Egunotan bolo bolo dabil gaia. Batean eta bestean aditzen delako, eztabaida dezentralizatua sortu dugu, ia oharkabean. e-hizketan hasi eta guztiek erantzun ezberdinak eman dituzten arren, badirudi baietz, bagarela, badugula, badihardugula… komunitatea osatzen dugu. Horretan ez dago duda handirik.

Komunitatea edo kuadrila? kezka agertu du Joxek, eta gaztelaniaz ere itaun bera planteatu du. Horrela, galdera bera handiago eginez, erantzunak bilatuz. Eta erantzun egin diote. Ez soilik bere blogean, eztabaida luzatu delako zabaldu.com edo meneamen ere.

Ikusten al gaituzte? nork ikusi behar gaitu? kezka berriak planteatu ditu gero Arkaitz Zubiagak mutilmedia bere blogean. Hor ere erantzun interesgarriak, eta zabaldun berriro interesa areagotu egin da.

Dezentralizatutako eztabaida, gogoetak blogetan, esperientzia berria. Erantzunak irakurri, bildu eta nork bere ondorioak ateratzera.

Irratietako podcastak blogetan
Nik irratira luzatu gura izan dut eztabaida, nolabaiteko oihartzun baten bila. Gure entzuleek ea zer dioten, zer uste duten. Internet eta uhinak uztartuz, blogosferatik gai hauek ateratzeko. Antzera ari dira Gari eta Joxe ere, gure gaiak zabaltzen. Bide interesgarria hasi dugu ikasturte honen hasierarekin, eta irratiek egiten ez dituzten podcast hoiek, guk eskaintzen ditugu gure blogetan. Ez dago txarto.

Gari: Faktoriako mikrosaioa
Joxe: Amarauneko 8. probintzia

Info7 irratiko kolaborazioa entzuteko:
[audio:http://www.info7.com/mp3/kolaborazioak/talaiatik/20070925_eus_1793.mp3]

Asteartero kronika labur bat egiten dut Info 7 irratirako. Teknologia berriak hizpidera ekartzen saiatzen naiz. Ez da erraza, Interneti buruz aritzea Internetetik kanpo. Ez da erreza teknologia hizpide hartzea hiruzpalau minututan. Adibideak, loturak, webguneak erakutsi barik, zaila egiten zait asmatzen asmatzea. Zailagoa oraindik feedback barik. Ez dut ezer entzuten, aditzen, irakurtzen kronika hauen kontura.

Infozazpi Interneteko irrati bezala hasi zen, orain FMtik ere entzuten da Bizkaian eta Gipuzkoa eta Lapurdi aldean. Laister Araban eta Nafarroan ere entzungo da. Irrati nazionala izatea da helburu, Euskal Herri guztian eta Internet bidez munduko edozein txokotatik. Apustua egin du teknologia berrienekin, eta horregatik logikoa iruditzen zait gai hauek normaltasunez jorratzea.

Hala ere, kritikoa naiz neure jardunarekin. Iritzi ezberdinak nahi nituzke. Gaiak, aipatu beharreko ikuspegiak, nabarmentzekoak diren aferak, interesgarria den software eskaintza… nahi duzuena.

Hemen duzue azken kronika, web 2.0 eta web 2.1 gaiari buruzko gogoeta ulertezin bat, azaltzeko ez bide da erraza momentuz, nahiz eta adibideak jartzen saiatu.

[audio:http://www.info7.com/entzun/deskargatu.php?fitxaizena=http://www.info7.com/mp3/kolaborazioak/talaiatik/20070417_eus_1291.mp3&sekzioa=talaiatik&id=1298]

irratia.com astero info7 irratian

Aste honetan jakin dugu gainera, azkenik astero eskainiko dutela irratia.com emankizuna ere. Asteazkenero, arratsaldeko 16:05etan eskainiko dute. Internetetik eta FMtik. Bizkaian 102.3an eta Gipuzkoa eta Lapurdin 99.2an. Teknologia berriei buruzko euskarazko emankizun bakarra da euskal dialean. Gero eta irrati gehiagotan entzuten ari dena. Hala Bedi, Eguzki, Uhinak, Zintzilik, Bilbo Hiria…. eta oraindik gehiagotan eskaintzeko arazorik ez.

