info 7
Info 7 irratiko kronikak
-
Gmail erori da
gmail erori da.
Eta danbatekoaren oihartzuna mundu osoan hedatu da. Eta gaur ez dugu mezurik jaso, ez dugu epostarik igorri.
Gmail erori da eta ez dago beste hizpiderik orduotan.
Twitter bidez adibidez, mundu osoan mezuak zabaltzen ari dira.Blogetan irudi barregarriak ere jarri dituzte dagoeneko. Nork kendu dio entxufea gmaili? galdetzen du bata zuridun google-eko buru baten.
Gaur, beste behin ere, google handiaren tresnekiko dugun morrontza agerian geratu da.
Gure inguruan ere, lagunak, ikastetxetako postak, lantokietako korreoa… denak off.
Gmail erori da, eta denok zain gaude, hurrengo mezua noiz jasoko, noiz igorriko.
Zerbitzariak gainezka egingo zuen, edo beste edozer… ez dakigu.
Momentuz ez dago bertsio ofizialik, eta dena da susmoa, dena da ustea, dena da akaso…
baina inork ez daki jakin zergatik erori den Gmail. Baina, gmail erori egin da.
-
Fosdem09 besterik ez buruan, oraindik
Hegazkinak igande gauean lur hartu arren, aitor dut oraindik Bruselako kontuak ditudala buruan. Aste osoan.
Bilbo Hiria irratian, Info7 irratian eta gure emankizun eta proiektu den irratia.com maitatuan ere ez dut beste hizpiderik hartu asteon.
Mozilla eta abarrak aipa eta aipa, badaukat inguruan firefox kontuak utzi eta mortzilla batzuk hozkailutik ateratzea eskatu didanik. Arrazoi osoz ziurrenik.Info 7 irratiko tartean:
[audio:http://www.info7.com/wp-content/uploads/2009/02/20090210_2321.mp33]
irratia.com softwarelibrea.eus
[audio:http://www.bilbohiria.com/docs/podcast/irratiacom/irratiacom090211.mp3] -
Bota
Info 7 irratirako tartean bota dudana edo.
Bizkaiko txapelaren bila, lehenengo bertsoak bota zirela, pasa dira 50 urte. Mende erdi txapelketan. Balendin Enbeita txapeldun. Gabriel Aresti epaimahaiko. Alfontso Irigoien antolatzaile. Milaka euskaldun, milaka euskaltzale Arenaleko bertso saioan. 1958ko abuztuaren 24a.Mende erdiaren ostean. Aurrea egin dugulakoan. Batzuen lanak, askoren gogoak eman ditu fruituak. Eta poztekoa da.
Aurrekoan osorik ez, baina datorren zapatuan BECtekada itzela ezagutuko dugu. Seguru baietz.
Bota beraz. Bertsoa, gogotsu. Txaloekin erantzungo dugu guk.
Info 7 rratirako prestatutakoa hemen.
[audio:http://www.info7.com/wp-content/uploads/2008/12/20081216_2066.mp3] -
Internet aldaketarako tresna
Info 7 irratirako tarte bat prestatzen egon naiz egunotan. Estatu Batuetako hauteskundeetan Internetek eta hedabideek izan duten garrantzia aztertzea eskatu didate.Gehiago ala gutxiago, guztioi eragin digute hauteskundeek. Mezuak, twitter, facebook… presente izan ditugu hauteskundeei buruzko tresnak, aipamenak edo mezuak. Paso egitea ere erraza izan da. Telebistan ordea, aspalditik ari zitzaizkigun txapa ematen. Primariak lehenbizi, eta kanpaina oso osorik gero. Azken egunotakoa be, ez da broma izan.
Interneti begira baina, flipatzekoa iruditu zait Obamak -batipat- sare sozialetan egin duen inbertsioa, lana, apustua. Eta sare sozial hoietatik etorri zaizkio militanteak, laguntzaileak, diru sustengua eta eztabaida soziala.
Adibiderako, zenbait zenbakia sareotakoak:
- facebook Barack Obama lagunak: 879.196 kide
- myspace.com/barackobama 841.020 lagun
- youtube.com lagunak 25.225 channel views 18.579.445 (bai, 18 milioi)
- flickr.com 296.346 argazki obama etiketarekin (hori atzo, gaur irabazi ostean 331.019
Hauek adibide xume batzuk baino ez dira, irrati aipamenerako baliatu ditudanak. Jendetza bat, jarraitzaile asko… eztabaida sozialean, politikoan zer esan badutenak. Tresna sozial hauek baliatuta, dirua batu du Obamak -inoiz egin den kanpaina garestiena sustatu du laguntzaileen diruarekin-, jarraitzaileak baliatu ditu. E-posta mezuak, gutunak, deialdiak… guztia Internetetik.
Aldaketa/change izan da mezu nagusia Yes, we can ahalguztidun horrekin batera. Eta lortu du.
