeko ordua iritsi da. On egin.