Gaur8, Info7, Hamaika telebista… zenbakiak hitzaren munduan. Kanalak adieraztetik.. gehiagora.
Eskerrak euskaraz gauzak sortu daitezkeen. Eta orijinalak. Eta aspaldian dexente sortzen ari diren. Zapatuen ikusi zuen argia, beste proiektu komunikatibo batek ere. Papera eta sarea uztartu asmo duena. Uztartzen ari dena, hasiera hasieratik. Eredu izango da zentsu horretan, euskal esparru komunikatiboan.

Info7 irratian, komunikazioa eta teknologia berrien inguruan astero egin ohi dudan tartean, GAUR8 proiektuaz aritu naiz asteon.
Proiektuari bertute asko ikusten dizkiot. Hobetu daitezkeen batzuk ere gehitu ditut. Baina orohar, aspaldian euskaraz sortutako tresna erakargarriena egin zait GAUR8 proiektua. Ezin dezaket ene poza izkutatu.
[audio:http://info7.com/entzun/deskargatu.php?fitxaizena=http://www.info7.com/mp3/kolaborazioak/talaiatik/20070313_eus_1178.mp3&sekzioa=talaiatik&id=1179]

Josu Juaristirekin irratian

Eta irratia.com emankizunean Josu Juaristi elkarrizketatu dugu 76. saioan. Josu Juaristi GARA egunkariko zuzendaria da, blogeatzen hasi da, eta GAUR8 proiektua ere hizpide izan dugu.

[audio:http://www.bilbohiria.com/docs/podcast/irratiacom/irratiacom070313.mp3]

Aurreko batean, duela aste pare bat edo, Chris Anderson izan genuen Bilbon.
Wired aldizkariko erredaktore burua da Anderson, tipo ezaguna mundu osoan. Interneteko kontuetan ere aditua da,
komunikazio eta marketing_ari buruz asko daki, ekonomilaria da ikasketez, eta mundu mailako begirada dauka. Wired aldizkaria, paperezkoa da berez, eta mundu osoan banatzen den teknologia berriei buruzko aldizkari espezializatua da. Interneten ere irakur dezakegu, egin klik.

Andersonek, teoria berria plazaratu du ez oso aspaldi. the long tail edo buztan luzearen teoria. Bertan dio, arrakastatik aparte ere… badirela jendearen kontsumorako interesgarriak diren hamaika produktu ere. Baina hala ere, super kate eta merkatal gune handienek, arrakastatsuak baino ez dituzte eskaintzen beraien apal eta dendetan. Arrakastak bultzatuta noski, salduenen artean ageri dira salduenak. Baina duela denbora bat baino txikiagoa da salmenta arrakasta hori… orain, Interneteko denda espezializatuetan… arrakasta lortzen ari direnak, gitxi -edo gitxiago- saltzen diren produktuak baitira…

Eta horrela, buztan luzearen teorian, gutxiago saltzen diren produktuen -pelikulak, kantu edo diskoak, liburu bitixiak…. gutiziak azken finean- zerrenda amaigabea lortzen da, buztan luze bat.

Argudio asko, grafiko ugari eskaini zituen Bilboko agerraldian bere teoria hau plazarateko. Interneten eraginaz berba egin zuen, blogak direla, youtubeko bideoak direla… eta guzti horrek eragina dauka kontsumoan ere. Telebista asko ikusten da gaur egun, oraindik, baina asko jeitsi da telesail arrakastatsu bakoitzaren kontsumoa… jada ez dago izar nagusirik, eta izatekotan Interneteko bideoak dira.

Crhis Anderson entzun genuen Bilbon, eta kezka ugari planteatzeko aukera izan zen. Eta oraindik kezka hoiek buruan buletaka dauzkagu. Adibidez, gurea bezalako kultura txiki bat, non kokatuko genuke buztan luze horretan? Ba al daukagu irauterik euskara bezalako hizkuntza batekin globalizazioaren aurrean?
Gure liburuak, diskoak, kultur produktuak orohar, ze bide hartu beharko lukete Interneten panorama honetan?

Entzuteko:
[audio:http://www.info7.com/entzun/deskargatu.php?fitxaizena=http://www.euskalherria.com/mp3/kolaborazioak/talaiatik/20060926_eus_526.mp3&sekzioa=talaiatik&id=526]