Saioa entzun gura baduzu: Kalegorria magazinea
audioa: kalegorrian
[audio:http://www.info7.com/wp-content/uploads/2008/11/20081105_1772.mp3]Eta gaur, jolasean… propaganda kanpainari so, kalean egiten dituzten streetart lanei begira geratu naiz. Kaletik ere asko izan duelako kanpaina honek. Eta zer ikasi asko dago, oraindik:
baduzu minutu bat? pintadak, grafitiak, kartelak…. topatuko dituzu argazki bilduma honetan.
-
basquecamp bigarren edizioa zapatuan
Info7 irratian teknologia berrien inguruko gaiak hizpide hartuta, ezin aipatu barik utzi basquecamp-2 edizio berria.Urrunan du egoitza nagusia Info7 irratiak, eta handik kilometro gutxira ospatuko da zapatu honetan basquecamp2. Ekainean Larrabetzun egin bagenuen, udazkenean Lapurdin burutuko da euskaldunok batzen gaituen barcamp berezi hau.
Irrati kolaborazioan, horretaz mintzatu gara. Barcamp bat zer den, nortzuk antolatu dute oraingoa… hau eta beste.
Bidarteko zita interesgarria suertatu da. Joatekoak gara gutako batzuk… zuek ze asmo daukazue asteburu honetarako?
infozazpi irratiko kolaborazioa.
-
software librea gura dugula, jode!
Sinadurak gora doaz software librea nahi dugu gunean. Milatik gora dagoeneko, eta gorantz. Kezka sortu da, eta keza hori hedatzean hasiko dira arduradunak arduratzen. Batzutan ez dakigu axolagabekeriaz, edo benetan jakitun direlako hartzen dituzten erabaki hoiek agintariek.
Software pribatiboa bultzatzeak, beraien eredu neoliberalarekin bat egiten du, dudarik gabe. Baina hala ere, guk, herritarrok, badugu kritikatzeko, aldarrikatzeko, purrust egiteko eskubidea eta beharra ere. Eta oraingoan argi eta ozen esan gura diegu gure agintariei, administrazio lokal eta handiagoei software librea gura dugula.
Hedatzen doa mezua. Medio guztiak baliatu beharko ditugu. Nik neure aldetik, Info7 irratiko asteroko neure tartera eroan dut kontua. Entzuleak gonbidatuz sinatzera. Software librea zer den apur batean ez bada be, azaltzen saiatuz.software librea euskaraz ikastaroa
Lantokian ere, ikastaroa antolatu dugu software librea euskaraz izenburupean. 8 sesio bi ordutakoak, Ander Elortondo irakasle librezalearekin. Sarrera bat software librera, Firefox nabigatzaile arrakastatsua, Open Office 3 progra berria, eta azken bi egunetan Ubuntun barneratzeko aukera izango da.
Ikastaroa Arrasateko KulturAten izango da, ostegun arratsaldetan.
Software librea sozializatzeko holangoak egin beharko dira maiz. Erabiltzaileari erraztu egin beharko zaio erabilera librea. Euskarazko programak dira denak, txukun eta ondo euskaratuak. Anderren laguntzarekin ondo ikasiko dugulakoan nago ni ere. -
info7 irratian teknologia berriak hizpide hartuta
Info7 irratian ere abian da ikasturte barria. Urriarekin, kolaboratzaileen txanda be heldu da dagoeneko, eta nik neuk adibidez, astero teknologia berriak hartuko ditut hizpide, Talaiatik mikroespazioan. Albistegien ostean bota ohi dute atal hori. Interneten berriz, egun berean zintzilikatu ohi dute.Hasteko, ez dut gai konkreturik izan lehen aste honetan. Entzuleak agurtu, gaiarekin jarraituko dugula ohartarazi, eta dagoeneko agendan apuntatuak ditugun zita batzuen berri pasa dut.
Asteroko tartea izango denez, lantzean behin blogera ere ekarri asmo ditut Info7 irratiko podcast ttiki hauek.
Talaiatik mikroespazioa entzuteko:
-
Google chrome frogatzen
Deia jaso dut Info7 irratitik, eguerdiko albistegiaren ostean egiten duten Postdatan Google Chrome nabigatzaile berriari buruzko iritzia emateko.
Egia esan, twitter bitartez jakin nuen nabigatzailea kaleratu behar zutela. Eta heldu berri da. Joan naiz webgunera, ikusi ditut aukerak eta katalanezko bertsioa jeitsi dut froga egiteko. Orain hemen eta han gauzak irakurtzen hasiko naiz, zer duen ona, zer duen hobea, zelango kritikak egiten dizkioten eta abar.
Aldez aurretik esango dut, Firefox nabigatzailearen kamiseta jantzita daukadala idazten ditudala berbok, eta ez daukadala oraingoz nabigatzailez aldatzeko ezelango asmorik. Halandabe, Google paketearen ohiko erabiltzailea naizela badaki Interneteko enpresarik handienak… eta hau ere frogatuko dut.
