Hasi dira ekitaldiak Larrabetzun.

Robert Capari buruzko komikia barikuan.

Astuariar milizianoei omenaldi hunkigarria

Basagune eta Bolunburu baserrien arteko basoan zeuden asturiar miliziano antifaxistak 1937an, Larrabetzu zaintzen. Frankistar tropak sartu zirenean, asko eta asko basoan bertan hil zituzten. Oraindik ez dakigu zehatz mehatz zenbat eta non. Baina belaunaldiz belaunaldi, larrabetzuarren artean inoiz aipatu izan da gertaera hori. Eta 2012ko ekainaren 10ean -domekaz- hori omendu da Larrabetzun, Bolunburu inguruko basoan.

Plazan txistuare doinuekin, basorantz abiatu dira herritarrak, omenaldi xumea egiteko. Basoan bertan, hitzaldi eta aipamen ezberdinen artean, asturiar seme euskaldundu batek hartu zuen hitza, oso berba hunkigarriak eskaintzeko gertatutakoari, memoriari eta larrabetzuarren ekimenari.

Eusko Gudariak eta Internazionala kantatu eta inguruko trintxera eta lubakiak bisitatzeko aukera egon zen, euripean baina oroimena bihotzean.

larrabetzu 1937 -2012 ekitaldietako argazkiak

2012ko ekaina Egitarau osoa