Tagged: larrabetzu

Oroimena bihotzean

Larrabetzun, auzolanean egindako dokumental laburra. Herriko belaunaldi ezberdinetako lagunek, zapatu goiz baten baten eta grabatutakoa 1937ko gerrako lekuko izan ziren herriko paraje ezberdinetan.
Sabin Oñarte Etxebarria gudaria eta historiaren haria, belaunaldiz belaunaldi.
Bertso eskolako eta abesbatzako lagunen kantuak, herriko seme alaben gogoa, herritarren parte hartzea, udalaren laguntza eta oroimenari lotutako sormenak, ikusentzunezko hau osatzea ekarri dute.
Etxez etxe ikusteko modukoa.

Larrabetzu 1937 2012 ekitaldiak hasi dira

Larrabetzu 1937 2012
Hasi dira ekitaldiak Larrabetzun.
Hitzaldia Angulerin
Robert Capari buruzko komikia barikuan.
Basoan gudariei omenaldia

Astuariar milizianoei omenaldi hunkigarria

Basagune eta Bolunburu baserrien arteko basoan zeuden asturiar miliziano antifaxistak 1937an, Larrabetzu zaintzen. Frankistar tropak sartu zirenean, asko eta asko basoan bertan hil zituzten. Oraindik ez dakigu zehatz mehatz zenbat eta non. Baina belaunaldiz belaunaldi, larrabetzuarren artean inoiz aipatu izan da gertaera hori. Eta 2012ko ekainaren 10ean -domekaz- hori omendu da Larrabetzun, Bolunburu inguruko basoan.
Astuariar milizianoei omenaldia
Plazan txistuare doinuekin, basorantz abiatu dira herritarrak, omenaldi xumea egiteko. Basoan bertan, hitzaldi eta aipamen ezberdinen artean, asturiar seme euskaldundu batek hartu zuen hitza, oso berba hunkigarriak eskaintzeko gertatutakoari, memoriari eta larrabetzuarren ekimenari.
Martxelo Alvarez, asturiar euskaldundua
Eusko Gudariak eta Internazionala kantatu eta inguruko trintxera eta lubakiak bisitatzeko aukera egon zen, euripean baina oroimena bihotzean.

larrabetzu 1937 -2012 ekitaldietako argazkiak

2012ko ekaina Egitarau osoa

Robert Capari buruzko komikia Larrabetzun

 Tristisima ceniza nobela grafikoaren aurkezpena.
ekainak 8, barikua
arrastiko 20:00etan
Larrabetzuko Anguleri kultur etxea

Nobela hau Robert Capa, gerrako kazetaritza grafikoaren maisua, 1937ko apirila
eta maiatzean Euskal Herrira egindako bisitaldian oinarrituta dago.
Mikel Begoña historialaria eta komikiaren gidoilariak hartuko du parte. Honek
lanaren sorkuntzaren prozesua azalduko die bertaratuko direnei eta Iñaket
marrazkilariak, historia-fikzio ariketa bat egingo du. Horretarako, hitzaldia
bitartean, Robert Capak borroka egunetan egin ahal izango lituzkeen Burdin
Hesiko borroken irudien zirriborroak egingo ditu. Edorta Jimenez idazleak,
euskaraz argitaratutako Robert Capari buruzko biografia bakarraren egileak,
ekitaldiaren sarrera eta amaiera egingo ditu.