Info7ko saioa baina, enuke egin gura zuen laguntasun barik.
- Zer deritzozue nabigatzaileari?
- Itxura ona al dauka?
- Azkarra da?
- Safari, Firefox eta halakoak ditu oinarrian, baina zertan izan daiteke hobea?
- Zergatik ez dago euskarazko bertsiorik?
- Erabiliko duzue?
Info7 irratiko albistegietako postdata kolaborazioa entzun gura baduzu:
[audio:http://www.info7.com/wp-content/uploads/2008/09/20080904_1388.mp3]Hemendik aurrera Googlen menpeago
-
kerobia
Info7 irratiko Talaiatik tartean Kerobiaren doinuak entzun ditugu. Libre banatzeko kantuak dira, beraien Materia organikoa eta gainerakoak azken diskokoak. Egia esan, aspaldi honetan oso Kerobiazalea bilakatu naiz. Lehen ere gustuko nituen, baina gutxiago entzungo nituen ziurrenik. Jarrera argia erakutsi dute, harremana euki dugu azken asteotan, eta asko gustatzen ari zaizkit.I like it. laket ditut. Gustuko ditut, laket zaizkit. Eta horrela nabarmendu dut Info7ko irrati kolaborazioan.
Entzun gura baduzue:
[audio:http://www.info7.com/wp-content/uploads/2008/05/20080513_939.mp3]
Azken laneko bideoklipa ere ederra egin du Lohitzune errealizadoreak. Ez da ohikoa horrelako lanik ikustea gure musikarien artean. Zinematik badu, argiztapena itzela, gidoia oso ona eta musikariak instrumentu barik agertzen dira. Biba zuek! Youtube garaian, bideo txar asko ikustera behartuak gaude, txispa dutelako, mezua garrantzitsua delako, edo auskalo zergatik, oraingo hau, ikusteko modukoa dela iruditzen zait.
Hilabete bakarrean 3.500 bisita baino gehiago izan ditu lanak, ez da broma! Eta lana zelan grabatu zuten ikusteko, making off berezia paratu dute beraien kanalean, minutu bateko lana.
A ze jendetza behar den, horrelako lan baten egiteko.120 ordu libre
Tira, kontua da irratia.com emankizunean ere, elkarrizketa egin genuela beraiekin, musikaz, diskoaz, bideoaz.. gauza askotaz mintzatu ginen. Aurretik Ruper Ordorika elkarrizketatu genuen -Zugarramurdin zen mugalaria- eta Kerobiarrak, Iruñeatik irratia.com entzun zuenez, Ruperrek errandakoak aipatu zituen, interakzioa.
Horrenbeste gustatuta, orain kontzertua ere antolatu dugu Kerobiarekin. Datorren ekainaren 12an, Bilboko Kafe Antzokian izango dira, eta eskenatokia partekatuko dute Donostiako Lauroba talderarekin. Guk entzuleak batu gura ditugu ostegun horretan, ikasturteaz mintzatu, gaiak proposatzeko aukera eskaini, kritikak jaso, eta proiektu berrien barri eman, ahal bada. Aste horretan bertan, gauzak ondo doazela, 120. saioa eginda izango dugu Bilbo Hiria irratian. 120 ordu musika eta eduki libreak sortzen eta entzuten.
Beraz, badakizue; gonbidatuta zaudete. #e12 -
Akordatzen, memoria historiko digitala
Info7 irratiko tartean gogoeta bat egin gura izan dut. Egunotan etxean Martxoak 31 taldearen DVDa ikusten ibili gara, Durangoko talde eder hori oroituz. Zapatuan apirilak 26, Gernikako bonbardaketa izango genuen gogoan euskaldun askok, eta bertan Kandido Saseta omendu zuten, faxistek bera hil eta urte askotara non lurperatuta zeukaten ere jakin ez dugulako. Asteburu honetan berriz, Bizkargi eguna ospatuko dugu. Toki esanguratsua da Bizkargi inguruko herrietako abertzaleontzat, gerra zibilean gogor borrokatu ziren euskal gudariak bertan, berreskuratu eta galdu egin zuten gailurra. Eta urtero maiatzarekin gogoratzen dugu tontorrean egun hori.Info 7 irratiko saioa:
[audio:http://www.info7.com/wp-content/uploads/2008/04/20080429_863.mp3]
Akordatzen liburua hartu dut eskuetan aspaldiko partez. Di da batean irakurri nuen, aspaldi, baina gogoan nuen Joseba Sarrionandiak Durango eta gerra zibila aitatzen zituela. Eskuan hartuta egin dut irrati kronikatxo hori.
Soinua telefonikoa izanik, Urruña-Larrabetzu konexioa ez da munduko onena, ezta hurrik ere!
